Sunday, 30 December 2018

RUBUTACCIYAR WAƘAR TSILLA-TSILLAR TSUNTSAYE




RUBUTACCIYAR WAƘAR TSILLA-TSILLAR TSUNTSAYE

* Sunan Waƙa: Tsilla-tsillar Tsuntsaye

* Rubutawa: Haiman Raees

* Shekara: 2018

* Baituka: 10

* Jigo: Jan Hankali

         (Amshi) 
Tsilla-tsilla Ta Tsuntsaye
Ga Gantalin Gaulaye


                   1
Da Fari Zan Sa Rabbi Wanda Shi Yai Tsuntsaye
Shi Yai Bishiya Yai Mata Rassa Dogaye
Kuma Yai Akuya a Gefe Can Ga shanaye
Ni Roƙona Ka Raba Mu Da Sharrin Mugaye
                                  Ya Allaah!

              (Amshi)
                      
                     2
Tsira Da Aminci Gun Manzo Mai Sunaye
Da Sahabbansa Haɗa Duka Harfa Da Alaye
Da Masu Sonsa Cikin Maza Har Mataye
Domin Darajarsa Ilahu Raba Mu Da Sharrin Ɓeraye
                                   Ya Allaah!

                 (Amshi)

                     3
Ku Sani Jama'a Akwai Wasu Gungun Kuraye
Sunci Sun Ƙoshi Jikin Su Kamar Fa Na Giwaye
Gasu Can Fa him Kuma Basa Shakkar Kowaye
Ya Rabbana Tsare Mu Da Sharrin Zomaye

                                    Ya Allaah!

                 (Amshi) 

                     4
Sun Ɗau Talakawa Sai Kace Wasu Wawaye 
Sun Tai Gaba Bayansu Fa Basa Waiwaye 
Ga Alama Dai Imanin Su Ya Tafi Ƙaraye 
Ya Sarkin Mu Ka Raba Mu Da Sharrin Kuraye 
                                      Ƴan Ƙota! 

                 (Amshi) 

                     5
Dukiyar Jama'a Ita C Suka Ciccinye 
Ba Ruwansu Da Kowa Yara Koko Mataye 
Sun ɗauke Mu A Yashe Kamar Wasu Banzaye 
Sun Zamo Kaska Jinin Talakka a Shashshanye 
                                    Ƴan Ƙota! 

                 (Amshi) 

                     6
Sun Tara Kuɗi Sun Auro Mata Jajaye 
Bayan HaƙƘin Mu Shi Suka Tat-tauye 
Matsabbai Sun Taru Kuma Gefe Can Ga Bokaye 
Sun Bar Talakka A Gefe Yana Hawaye 
                                      Ƴan Ƙota! 

                (Amshi) 

                     7
Su Burinsu Muƙaminnan Fa Suyo Haye
Mazalunta Masu Son Rigima Ai Kumayye 
Talakka A Yau Wai Shi Za Ai Wa Kiranye 
Ya Rabbana Tsare Mu Da Sharrin Guntaye 
                                      Ya Allaah! 

                (Amshi) 

                     8
Matasanmu Mu Taru Mu Bar Shaye-shaye 
Komai Nisan Dare Ku Sani Fa Gari Ai zai Waye 
Domin Yanzu Kan Mage Ya Fa Waye 
Ku Fito Mubi Gaskiya Ba Garwaye 
                                    Don Allaah! 

                 (Amshi) 

                      9
Su a Tunaninsu Su Kaɗai Ne gwanaye 
Gani Fa Suke Wai Bamu Da Wayau Gaulaye 
Wankan Nan Fa Yafi Kama Da Jirwaye 
Duk Wanda Yazo Da Zamba Mu Taru Mu Tunkuye 
                                         Ɗan Ƙota! 

                  (Amshi) 

                       10
Ya Sarkin Mu Gamu Mun Ɗaga Hannaye 
Zuciyoyin Mu Dukka Muna Hawaye 
Maƙiyan Mu Dukka Ilahu A Tunfaye 
Da Sun Nufo Mu Da Sharri Rabbana Ka Kiyaye Mu 
                                         Ya Allaah!


Tsilla-tsilla Ta Tsuntsaye
Ga Gantalin Gaulaye


<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki


EmoticonEmoticon