Skip to main content

TA'ADDANCIN MASONIYYA 11

TA'ADDANCIN MASONIYYA 11

Anan zan so in fara da yin wata Tambaya mai matukar
Muhimmanci, shin me ya hada Michael Jackson da
Aliester Crowley???

 Gamayya tsakanin Mawaka da 'yan
Masoniyya ba anan kawai ta tsaya ba, mafi Yawancin
wakoki, Fina Finai da kuma Litattafan da suke fitarwa,
suna dauke da Shaidanun Sakonni wadanda mu kuma
kullum kwasar su mu ke yi.

 "Back Tracking" wani salo
ne na ajiye Sakonni da akayi rikodi zuwa odiyo. Su kan
ajiye irin wadannan Sakonni da kuma bayanai ne a cikin
Wakokin su ta yadda in dai mutum ba ta baya ya kunna
wakar ba (kamar zai yi tariya kenan a rediyo mai
rikodi ) to ba zai taba fahimtar sakon ba ba.

Idan mutum
ya kunna su ta dai dai zai ji Waka ce kawai take tafiya,
amma da zarar ya kunna wakar ta baya, to anan ne fa
labarin zai sha banban. Sai dai kuma duk da cewa mai
saurare ba zai fahimci me ake cewa ba, ita Zuciya
saboda hikimar dake cikin halittar ta tana iya gane irin
wannan sakon kuma ta ajiye shi a cikin ta.

Sannan shi
Irin wannan sakon Yana iya Gurbatawa mai Sauraron
sa tunanin sa kuma ya lalata masa Zuciya. Manzon
Allah Sallallahu Alaihi Wa Sallam Kuma ya ce Idan
Zuciya ta baci to dukkan jiki ya baci, idan kuma Zuciya
ta gyaru to dukkan jiki ya gyaru ", to su Zukatan
mutane suke so su dinga Lalatawa.

 Wannan na daya
daga cikin irin salon da Masoniyya ke amfani da shi
wajen yakar tunanin Jama'a tare da cusa musu akidar
Masoniyya a Zukatan su. A takaice dai, shi wannan
Back Tracking din tamkar wankin Kwakwalwa yake yi,
kuma zai iya canjawa mutum yanayin tsarin Rayuwar
sa ma ba tare da ya ankara ba.

Bari in baku misali,
Shararriyar Mawakiyar nan mai suna Madonna ta taba
yin wata Waka mai suna " Like a Prayer" (kamar
addu'a ), sai dai a wannan Waka ba addu'a ake yi ga
Ubangiji ba face Shaidan. Idan akayi amfani da Back
Tracking (wato aka kunna wakar ta baya), kalmomi irin
su "Oh hear us Satan" (Ya Shaidan ka saurare mu) ana
iya jin su a fili.

Sannan ido dayan da Masoniyya ke
amfani da shi a hanyoyi da dama ya sha fitowa a cikin
bidiyoyin Wakokin Madonna. Madonna kuma ta sake
fitowa a wani bidiyon inda take tsaye akan wani rubutu
yayin da ido dayan ya bayyana a goshin ta, bincike mai
zurfi da akayi dangane da wannan rubutu dai ya nuna cewa rubutun Arabiyya ne (Harshen Alqur'ani).

 Wannan Kadan ne daga cikin cin Fuskar da suke yiwa Musulunci, amma a hakane wasun mu suka dauke su a matsayin ababen nunawa Soyayya.
Allaah Ya Kyauta.

Zan Ci Gaba In Shaa Allaah.

<••••••••••••••••••••••••••••>
  Hãïmâñ Khãñ Řăééş_* <••••••••••••••••••••••••••••>
 08185819176
Twitter: @HaimanRaees
 Instagram: Haimanraees
 Infohaiman999@gmail.com

Comments