WATA MATA TA KASHE MIJINTA A MALUNFASHI

Da dumi duminsa jami'an yansanda dake karamar Hukumar malunfashi a jahar katsina sun damke wata mata yar shekara 19 da laifin kashe mijinta har lahira. Matar mai suna rabi Shamsudeen ta kashe mijnnatane mai suna Shamsudeen salisu dan shekara 25 da misalin karfe 4:00am na safiyar litinin tahanyar daba masa wuka. Lamarin yafarune a wani kauye mai suna danjaku dake karamar Hukumar malunfashi. Mai magana dayawun yansandan jahar katsina ne malam SP Gambo musa ne ya bayyana hakan a yayin ganawar shi da manema labarai Yace a biciken da sukayi basukai ga gano dalilin dayasa ita mai laifin ta aikata kisanba amma dai zasuyi bincike. Makwaftan Shamsudeen nedai suka jiyo ihunsa suka fito suka same shi rike da cikinsa yana Cewa ku taimake ni a YAYINDA ita kuma rabi take rike da wuka da jini a hannun ta to Allah ya kiyaye ya kumasa mufi karfin zuciyoyinmu. Ameen


Share:

KO DA GASKE ZA A ZARTAR DA HUKUNCIN RATAYE MARYAM SANDA?


SHARHI: Ko Da Gaske Za A Tabbatar Da Hukuncin Rataye Maryam Sanda?

Daga Datti Assalafi

Abinda kowa ya kamata ya fahimta shine kafin a zartarwa Maryam hukunci tana karkashin beli ne, wato ba'a gidan yari take tsare ba, an bayar da belinta, wallahi wasu kwanaki da suka gabata da idona na ga Maryam Sanda da Mahaifiyarta da 'dan da ta haifa, da kanin mijinta marigayi Bilyaminu a wani guri a cikin garin Abuja, har nayi zaton cewa an kammala Shari'ar gaba daya.

Da aka zo zaman kotu a yau, bayan da kotu a matakin Federal High Court ta yanke wa Maryam Sanda hukuncin kisa ta hanyar rataya, sai alkali ya bayar da umarni a tafi da ita gidan yari kafin ranar rataya ya cika, sai dai dokar gwamnatin Nigeria ya bata damar daukaka kara zuwa Court of Appeal har zuwa Supreme Court.

Hukuncin High Court ba shine karshen al'amari ba a halin da Maryam Sanda take ciki, akwai matakin sake zama a kotuna guda biyu da na fadi a sama, hatta Alkalin da ya zartar mata da hukuncin kisa a yau sai da ya bata damar daukaka kara idan ta ga dama.

A tsarin kundin dokokin gwamnatin Nigeria sashi na 241 cikin baka na (1) ya bada dama ga wanda aka yanke masa hukunci idan bai gamsu ba ya daukaka kara har zuwa Kotun da ga ke sai Allah Ya isa, wato Supreme Court.

Sannan a dayan bangare tsarin mulkin Demokaradiyyah da ake yi yau duniya har da Nigeria, tsari ne da yake kiyayya da batun zartar da hukuncin kisa ga wanda ya aikata laifin kisa kamar Maryam, lallai ko shakka babu zata samu kariya anan duniya, da wahala a kashe ta a iya abinda na fahimta da kuma hange.

Bayan haka Mahaifiyar Maryam mai kudi ce kuma 'yar siyasa, babu shakka ko da arzikin da ta mallaka a duniya zai kare zatayi hakan don ta kubutar da 'yarta daga fuskantar hukuncin kisa anan duniya, sannan kungiyoyin kare hakkin bil'adama masu gaba da irin wannan hukunci na kisa zasu iya kawo mata agaji su kubutar da ita.

Amma ko a yanzu "an tauna 'kasa domin aya taji tsoro!", wannan babban izna ne ga masu tunanin daukar mummunan mataki na kisa a lokacin da suka fusata, biyewa zuciya na kai ga mutum zuwa ga nadama marar amfani.

Idan Maryam Sanda ta aikata laifin kisan Mijinta da niyya a cikin zuciyarta kashe shi tayi niyyar yi da gaske, to tabbas bata da wani zabi face sai ta dandana azabar hukuncin kisa a nan duniya ko kuma a Lahira ranar da Allah Zaiyi hukunci da kanSa, amma idan bisa kuskure ne ta kashe mijinta, ba niyyarta ta salwantar da rayuwarsa ba, to har a gurin Allah Maryam tana da zabi na tuba da biyan diyyah.

Sai nake ganin kuskure ne mu tabbatar da cewa Maryam da gaske tayi niyya a zuciyarta ta kashe mijinta ne duk da ance wuka ta daba masa, sannan kuskure ne mu yarda cewa ba da gangan ta kashe shi ba, Allah ne Kadai ya san abinda ta kudurce a ranta, Ya kuma san yadda akayi Mijinta Bilyaminu ya rasa rayuwarshi a sanadiyyarta.

Muna rokon Allah Ya sa mu fi karfin zuciyarmu a cikin kowani irin hali Amin Yaa Hayyu Yaa Qayyum.
Share:

NI MUSULMI NE, MATATA HINDU CE, YARANA KUMA INDIA CE



Daga Salim Idris 


"Matata mabiyar addinin Hindu ce, ni musulmi neh, 'ya'yanmu kuma qasarsu INDIA ita ce addininsu" cewar Jarumi Shahrukhan

Jarumin wanda akewa laqabi da KING OF ROMANCE ya jima ba'a ganshi a fim ba tun bayan fitar fim dinsa ZERO wanda AANAND L RAI ya bada umarni. Fim din bai yi abin kirki à kasuwancinsa ba wanda yasa tun daga lokacin Shahrukhan bai fadi fim din da zaiyi nan gaba ba.

An ga jarumin kwanan nan ya fito a wani shiri da akeyi na talabijin mai suna DANCE PLUS 5 yana magana akan addini. Shahrukhan yace basa yin hirarraki akan addini a gida tare da iyalinsa. Ya qara da cewa indai yazo cike gurbin addini a fom din makarantar 'ya'yansa, INDIA yake rubutawa a wajen. 

An sha jin jarumi Shahrukhan à baya yana cewa suna yin bikin kowane addini a gidansa kuma basa banbancewa. 
Daga qarshe jarumin yace "Ni ba mai yin sallah biyar a rana bane amma ni musulmi ne. Na yadda da abubuwan da addinin musulunci yake koyarwa kuma na yadda addini ne mai kyau"
Share:

TARIHIN HAMSHAKIN MATAFIYI IBN BATTUTA Kashi na Uku.

TARIHIN HAMSHAKIN MATAFIYI IBN BATTUTA
Kashi na Uku.
Daga Sadiq Tukur Gwarzo, RN.
Bayan Ibn Battuta ya kammala aikin Hajjinsa, sai kuma ya ɗaura harami ya shiga cikin wani ayari mai tafiya kasar Iraqi. Daga can kuma bayan ya huta sai ya wuce zuwa Iran, a inda babu jimawa ya sake tattaro kayansa ya biyo ayarin mahajjata, sai gashi a saudiyya.
Daga nan bai zame ko ina ba sai gabashin afirka, inda yayi kara-kaina, ya zagaya kasashen larabawa ta kudu, sannan ya sake ɓulla kasar saudiyya.
A wannan karon ma bai jimaba, sai yabi tawagar wasu matafiya, kwanci tashi sai gashi a Misira. Ya sauka yayi 'yan kwanaki, sannan ya tashi izuwa kasar syria, a inda babu jimawa ya tsallaka babban teku ya dira a Crimea.
Anan ne kuma tafiyar Ibn Battuta ta mika izuwa yankin Asia, inda ya shiga kasashen Khwarizm, Bukhara da Afghanistan, sannan ya tsallaka tsohuwar daular musulunci data kafu a Delhi ɗin kasar India.
Ibn Battuta ya shafe shekaru biyu a Delhi yana rike da mukamin alkalin alkalai. Daga nan yaji tawaga zata tashi zuwa birnin Sin (China), cikin azama yace zai bita.
Akan hanyarsa ta zuwa china ya sauka a Maldives har ma yayi aikin alkalanci na watanni shidda, sannan ya cigaba izuwa Ceylon, Bengal, Zaitun da Canton, har dai a karshe ya riski china.
Ance a farkon shekara ta 748 hijiriyya, Ibn Battuta ya sake ɗaura ɗamarar komawa kasashen Iran, Iraq da syria, daga bisani kuma sai ya koma saudiyya domin sake gabatar da aikin Hajji.
Bayan ya kammala sai kuma yabi ayarin wasu libiyawa ya riski garin Fezzan mai makotaka da Borno, sannan ba tare da gajiyawa ba kai tsaye yayi haramar tun karar garin Grenada na kasar spain.
Daga can ne kuma sai ya sake ɗaura sirdi, ya dawo yankinmu na afirka, inda kai tsaye ya tunkari birnin Timbuktu na kasar Mali, sannan ya garzaya izuwa garin Gao, daga nan kuma labarnsa ya riske kasarsu Morocco, sai Sultan Abu Inan ya aika masa ya dawo gida.
Bayan Ibn Battuta ya koma gida ne ya labartawa sakataren fadar sarkin kasarsu mai suna Ibn Djozay duk labarin tafiyarsa, wanda shine aka taskance tare da maidashi littafi mai suna RIHLA.
A karshe, Ibn Battuta ya rasu a kasarsa ta haihuwa a shekarar 1368 zuwa 1369.
Littafin Rihla kuwa na ɗaukene da labarin tafiyar Ibn Battuta tun daga sanda yabar garinsu Tangier har sanda ya komo, da yadda yasha wahalar tafiya gami da yadda ya rinka samun arziki yana kuma kyautar dashi ga mabukata.
Haka kuma Ibn Battuta ya bayyana mummunan labarin abin daya auku a gareshi yayin haɗuwarsa da wasu 'yan fashin teku a yankin Turai, waɗanda suka tsareshi tsawon kwanaki takwas tare da kwace dukiyarsa, a karshe da kyar ya kuɓuta daga hannunsu daga shi sai dardumar sallah. Amma kuma bayan ya tsallaka garin Malabar ya nemi mafaka, sai aka naɗa shi alkali mai daraja a garin.
Ibn Battuta ya rinka bada hujja a duk garin daya ziyarta, yana mai faɗin yadda ya samu garin, ko kuma wani muhimmin abu daya auku a lokacin zuwansa.
Misali
Ya faɗa akan zuwansa Kasar saudiyya cewa "Na shafe shekaru biyu ina rayuwa ta tsarki da imani mafi soyuwa ga ubangiji. A koda yaushe ina kusa da ka'aba wajen bautar Allah, da sauran wurare tsarkaka."
Ya faɗa akan zuwan sa Cairo cewa "A garin zaka samu manyan masana da jahilai, zaka samu masu gina gumaka da masu bautar ubangiji, masu zafin zuciya da masu karimci.. Cikar garin da batsewarsa kuwa takai ka misaltata da kaɗawar igiyar teku. Haka kuma duk da garin tsoho ne, amma gine ginen sa na zamani ne".
Ga kuma abin daya faɗa a zuwansa Ceylon "Mutanen cikin birnin mabiya addinin Bhudda ne, amma suna girmama musilmai ta yadda suna basu muhalli da abinci mai daɗi."
Amma game da indiyawa, ya faɗa cewar basa taɓa yin abota da musulmi, ba kuma sa bashi abinci ko abinsha, amma basa cutar dashi yayin da yazo wucewa ta kasarsu.
A Zuwansa Turkey, Ibn Battuta ya faɗa cewa Turkawa suna barin dabɓobinsu suyi kiwo babu mai kula dasu, domin dokarsu akan sata mai tsauri ce.
A cewarsa, idan aka samu mutum da dokin sata a Turkey, za'a tilasta shi ya maida dokin tare da karin dawakai guda tara. Idan kuwa ya gaza yin haka, to ɗansa za'a kwace amaimako.
A game da zuwansa china, Ibn Battuta ya faɗi cewar yasha mamaki matuka musamaman yadda yaga kaji da zakaru a china manya manya. Har ma yace akwai sanda abokinsa ya siyi kaza don suci, amma saboda girmanta sai a tukwane biyu suka dafa ta.
Haka kuma, Ibn Battuta yace ya kayatu sosai da tulin jiragen ruwa dake gaɓoɓin tekunan kasar china. Ya kuma faɗa cewa a kowacce gaɓar teku, akwai mutum dubu goma masu bada kariya, ɗari shidda mayaka ne, ɗari huɗu kuma masu harbi da kibau ne.
Sannan kuma ya faɗa cewar bai taɓa wuce wani gari a china ya dawo shiba face sai ya riski an taskance zanen fuskarsa a garin.
Acewarsa, mutanen kasar nayin haka ga kowanne bako saboda koda zaiyi laifi ya gudu, sai su aika da fuskarsa sassan duniya ta yadda da anganshi za'a kame shi.
Ibn Battuta ya kayatu da kyawun gine ginen garin Constantinopole na kasar egypt. Haka kuma ance ginin cocin Saint Sophia yayi matukar burgeshi, amma yaki yarda ya shiga cikinsa saboda ya lura idan ya shiga tilas ya russunawa gicciye na kiristoci.
Akwai kuma labarin daya bayar mai nuna gudun duniyarsa da rashinsa ga kwaɗayi, wanda yace wata rana suna tare da sarkin ceylon yana cin wasu zaɓaɓɓun Inibai, sai sarkin yake tambayarsa ko ya taɓa ganin inibai masu kyawun waɗannan?
Nan take Ibn Battuta yace tunda yake shige kasashe, bai taɓa ganin inibai kamar suba.
Wannan sai yasa sarkin yaji daɗi, har ma yacewa Ibn Battuta ya kwashe duk iniban ya bar masa su kyauta. Amma sai Ibn Battuta ya kalli abin a matsayin kaskanci, sannan yace da sarkin shifa ba wannan ne damuwar saba, abinda yafi bukata shine yaga sawun kafar Annabi Adamu da akace akwaishi a kasar.
Tabbas Ibn Battuta ya rayu cikin ilimi da imani.
Da fatan Allah yajikansa amin.
Share:

Total Pageviews

Featured post

WAƘAR CORONAVIRUS 01

WAƘAR CORONAVIRUS 01  Bissmillahi da sunan rabbana  Haiman ayau zan fara batuna Tsira da amincin Allah ga adali Manzona Da Sahabbai da Tabi’...