• This is default featured slide 1 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 2 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 3 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 4 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 5 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

Showing posts with label Siyasa (politics). Show all posts
Showing posts with label Siyasa (politics). Show all posts

AN GAISHE DA EL-RUFA'I

An Gaishe Ka Namijin Duniya, Gwamna Malam Nasir Ahmad El-Rufa'i

Daga Imam Murtadha Gusau

Talata, 24/09/2019

Da Sunan Allah, Mai Rahama, Mai Jin kai

Assalamu Alaikum

Ya ku 'yan uwana 'yan Najeriya masu girma, masu daraja! Wallahi, Allah ya sani, kuma shine shaida, na dade ina kwakkwaran bincike da kuma bibiyar ayukka da tsare-tsare, da salon mulki irin na gwamnatin jihar Kaduna, karkashin jagorancin mai girma adalin gwamna, masoyin talakawa, mai kaunar kawo canji na gaskiya a cikin al'ummah, wato Malam Nasir Ahmad El-Rufa'i; sai daga karshe sakamakon bincike na ya tabbatar mani da cewa, lallai wannan mutum alkhairi yake nufi ga jihar sa ta Kaduna da kuma kasar nan baki daya. Na gano cewa wannan gwamna wallahi, wallahi, wallahi, talaka ne a gaban sa ba aljihun sa ba, kuma na gano, burin sa shine, yaya za'a yi a gyara tsarin kasar nan, ta dawo kamar yadda ake tafiya a can da, ya zamanto babu banbanci tsakanin dan mai kudi da dan talaka; tsakanin 'ya 'yan masu mulki da 'ya 'yan wadanda ake mulka.

Ya ku bayin Allah! A kasar nan ta mu mai albarka Najeriya, mun dade muna ta kiraye-kiraye zuwa ga gwamnati da dukkanin wani mai ruwa da tsaki a harkar ilimin kasar, cewa, wallahi idan ana so ilimin kasar nan ya gyaru, ya koma mai inganci kamar can da, inda da dan Sarki da dan gwamna da dan attajiri duk ajin su daya, to sai an cire son zuciya, ya zamanto an rusa duk wani tsari na makarantu masu zaman kan su (private schools), ko kuma a rage yawan su, abar masu inganci daga cikin su, sannan ya zamanto duk wani mai hali, da 'yan siyasa, da manyan jami'an gwmnatoci, da sarakuna duk su kai 'ya 'yan su makarantun gwamnati tare da 'ya 'yan talakawa, kamar yadda tsarin karatu yake a can da. Wannan hanyar ce kadai idan Allah ya taimake mu, sai tsarin ilimin mu ya gyaru. Amma matukar aka ce makarantun 'ya 'yan manya daban, na 'ya 'yan talakawa daban, to wallahi har abada harkar ilimin mu ba za ya taba gyaruwa ba, wannan ita ce gaskiyar magana.

Idan zamu tuna a shekarar 2015, lokacin da ake Kamfen din neman kuri'un talakawa, gwamna Malam Nasir Ahmad El-Rufa'i ya dau alkawari, ya bayyana cewa idan Allah yasa yaci nasara, zai sa dan sa a makarantar gwamnati tare da 'ya 'yan talakawa.

Tun a wancan lokacin 'yan adawa da sauran jama'ah suke ta ganin cewa gwamna El-Rufa'i ya fada ne kawai amma sam ba zai iya yin haka ba, saboda lalacewar makarantun gwamnati a kasar nan.

Sai ga shi jiya litinin, 23 ga watan Satumba 2019, a lokacin da aka bude makarantu, bayan hutun karshen zango da aka tafi, mai girma gwamna El-Rufa'i ya ba mara da kunya, ya cika akakawari, ya garzaya da dan sa na cikin sa, Abubakar Al-Sadiq mai shekaru shida (6), zuwa makarantar gwamnati ta Kapital School da ke Kaduna, kamar yadda yayi alkawari a can baya, a inda aka yi masa rajistar shiga aji daya; kuma yayi kira ga sauran jami’an gwamnati da 'yan siyasa da su yi koyi da shi, su sa 'ya’yan su a makarantun gwamnati kamar yadda yayi, domin ta nan ne kadai hanyar da 'yan siyasa da hukumomi za su bi suyi hobbasa domin inganta ilimi.

Sannan kamar yadda kowa ya sani ne, tun bayan hawan gwamna Malam Nasir Ahmad El-Rufa'i kujerar mulkin Kaduna ya fara aiki tukuru wajen ganin cewa ya gyara makarantun jihar, wanda a halin yanzu aka kusa kammalawa da yardar Allah.

Sanadiyyar kokarin sa, an samu karin dalibai masu shiga makarantu a fadin jihar, da kuma karin daukar malamai kwararru da yayi.

Da wannan ne nike cewa a gaskiya Allah ya taimaki jama'ar jihar Kaduna da zakakurin shugaba, jarumi, kuma adali, mai kishin talakawan sa. Ina rokon Allah yaci gaba da taimakon sa, da yi masa jagora, akan irin wadannan namijin kokari da yake yi wa jjhar sa, sannan ina rokon Allah ya ba shi ikon dare wa kan karagar mulkin Najeriya baki daya, domin irin wadannan shugabannin ne kasar nan ta ke bukata a halin yanzu; wadanda za su sa gaba wurin ganin talakawa sun ji dadi. Allah ya taimake shi, yayi masa jagora, amin.

Ya ku 'yan uwana! Idan za ku iya tunawa, a shekarun baya, mutanen jihar Kaduna sun fada cikin rudani sanadiyyar yawan barkewar rikice-rikice da tashe-tashen hankula a jihar, musamman a wurare irin su Kasuwar Magani da sauran su; rikicin da yake yin sanadiyyar rasa rayukan mutane da dama da kuma dukiyoyin su; sannan ga garkuwa da ake yi da mutane domin karbar kudin fansa, ga rashin zaman lafiya da aka yi fama dashi a fadin jihar, wanda yasa mutane da dama sun fada cikin dimuwa da fargaba a wadancan lokuttan.

Cikin taimakon Allah, mai girma gwamna Malam Nasir Ahmad El-Rufa'i, ya tashi tsaye haikan, da yake Allah ya dubi kyakkyawar niyyar sa, sai ya taimake shi, ya kawo karshen wadannan rikice-rikice.

Sanadiyyar Allah ya azurta jihar Kaduna da jarumin gwamna, marar tsoro, wanda ya kasa zaune ya kasa tsaye don ganin rikici a jihar bai fi karfin gwamnati ba kamar yadda yakan faru a da can baya, da sai an yi dimbin kashe-kashe, an kona gidaje da dakunan Ibadah kafin a kawo wa mutane dauki, wannan karon gwamna Malam Nasir Ahmad El-Rufa'i yayi namijin kokari da tsayuwar daka, wurin ganin hakan bai sake faruwa ba da ikon Allah da taimakon sa.

Da kansa ya rika fita titunan jihar, kwararo-kwararo, sako-sako, lungu-lungu, kauye-kauye, karkara-karkara yana kokarin tabbatar da ganin ana bin doka da oda, sannan kuma mutane basu dauki hukunci da doka a hannun su ba.

Ya ku 'yan Najeriya! Lallai, babu shakka, irin wannan salon gudanar da mulki irin na mai girma gwamnan jihar Kaduna, Malam Nasir Ahmad El-Rufa'i, ya nuna cewa, shi ya cika gwani kuma abin alfaharin kowa, duba da yadda ya tabbatar da cewa, ya zama zakaran gwajin dafi cikin takwarorin sa gwamnoni, kuma garkuwa ga al'ummar sa ta jihar Kaduna.

Tun bayan rantsar da shi a karon farko, da shigar sa Ofis, a shekarar 2015, a matsayin zababben gwamnan jihar Kaduna, karkashin tutar jam'iyyar APC, Malam Nasir Ahmad El-Rufa'i ya tarar da jihar cikin kangin fatara da talauci gami da tabarbarewar al'amurran tsaro, da na ilimi, hadi da kiwon lafiya, biyo bayan kura-kurai da tabargazar da gwamnatocin baya suka tafka. Amma cikin hanzari da himma, mai girma gwamna ya sanya kaimi domin magance dukkan matsalolin da suke addabar jihar.

Cikin wadannan shekaru, duk wanda yasan Kaduna, wallahi yasan cewa mai girma gwamna ya samu gagarumar nasarar ciyar da jihar Kaduna gaba ta fannoni daban-daban, sai fa idan mutum ya kasance shi dan adawar siyasa ne, to anan irin wadannan kuwa ba za su taba ganin gaskiya ba balle har su bi ta. Malam Nasir Ahmad El-Rufa'i ya bayar da gudummawa sosai a wurare da dama, misali:

1. Fannin Tsaro

2. Fannin Ilimi

3. Fannin Tattalin Arziki

4. Fannin Kiwon Lafiya

5. Fannin Siyasa

6. Rikicin Fulani Da Makiyaya da sauran su.

Haka zalika, duba da nagartar sa, da kuma irin ayyukan alkhairin da ya shuka a jihar sa, yasa mai girma shugaban kasa, Alhaji Muhammadu Buhari ziyartar jihar sau da dama domin kaddamar da ayukka tare kuma da yaba masa kan yadda yake kokari wurin tabbatar da zaman lafiya da hadin kan 'yan jihar.

Duk wadannan batutuwa, kadan ne na zazzakulo maku daga kowane fanni da mai girma gwamna, Malam Nasir Ahmad El-Rufa'i ya tabo cikin shekarun da yayi yana jan ragamar mulkin jihar Kaduna. Domin wannan shafi yayi kadan matuka wurin iya zayyano komai a cikin lokaci guda.

Shakka babu, gwamnan jihar Kaduna, Malam Nasir Ahmad El-Rufa'i ya cika jarumi kuma gwarzon namiji, kuma ya cika shugaba nagari abin koyi. Don haka ina ganin ya zama dole in yaba wa wannan jajirtacce, gwani, zakaran gwajin dafi cikin takwarorin sa gwamnoni, kuma abin alfaharin talaka, wanda ya cancanci ya jagoranci kasar nan zuwa tudun-mun-tsira da yardar Allah!

Duba da wannan, yasa nike ganin cancantar 'yan Najeriya su tashi tsaye gaba dayan su, da rokon Allah da addu'o'i, domin ganin cewa Allah yasa wannan bawan Allah ya zama shugaban kasar Najeriya, domin kowa yaji dadi, ya amfana! Ya Allah ka amsa muna, amin.

Wassalamu Alaikum,

Dan uwan ku, Imam Murtadha Muhammad Gusau, ya rubuto daga Okene, Jihar Kogi, Najeriya. Za'a iya samun sa ta adireshi kamar haka: gusaumurtada@gmail.com ko kuma 08038289761.

Share:

SHEIK PANTAMI DA KWANKWASO DUK ƳAN UWAN MU NE


Sheikh Dr. Isa Ali Ibrahim Pantami Da Engineer Dr. Rabi'u Musa Kwankwaso Duk 'Yan uwan Mu Ne!

Daga Imam Murtadha Gusau

Laraba, 25/09/2019

Da Sunan Allah, Mai Rahama, Mai Jin Kai

Assalamu Alaikum

Ya ku 'yan uwana masu kima da daraja! Kamar yadda kuka sani, sanannen dan siyasar nan, tsohon Gwamnan Kano, tsohon Minista, tsohon Sanata, dan jihar Kano kuma dan arewacin Najeriya, Engineer Dr. Rabiu Musa Kwankwaso ya kaddamar da bikin tura 'ya'yan talakawa har su dari biyu da arba'in da biyu (242) zuwa kasar India domin karatun digiri na biyu, wanda gidauniyar sa ta Kwankkwasiyya Foundation ta shirya, muna rokon Allah ya saka masa da alkhairi, kuma ya yawaita muna irin su a arewacin Najeriya, amin.

A daidai lokacin da suka tafi filin sauka da tashin jiragen sama na Malam Aminu Kano, da ke cikin birnin Kano, wato Malam Aminu Kano International Airport, domin yin rakkiya ga wadannan yara, kwatsam, sai ga mai girma Ministan Sadarwar Nigeria, Abu Abdir-Rahman, Dr. Isa Ali Ibrahim Pantami shi ma yazo filin jirgin saman domin komawa gida daga ziyarar aiki da ya kai jihar Katsina. A nan sai aka samu wasu shedanun yara, marasa tarbiyya, daga cikin magoya bayan Kwankwasiyya din suka yi masa ihu, suna cewa 'BA MAYI, BA MAYI', wanda da ma dukkanin mu muna sane, a wannan kazamar dimokradiyyar ta Najeriya, wannan ba sabon abu bane, domin shi kan sa Dr. Kwankwason na sha ji ko ganin anyi masa hakan, misali a garin Kaduna da kuma filin jirgin sama na Abuja, a shekarar da ta gabata.

A gaskiya, Allah ya sani, wallahi ni ban ji dadin wannan abun da aka yiwa Dr. Pantami ba, duk da ya kasance yanzu riga biyu ce yake sanye da ita a jikin sa; akwai ta Malanta wadda ita ce asalin sa, da kuma ta mukamin Minista a tsari irin na kazamar siyasar dimokradiyya.

Amma dai ni yanzu abun da nike so mutane su fahimta shine, da Dr. Kwankwaso da Dr. Pantami dukkanin su namu ne. Dukkannin su Musulmai ne kuma 'yan arewa; don haka wallahi ni ba zan yi bangaranci in koma gefe guda ba, wato in goyi bayan Kwankwaso ko in goyi bayan Pantami. Dukkan su mun san su, kuma muna yi masu fatan alkhairi, da addu'ar gamawa lafiya. Dr. Isa Pantami malami na ne kuma babban masoyi na, wanda nike matukar kauna da girmamawa tsakani na da Allah mahallici na ba domin wani abu ba. Ni da shi mun san juna shekaru masu yawa da suka gabata ba tun yanzu ba, ba sai yanzu da ya zama minister ne nike neman ya sanni ba kamar yadda naga wasu na kokarin yi, a'a. Sheikh Pantami Malami na ne wanda yake bani shawarwari da nasihohi masu amfani a duk lokacin da Allah yasa muka hadu da shi; yana bani shawarwari da nasihohi irin na uba ga dan sa. Don haka, Allah ya sani, sam ban ji dadin abun da aka yi masa ba, ba domin komai ba sai don kasancewar sa dan uwan mu, sannan shi dan Najeriya ne mai 'yanci, sannan sai rigar da yake saye da ita ta Malanta da wa'azin Musulunci wadda tafi kowace riga daraja matukar mutum ba Annabin Allah bane shi. Ina rokon Allah ya shiryi wadannan yara da suka yi masa wannan cin mutunci, su gane cewa abun da suka yi masa ba daidai bane. Shi kuma ina rokon Allah ya kara masa hakuri da juriya, yasa hakan ya zamar masa kaffara da karin daukakar darajar sa, amin. Allah ya sani, na dade ina nuna damuwa akan irin yadda aka dade ana ciwa Malamai da ma wadanda ba Malamai ba mutunci akan siyasar nan ta dimokradiyya, musamman daga shekarar 2015 zuwa yau.

Sannan shi kan sa Dr. Kwankwaso, a irin sanin da nayi masa, nayi imani da Allah, ba zai ji dadin abun da aka yiwa Dr. Pantami ba, saboda meye ribar sa a ciki idan har aka yiwa Sheikh Pantami ihu? Don haka ni ina ganin ba daidai ba ne muyi kudin goro ga dukkan 'yan Kwankwasiyya kace duk haka suke, ko kuma kace ai da sanin Dr. Kwankwaso ko da umurnin sa suka yi wannan aika-aika. Domin idan za mu yi adalci, ko a cikin bidiyon da na kalla, naji wasu suna cewa ba daidai ba ne, wasu suna cewa ba'a haka fa, kai wasu har hoto suka yi da shi, to kaga kenan a cikin kowace irin tafiya akwai masu hankali da marasa hankali.

Allah yana fada muna a cikin Alkur'ani mai girma cewa:

"Wata rai ba ta daukar laifin wata."

Kuma idan mun ce haka, kenan yanzu idan wani bara-gurbin Musulmi yayi wani shirme sai ace Musulunci ne ya sa shi yin hakan kenan? Ai ba za mu ce haka ba. Don haka zai zama zalunci kenan kace don wasu 'yan Kwankwasiyya sunyi shirme, kazo kana la'antar shi Dr. Rabi'u Musa Kwankwaso, ko kuma kace shine yasa su, ko ka zagi sauran masu hankalin cikin su. Idan maganar girmama Malamai ne ai a cikin Kwankwasiyyar ma akwai wasu Malaman na Sunnah masu daraja, abokanan Da'awar Dr. Pantamin da suke tare da Dr. Kwankwaso.

Wallahi ni har mamaki nike yi idan naga wasu suna tayar da jijiyar wuya, suna ihu, suna kunfan baki, wai da sunan kare Dr. Isa Pantami, don sun ga yanzu Allah ya daukaka shi, ya ba shi mukamin Minista, wanda a da can baya, wallahi suna cikin masu cin mutunci da zagin sa, ni da su kar-ta-san-kar ne, idan sun kuma yi musu to sai mu ji, domin a hannun mu akwai faifan bidiyo da na odiyon da suke zagin sa mu kuma muna kokarin hana su. Idan sun musa za mu nuna wa duniya ta gani! Wato su a wurin su sai yanzu ne Sheikh Pantami ya zama mutum ko? Allah Sarki! Wallahi ya kamata mu ji tsoron Allah a cikin al'murran mu. Kuma shi Dr. Pantamin ai yasan ku kar, domin shi ba wawa ba ne kuma ba jahili ba. Ina rokon Allah ya shirye ku, amin. 

Sannan ya zama wajibi a gare mu mu san cewa Dr. Kwankwaso da Dr. Pantami dukkanin su kowa akwai alkhairin sa, sannan akwai kuskuren sa. Don haka ina rokar masu Allah da ya tausaya masu, ya yafe masu kura-kuren su, ya basu ladan kyawawan ayukkan su. Sannan dukkanin mu muma masu laifi ne. Ina rokon Allah ya yafe muna kura-kuren mu, amin.

Sannan ina rokon Allah, wannan jarrabawa da ya jarabi Dr. Pantami da ita, ta mukamin Minista, ya bashi ikon tsallake ta cikin nasara. Shi ma Dr. Kwakwaso wannan kokari da yake yi na taimakawa 'ya'yan talakawa suyi karatu, domin su zama masu dogaro da kansu a nan gaba, shima Allah ya saka masa da alkhiari, amin.

Ya Allah ina rokon ka, don tsarkin Sunayen ka, kasa wadannan bayi naka, wato Dr. Pantami da Dr. Kwankwaso su fahimci juna, su sasanta kawunan su, suyi wa juna afuwa, amin. Ya Allah kar kasa su saurari 'yan kore daga kowane bangare, sannan kar kasa su saurari 'yan zuga. Sannan ya Allah, ina rokon ka, idan muka mutu, muka hadu da kai, ka sa ni, da Dr. Pantami da Dr. Kwankwaso, da duk wanda ya karanta wannan rubutun a Aljannar ka, don rahamar ka, amin.

Sannan wallahi ni babban abun da ya burge ni game sha'anin mai girma Minista, wato Sheikh Dr. Isa Ali Ibrahim Pantami a cikin wannan cin mutuncin da aka yi masa shine: suna yi masa ihu, suna aibata shi da cin mutuncin sa, amma shi kuma yana tafiyar sa yana fara'ar sa da murmushi abin sa, bai ko ma san suna yi ba.

Na san dai duk mun sani cewa, yin murmushi da fara'a sadaka ne a cikin addinin mu na Musulunci, sannan kuma koyarwar Manzon Allah (SAW) ce.

Da man masu iya magana sunce, amfanin ilimi aiki da shi. Don haka Sheikh Pantami, mun shaida cewa, ka yi ilimi kuma kayi aiki da ilimin ka, da ka rabu da jahilai ba ka kula su ba suna ta ihun su a banza.

Sannan ya ku 'yan uwa! Don Allah ku kalli yadda wasu shedanun 'yan siyasa suke so suyi amfani da wannan jarabawa da ta faru ta Dr. Pantami a matsayin wata hanya ta yada barna, sharri da husuma a cikin al'ummah! Suna so su cimma wani buri nasu na sharri. Wallahi shi yasa nike cewa, ya zama wajibi wadannan shugabanni namu guda biyu su kiyaye, wato Dr. Pantami da Dr. Kwankwaso. Domin na lura da kyau, ana son yin amfani da wannan kaddara domin a cusa barna a tsakanin 'yan arewa. Wani wai shi Fa'izu Alfindiki, mai bai wa Gwamnan Kano shawara (Adviser), ya yada wata karya da wani shirme a soshiyal midiya, da ya zama dole mu kiyaye! Ga rubutun da ya yada kamar haka, ba tare da na canza komai a cikin rubutun sa ba, ta ken rubutun nasa shine:

"MAGOYA BAYAN KWANKWASO SUNYI YUNKURIN HALLAKA MINISTA A NIGERIA
Abinda wasu 'yan daba daga cikin darikar Kwankwasiyyah suka yiwa Ministan Sadarwa a Nigeria Dr Isah Ali Ibrahim Pantami jiya a filin jirgin sama na Kano yunkurin kisa ne, imba don Allah Ya kaddara jami'an tsaron da ke rakiyarsa sunyi bajinta ba wajen bashi kariya watakila da yanzu wani labarin ake na dabam. Za'a iya tuna watannin baya lokacin da wasu 'yan daba daga cikin magoya bayan darikar Kwankwaso suka tabbatar wa duniya cewa zasu hallaka Malam Isah Ali Pantami tun kafin ya zama Ministan Sadarwa lokacin yana matsayin Darakta Janar a ma'aikatar NITDA a tsakiyar Azumin watan Ramadan da ya gabata, sai gashi a jiya sun tabbatar mana da yunkurin kashe shi din. Sannan sunyi kokarin su keta masa mutunci ta hanyar cire masa hula da kayan jikinsa su masa tsirara bayan jifar da suka masa da ihu da tsinuwa sai Allah Ya kubutar dashi. Muna cike da tsoro idan basu saka wa Maigirma Minista guba (poison) ba saboda sun samu sa'ar taba jikinsa, akwai killer poison ko killer cancer disease wanda 'yan leken asiri (spy) suke amfani dashi su saka a jikin mutumin da suke so su hallaka cikin kankanin lokaci ba tare da an gane su ba, don haka ko da wasa mu ba mu yarda da mamayar da 'yan dabar Kwankwasiyya suka yiwa Ministan Sadarawa ba, dole ayi bincike. A cikin birnin Kano wannan mummunan al'amari ya faru, don haka muna kira ga gwamnatin jihar Kano karkashin jagorancin Dr Abdullahi Umar Ganduje ta da dauki matakin gaggawa wajen zakulo mutanen da suka jagorancin yunkurin hallaka babban mutum a tsarin dokokin gwamnatin Nigeria Maigirma Ministan Sadarwa don su fuskanci hukunci ko da sun kasancewa daga cikin wadanda aka tura Indiya ne a dawo da su gida a hukuntasu. Sannan muna kira ga gwamnatin tarayya da ta duba yiwuwar daukar matakin gaggawa akan darikar Kwankwasiyya, don kiyaye faruwar abu makamancin wanda suka yiwa Maigirma Ministan sadarwa, babu shakka da sun samu sa'a hallakashi zasu yi. Muna rokon Allah Ya cigaba da tsare mana rayuwar Dr Isah Ali Ibrahim Pantami daga dukkan sharri Amin."

Ya ku 'yan uwana masu karatu, wannan fa shine abun da wannan mutum ya yada! Don haka yanzu meye amfanin wannan? Sannan me yake son cimmawa da wannan shirme na sa? Ni dai na san mutane ba wawaye bane, sannan shi kan sa Dr. Pantamin ba wawa bane. Don haka yanzu ya rage namu, shin zamu yarda da zugan wawaye ne ko kuwa yaya? Mu dai fatan mu da rokon Allah da muke yi, shine Allah ya daidaita su, su fahimci juna, amin.

Kuma gaskiyar lamari shine, wannan rashin tarbiyya na yiwa shugabanni ihu ba sabon abu ba ne a kazamar siyasar arewacin Najeriya; irin haka yasha faruwa ga 'yan siyasa da jami'an gwamnati a wannan yankin. Don haka, ba abin mamaki ba ne don shi ma mai girma Minista ya samu rabon sa na wannan al'ada ta cin zarafin manya.

Na tabbata wadannan mutane sun yi wa Sheikh Pantami abun da suka yi masa ne a matsayin sa na Minista, wanda yake rike da mukamin gwamnati, ba wai don yana Malamin addini ba, kamar yadda naga wasu suke ta kokarin fassara al'amarin. Kar mu manta, a can baya anyi ihu da jifa ga 'yan majalisar tarayya, sanatoci da gwamnoni, wasun mu suna jin dadi da murna da yabawa. Har ma Shugaban kasa da Mataimakin sa an taba jifar su a garuruwan mu, a lokacin mutane suna ta jin dadi da farin ciki. Duk da cewa muna sane wannan duk ya saba wa koyarwar addinin mu na Musulunci da kuma tarbiyyar mu a matsayin mu na 'yan arewa.

Muna kallo aka rika tozarta musamman 'yan majalisar tarayya wadanda ba sa goyon bayan Shugaba Buhari a siyasan ce, mutane suna ta yin tafi da murna, tare da yada hotunan cin mutuncin a soshiyal midiya. Da ma na san ranar kin dillanci tana nan tafe. Domin munafunci dodo ne, kuma mai shi yake ci.

Muna sane, muna ji, kuma muna gani, anan kasar, babu irin zagi, la'anta, batanci da cin mutunci da magoyan bayan Shugaba Buhari ba su yiwa Dr. Ahmad Gumi ba. Shin shi ba Malami bane?

To ashe kenan tun da wannan wata al'ada ce da 'yan siyasa da shugabannin yankin mu suka gina matasan mu akai, matasan da babu karatu, babu aikin yi balle makoma mai kyau, kenan babu wani abin mamaki don an yi wa Sheikh Pantami haka. Don kowa ma za a iya yi masa ihu, hatta Buharin! 

Don haka wallahi gara ma tun yanzu mu fara tunanin daukar matakan gyara wannan shashancin, kafin lokaci ya kure muna! Allah ya kyauta, amin.

Daga karshe nike cewa, a zahiri, a iya sanin mu, babu mutumin da ya kai Mumini, Malami, Mahaddacin littafin Allah, kuma mai kira zuwa ga addinin Allah daraja (Badini wannan sai Allah), saboda ayoyi da hadisai masu tarin yawa sun tabbatar da hakan, kuma babu mai musun haka sai jahili, wawa, wanda bai yarda da addinin Allah ba.

Wassalamu Alaikum,

Dan uwan ku, Imam Murtadha Muhammad Gusau, ya rubuto daga Okene, Jihar Kogi, Najeriya. Za'a iya samun sa a adireshi kamar haka: gusaumurtada@gmail.com ko kuma 08038289761.
Share:

WAI SHIN SU FULANI BA ƳAN NIJERIYA BA NE?

Wai Shin Su Fulani Ba 'Yan Nijeriya Ba Ne?

Daga

Imam Murtadha Gusau

Lahadi, July 7, 2019

Da Sunan Allah, Mai Rahama, Mai Jin Kai

Assalamu Alaikum

Ya ku jama'ar Najeriya! Lallai duk mai bibiyar abubuwan da suke faruwa a kasar nan ta mu yana kallo, kuma yana jin abubuwan da suke gudana kuma suke faruwa na raini, cin mutunci da wulakanci. Wani lokaci wadannan al'amurra su baka dariya, wani lokaci su sa ka kuka, wani lokaci su sa ka takaici, wani lokaci kaji kamar ka mutu ko ka hadiye rai, saboda bakin ciki da bacin rai!

Wadannan abubuwa ba komai bane illa kokarin da ake yi a mayar da wasu 'ya 'yan mowa wasu kuwa 'ya 'yan bora a kasar nan. A nuna cewa wasu shafaffu ne da mai, wasu kuwa ba haka ba. A nuna cewa wasu masu fada aji ne, wasu kuwa ba su da ta cewa. Koma sun ce din to baya da wani tasiri da girma a wurin hukuma!

Har kullum, a kasar nan Najeriya, mun dade muna yaudarar kawunan mu, da cewa MU KASA DAYA CE AL'UMMAH DAYA. Tabbas, ba shakka, mu 'yan arewa mun yarda da hakan, kuma tsakanin mu da Allah muna kokarin kamanta bai wa abokan zaman mu hakkin su. Shi yasa idan ka je yankunan mu na arewa, zaka ga dan wani yanki yana cin karen sa ba babbaka. Yayi kaka-gida shi da iyalan sa, ya mallaki gidaje, filaye, wurin ibada, ma'aikata, hotel-hotel, kai har da gonaki da sauransu. Bamu nuna masu bakin ciki ko sharri. Daga mu har manyan mu, sarakunan mu da 'yan siyasar mu muna buda masu hanya su samu arziki, wadata da rufin asiri. A manyan-manyan kasuwannin mu na arewa sun mallaki manyan shaguna na kasuwanci. Duk wannan yana faruwa ne saboda yarda da muka yi da cewa su 'yan kasa ne, kuma 'yan uwan mu ne, abokan zaman mu ne, don haka suna da 'yanci da hakki su rayu a duk inda suke so, kamar yadda tsarin mulkin kasar mu Najeriya ya ba su 'yanci.

Amma don Allah, ina so muyi wa kan mu adalci, mu tambayi kawunan mu, shin duk wannan gatan da damar da suke samu a yankin mu na arewa mu 'yan arewa a kudu muna samun sa kuwa? Amsa a wurin dukkan wani mai hankali shine, yasan cewa wallahi sam bamu samu. Mutanen nan basu bari mu gina wurin ibada a yankin su, basu bari mu mallaki shaguna a kasuwannin su, basu bari mu mallaki makabartu a kasar su, basu bari mu mallaki gonaki a yankunan su. Kai komai basu bari dan arewa ya mallaka. Wallahi idan kaga dan arewa a kudu, idan ba ma'aikacin gwamnatin tarayya ba ko ma'aikacin banki ko dan kasuwar da zai kama hayar gida, to mai gadi ne shi ko mai yankan farce ko shoe-shiner ko dan garuwa ko almajiri ko mabaraci ko dai wani lebura da sauransu. Mutane ne da ko gida suka baka haya wallahi sai sun gindaya maka tsauraran sharudda na takurawa da musgunawa da mu bamu sa masu ba a yankin arewa. Wannan bayani da nike yi, don Allah idan ba haka bane a fito a karyata ni. Ni nasan kudu ciki-da-wajen ta. Babu abunda za'a nuna mani!

A matsayin mu na 'yan Najeriya, dukkanin mu, 'yan arewar da 'yan kudun, duk mun yarda, kuma munyi alkawari, kuma mun amince cewa, zamu zauna da juna lafiya cikin hadin kai da amana da walwala da mutunta juna da yiwa juna adalci ba tare da fifita dan kudu ko dan arewa ba. Mun amince mu zama 'yan uwan juna, 'yan kasa daya, mu amfana da juna, kowa yayi rayuwar sa da addinin sa babu tsangwama, kowa ya samu hakkokin da ya kamata ya samu a matsayin sa na dan kasa, kowa ya samu 'yanci da mutuntawa, kuma ya mallaki dukiya da kaddarori, ba tare da kallon kabilarsa ko addininsa ko yaren sa ko jinsin sa ko jam'iyyarsa ko yankin da ya fito ba. Kuma ba tare da la'akari da inda aka haife shi ko shi mai arziki ne ko talaka ba. Kuma kowa zai samu kariya daga wulakanci da tozarci ko wane iri ne. Kuma kowa yana da 'yanci da hakkin a saurare shi. Kuma tsarin mulki ya ba kowa damar kadaici da sirri da 'yancin addini. Kuma ya ba kowa damar fadin albarkacin bakin sa, amma ba tare da tada hankali ko shiga hakkin wani ba. Kuma ya ba kowa damar taruwa domin gudanar da wasu al'amurran sa, amma da sharadin ba zai jawo fitina ba. Kuma ya ba kowa damar yawo tare da zama ko rayuwa a duk inda yake so a kasar nan. Amma abun bakin ciki, abun takaici, duk wannan sam a wurin wasu 'yan kudu ba haka bane. Kawai abun a takarda ne kawai, amma idan anzo dabbakawa basu yarda da hakan ba. Irin damar da muke basu sam su basu bamu ita!

Ya ku 'yan Najeriya! Kamar yadda kuka sani, a kokarin da gwamnatin tarayya da gwamnatocin jihohi suke yi na ganin cewa an samar da dawwamammen zaman lafiya mai dorewa tsakanin Fulani da makiyaya a kasar nan, sai gwamnatin tarayya ta yanke shawarar samar wa da fulani rugage na zamani da zasu taimaka wurin takaita tarzomar, ko da dai yin hakan bai magance dukkan matsalar ba to watakila a samu dan sauki. Wasu jihohin arewa goma sha biyu har sun amince da wannan kuduri nan take, kuma sun yi alkawarin za su bada duk hadin kan da ya kamata, domin ganin an ci nasarar wannan aiki mai muhimmanci. Wadannan rugage anyi niyyar gina su, a samar masu da wurin kiwo, ruwan sha, makarantu, wutar lantarki, asibitoci da sauran kayayyakin more rayuwa, domin takaita yawon da fulani suke yi tare da samar masu da ilimin addini da na zamani, la Allah ko za'a samu zaman lafiya. Gwamnati na fitar da wannan sanarwa sai kawai muka ga 'yan kudu sunyi caa a kan gwamnatin tarayya, suna cewa su sam kar a kuskura a kawo wannan magana. Su basu yarda ba kuma basu amince ba. Kungiyoyin kudu na yarbawa da na inyamurai irin su Afenifere, Yoruba Elders Council, Ohanaeze, Gwamnonin kudu, lauyoyinsu, 'yan siyasar su, kungiyoyin su na matasa da dukkan wani mai fada aji a kudu, da 'yan bokon su, kai har da ma kungiyar kiristoci ta Najeriya, wato CAN, duk sun fito sunyi Allah waddai da wannan kuduri na gwamnati game da kirkirar wadannan rugage!

Sunyi zage-zage, sunyi rubuce-rubuce, sunyi batanci; kai wallahi ba irin cin mutuncin da basu yi ba ga fulani da 'yan arewa, akan maganar rugar nan. Kai wasu jihohin ma har sun fara korar fulani daga jihohin su, sun kai masu hari da farmaki da tsangwama iri-iri, duk dai kawai akan gwamnati ta ce za tayi masu rugage. Sanadiyyar haka, kawai kwatsam, sai muka ji cewa wai gwamnati ta jingine maganar gina wadannan rugage tun da 'yan gatanta sun koka, sun nuna basu son ayi!

To abin tambaya anan shine, wai shin don Allah su fulani ba 'yan Najeriya bane? Shin basu da 'yanci da hakkin su amfana da gwamnatin Najeriya kamar ko wane dan Najeriya?Wadannan tambayoyin da ire-iren su masu tarin yawa, wallahi suna bukatar amsa cikin gaggawa domin samun dawwamammen zaman lafiya. Domin Allah shine shaida, ba zamu sake yarda da irin wannan raini da wulakanci ba.

Wai shin kun manta da cewa irin cin mutunci da tsangwama da musgunawa da raini da wulakanci da ake yiwa 'yan uwan mu fulani a kasar nan shine yake sa suke cewa bari su dauki makamai domin su kare kawunan su ko? Wato dai har yanzu bamu dauki darasi daga abunda yake faruwa a jihohi irin Zamfara, Plateau da sauransu ba ko? Wato zamu ci gaba da tozarta su da nuna masu banbanci da wariya ko? To shike nan, babu komai, muci gaba dayi. Ni dai nasan wannan ba zai taba haifa muna da mai ido ba wallahi a kasar nan. Allah ya kiyaye, amin.

Yau a Najeriya idan kai fulani ne baka da 'yanci kamar kowa ne dan Najeriya. Yau a Najeriya akwai yankin da idan kai Musulmi ne 'ya 'yan ka ba zasu sa Hijabi su tafi makarantun gwamnati ba sai an tsangwame su, sai an tilasta masu sun cire Hijabin. Duk fa a Najeriya ake yin wannan! Alhali tsarin mulkin kasar nan ya ba kowa 'yancin yin addinin sa. Kuma duk muna kallon wannan munyi shiru, mun ki daukar kwakkwaran matakin kawo karshen wannan wariya da ake nunawa wata kabila ko masu wani addini. Kuma wai duk a haka muna ta kirarin cewa muna son zaman lafiya. Ta yaya zaman lafiya zai samu a haka? Mu daina yaudarar kawunan mu kawai!

Ya ku 'yan Najeriya! Dole indai har da gaske ne muna son samun zaman lafiya mai dorewa, to dole ne gwamnatoci suyi kokarin dakatar da cin mutunci, wulakanci da banbace-banbancen da ake nunawa fulani da 'yan arewa a kudancin kasar nan. Domin dan arewa ba mahaukaci bane. Yana ji, yana kallo, kuma yana ganin abubuwan da suke faruwa. Idan ba haka ba kuwa, duk lokacin da 'yan arewa suka dauki matakin rama abun da ake yi masu, ba fata nike yi ba, kasar nan zata rikice. Allah ya kiyaye, amin.

Koda yake a wani bangaren kuma wata karin maganar malam bahaushe tana cewa, 'IDAN AN BI TA BARAWO ABI TA MABI SAWU' a wani wurin kuma yace, 'IDAN BERA DA SATA DADDAWA MA TANA DA WARI'. Me wannan yake nufi, wato lallai mu sani, mu kan mu Hausa-fulani, ko kuma 'yan arewa muna da namu laifin da kuskuren da suka jawo muna wannan raini, kaskanci da wulakanci a Najeriya. Ga mu 'yan kasa amma ana neman a mayar da mu kamar baki. Don haka mun sani sarai inda muka kauce, mun sani sarai inda muka yi ba daidai ba, mun sani sarai laifukan da muka yiwa Allah mahaliccin mu, mun sani sarai laifukan da muka yiwa junan mu, har sanadiyyar haka Allah ya jarrabe mu da afkawa cikin wannan hali da muke ciki. Allah ya bamu dan arewa a matsayin shugaban kasar Najeriya, amma maimakon yayi amfani da ikon sa da damar sa da karfin sa, ya nemi taimakon Allah, ya hada kan 'yan arewa, ya mai do wa da arewa kwarjini da martabar da Allah ya bata a can baya, amma ina! Kawai yana nema ya zama inuwar giginya. Allah ya sawwake, amin.

Imamu Abu Dawuda ya fitar da Hadisi, a cikin Sunan din sa, lambar Hadisi na 4297, daga Thauban yace, Manzon Allah (SAW) yace:

"Anyi kusa taron al'ummomi da gungun makiyanku suyi maku taron dangi, su afka maku, suyi kaca-kaca da ku, kamar yadda karti majiya karfi, masu jin yinwa suke yin kaca-kaca da kwanon abinci. Sai wani yace, ya Manzon Allah, saboda rashin yawan mu ne a lokacin shi yasa wannan zai faru da mu? Sai Annabi (SAW) yace: a'a, ba haka bane, a lokacin kuna da yawa (sai dai yawan naku na banza ne), domin zaku zama kamar yayi ko kumfa akan ruwa (zaku zama taron tsintsiya ba shara kenan). A lokacin Allah zai cire kwarjini da duk wani girma da kuke da shi daga cikin zukatan makiyanku. Kuma wallahi Allah zai jefa rauni a cikin zukatan ku; sai wani ya tambayi Annabi (SAW) yace, ya Manzon Allah, wane irin rauni kenan? Sai Annabi yace, son duniya da kyama ko gudun mutuwa."

Kun ga wannan Hadisi ya nuna muna cewa da zaran mun kauce hanya, to lallai zamu samu matsala, zamu zama arha a idon makiyan mu. Allah ya sawwake, amin.

Wassalamu Alaikum,

Dan uwanku Imam Murtadha Muhammad Gusau, daga Okene, jihar Kogi, Najeriya ne ya rubuta. Za'a iya samun sa a adireshi kamar haka: gusaumurtada@gmail.com ko kuma +2348038289761.
Share:

ALLAAH YA SANYA TSAYAR DA ADALCI A BAYAN ƘASA...

Allah Ya Sanya Tsayar Da Adalci A Bayan Kasa Ya Zama Sharadin Samun Zaman Lafiya Da Cigaba Mai Dorewa!

Daga Imam Murtadha Gusau

Talata, 12 Mayu, 2019

Bismillahir Rahmanir Rahim

Lallai dukkan kyakkyawan yabo da godiya sun tabbata ga Allah, muna yabon sa, muna neman taimakon sa, kuma muna neman gafararsa. Muna neman tsarin Allah da kariyarsa daga sharrin munanan ayyukkanmu. Duk wanda Allah ya shiryar babu mai batar da shi, kuma duk wanda Allah ya batar babu mai shiryar da shi. Ina shaidawa lallai babu abun bautawa da gaskiya sai Allah, kuma ina shaidawa lallai Annabi Muhammad, bawan sa ne kuma Manzon sa ne. 

Salati da sallamawa da tsira su tabbata ga Annabi Muhammad (SAW) da alayensa da sahabbansa da matansa da duk wanda yayi imani da shi kuma yayi aikin kwarai har zuwa ranar tashin kiyama.

Bayan haka:

Ya ku bayin Allah! Ku sani, lallai Allah Ya umarce mu da tsayar da adalci a bayan kasa, kuma ya sanar da mu cewa, da adalci ne sama da kasa suka tsayu. Kuma shine ginshiki da tushen samun zaman lafiya da cigaba masu dorewa a cikin al'ummah. Sannan nagartattun malamai, salihan bayin Allah, irin su Shaikhul Islamu Ibn Taimiyya da Sheikh Usman Dan Fodio da Malam Abdullahin Gwandu sun shaida muna cewa:

"Allah yana taimakon daular da ta tsayar da adalci koda kafira ce, a yayin da Allah yake durkusar da daular da take zalunci koda Musulmi ke shugabancin ta."

Ya ku 'yan uwana masu daraja! Darasin mu na yau yana bayani ne akan muhimmancin adalci, wanda a yau mu al'ummar Musulmi yake neman yayi karanci a tsakanin mu.

Allah Madaukaki Ya umurci Musulmi da su tsai da adalci ta kowane hali, inda Yace: 

“Ya ku wadanda suka yi imani! Ku kasance masu tsayin daka domin Allah, masu shaida da adalci. Kuma kada kiyayya da wadansu mutane ta dauke ku akan ba zaku yi adalci ba. Kuyi adalci shine mafi kusa da takawa.”

Kuma Allah Yace: 

“Kuma idan kun fadi magana to kuyi adalci, kuma koda ya kasance ma’abaucin zumunta ne….”

Kuma Allah Ya sake cewa:

“Lallai Allah Yana umurninku da adalci da kuma kyautatawa…”

Kuma Allah Yace:

"Hakika mun aiko Manzannin mu da hujjoji bayyanannu, kuma mun saukar masu da littafi da ma'auni (na tsayar da adalci) domin mutane su tsayar da adalci tsakaninsu..."

Kuma Allah ya fada a Hadisil Qudusi cewa:

"Na haramta zalunci ga kaina, kuma na sanya shi ya zama haramun a tsakanin ku, saboda haka kada ku zalunci junanku."

Ya ku Jama'a! Adalci shine, bai wa kowa hakkinsa da Shari'a ta tabbatar masa, ba tare da nuna ko wane irin banbanci ba. Kuma duk inda ake tsayar da adalci, to lallai zaka samu zaman lafiya, son juna, walwala, cigaba da jin dadi a cikin al'ummah da tsakankanin jama'ah sun yawaita. A Musulunci, tsayar da adalci yana daga cikin manyan kyawawan dabi'u. Wannan ya nuna kenan duk inda Musulmi suke, indai har Musulmin gaskiya ne, to zaka same su sun rungumi adalci.

Kuma Alkur'ani Mai girma ya bayyana karara cewa Allah ya umurci mutane da dukkan al'ummomi masu neman zaman lafiya da cigaba, su mu'amalanci juna da kyakkyawar mu'amala, tausayi da tsayar da adalci a duk halin da suka samu kansu a ciki. Kuma kowa yana sane da cewa, Allah yana son adalci, kuma yaki jinin zalunci, kuma baya son azzalumai.

Ya ku bayin Allah! Lallai ku sani, Allah ya wajabta wa dukkanin mutane, suyi kokari wurin ganin cewa an tabbatar da adalci a bayan kasa, domin samun zaman lafiya mai dorewa. Shi yasa Allah ya aiko Annabawa, kuma ya hado su da dokoki, domin su taimakawa mutane wurin tsayar da adalci. Wahayin da suka karba daga Allah ya nuna hanyar da za'a bi a tsayar da adalci a cikin al'ummah. Misali, yiwa talakawa adalci, maza da mata, kai hatta makiyan mu an umurce mu da yi masu adalci.

Wajibi ne Musulmi su hadu, su hada kai domin su dakatar da rashin adalci da zalunci a cikin al'ummah. Wannan aiki ne da Allah ya dora masu. Abune da sam bai dace ba Musulmi su zuba ido, su rungume hannuwansu, suna kallo ana tafka zalunci da rashin adalci ba tare da sun dauki matakin da ya dace wurin tsayar da shi ba.

Ya ku 'yan uwana masu albarka! Kamar yadda kuka sani, aiki da dokokin Allah da shari'arsa wajibi ne a wurin dukkan Musulmi ta ko wane hali. Sannan duk Musulmi yasan da cewa siyasa ta kasu kashi-kashi, akwai siyasar Musulunci sannan akwai wadda ba ta Musulunci ba. Misali, siyasar Dimukradiyya ai ba tamu bace mu Musulmi. Domin a Musulunci muna da tamu siyasa, wato ta Shari'a. Kawai mun samu kan mu cikin wani yanayi ne mu Musulmin Nigeria. Sai aka wayi gari muna yin siyasar Dimukradiyyah a bisa lalura. Wannan tsari na Dimukradiyyah, bakon tsari ne a Musulunci, da muka amince muyi shi, amma a bisa lalura. Kenan ya zama wajibi in dai har muna son zaman lafiya mai dorewa a tsakankaninmu, muyi wannan tsari a bisa dokokin sa da tsarin sa da masu shi suka tsara shi a kai, na ganin cewa duk wanda yaci a bashi, wanda Allah ya ba a bashi, kar ayi wa kowa kwace da nuna fin karfi! Domin matukar aka kaucewa wannan, to lallai zamu jefa kan mu cikin tashin hankali, fitina da rudani. Allah ya kiyaye, amin.

Ya ku bayin Allah! Bari in tambaye mu don Allah, shin yanzu abubuwan da suka gudana a wannan kasa tamu mai albarka Nigeria, na zaben da aka gudanar na Gwamnonin jihohi, shin akwai niyyar tabbatarwa da wasu adalci kuwa? Amsa ita ce: ga alamu, a'a.

Kuma shin me yasa ne dukkanin jihohin da akace zabe bai kammala ba, jihohi ne da ake ganin jam'iyyar adawa ta PDP ta ke kan gaba? Shin me ake shirin yi anan? Shin ana son a murde masu ne? Shin ana da niyyar tabbatar da adalci a wannan al'amari? Amsa dai ita ce: bamu ga alamun hakan ba!

To wallahi, muna kira da babbar murya, kuji tsoron Allah, kar ku jefa mu cikin rikici da tashin hankali! Don Allah duk wanda Allah ya ba mulki ku bashi, kar kuce zaku murde, ku hana masa. Kuyi wa kowa adalci. Wannan shi zai sa mu samu zaman lafiya da cigaba mai dorewa.

Ina mai girma Shugaban kasar mu Muhammadu Buhari? Kar kayi shiru akan wannan al'amari, kasa baki don Allah, ka nuna masu duk wanda Allah ya bai wa a bashi. Ka tuna fa, kirarin ka shine MAI GASKIYA. Kar ka bari wasu miyagu su bata maka tafiyar ka. Yi kokari yadda ka fara lafiya ka gama lafiya! Kar ka yarda a danne hakkin wasu. Ka sani, Allah yana kallon ka, sannan duniya tana kallon ka!

Ina kwamitin zaman lafiya na su mai girma tsohon shugaban kasa AbdulSalam Abubakar, su Mai Alfarmah Sultan, su Reverend Matthew Hasan Kuka, su John Onaiyekan? Ya kamata ku sa baki a cikin wannan al'amari, ku tabbatar da cewa duk wanda yaci zabe an bashi, domin tabbatar da samun zaman lafiya a kasar mu mai albarka, Nigeria.

Ina Sarakunan mu suke? Kune fa iyayen wannan al'ummah! Ya zama wajibi ku bada gudummawar ku wurin ganin an kaucewa tashin hankali. Duk wanda Allah yasa yaci zabe a bashi hakkinsa.

Ina Malaman mu na Musulunci? Shin kun manta da umurnin Allah na tsayar da adalci?

Ina Fastoci suke? Shin ina zancen tabbatar da adalci da kuke karantawa a littafin ku?

Duniya fa tana kallon abunda yake faruwa a Nigeria! Kuma dukkanin mu muna sane da illar da rashin adalci yake haifar wa mara dadi. Don Allah mu hadu muyi wani abu akai.

Irin abun da muke gani, da abubuwan da suke faruwa, yanzu dai kam babu wata Dimukradiyyah a Nigeria. Misali:

1. A Jihar Kano an ce zabe bai kammala ba, saboda jam'iyyar PDP ta adawa ce ke kan gaba!

2. A Jihar Sokoto an ce zabe bai kammala ba, anan ma PDP ce ke kan gaba!

3. A Jihar Plateau ma an ce zabe bai kammala ba, nan ma PDP ce ke kan gaba!

4. A Jihar Adamawa an ce zabe bai kammala ba, nan ma PDP ce ke kan gaba da kuri'u mafiya rinjaye!

5. A Jihar Bauchi an ce zabe bai kammala ba, nan ma don sun ga PDP ce ke kan gaba!

6. A Jihar Benue ma haka, sun ce zabe bai kammala ba, saboda Jihar PDP ce!

7. Haka abun yake a Jihar Rivers, an dakatar da duk wasu harkokin zabe, saboda Jihar PDP ce!

Amma saurara kaji wani abun mamaki, ikon Allah:

1. A Jihar Kaduna an ce zabe ya kammala, saboda APC ce tayi nasara!

2. A Jihar Niger zabe ya kammala, saboda APC tayi nasara!

3. A Jihar Kebbi, zabe ya kammala, saboda APC ce tayi nasara!

4. A Jihar Katsina, nan ma zabe ya kammala, saboda APC ce ta lashe zaben!

5. A Jihar Gombe, zabe ya kammala, saboda APC tayi nasara!

6. A Jihar Jigawa, zabe ya kammala, nan ma saboda APC ce ta ci!

7. A Jihar Nasarawa, zabe ya kammala, saboda APC ce tayi nasara!

8. A Jihar Kwara, zabe ya kammala, saboda APC ce tayi nasara!

9. A Jihar Borno, anyi kammalallen zabe, domin APC ce ta cinye!

10. A Jihar Yobe, nan ma babu matsala, domin ta APC ce!

11. A Jiha ta Zamfara ma anyi kammalallen zabe, saboda jam'iyya mai mulki ta APC ta ci zabe!

Ya ku 'yan uwana masu daraja! Yanzu don Allah zaku gaya mani cewa, wannan abun gaskiya aka bi wurin tabbatar da shi? To in dai har ku kun yarda, ni dai kam wallahi, sam ban amince ba.

Maganar gaskiya wannan sharri ne da magudi da rashin adalci irin na 'yan siyasa. Kuma wadannan 'yan siyasar da ke kokarin tafka rashin adalci, wallahi, basa son zaman lafiyar Al'ummar su, musamman ma arewa. Suna son su jefa mu cikin wani sabon tashin hankali da rikici. Allah ya tsare, ya kiyaye, kuma Allah ya mayar masu da aniyar su, amin.

Don Allah me yasa ne duk inda jam'iyyar APC ta lashe zabe suka sanar da cinye zaben, amma kuma duk inda jam'iyyar PDP ta ke kan gaba suka ce wai ba'a kammala zabe ba?

Kuma wai a haka ne za'a gaya muna wai ana yin Dimukradiyyah. Wace Dimukradiyyar kenan? Dimukradiyyah ko dai yaudara?

Wallahi bai kamata ku rinka wahalar da jama'ah ba, matukar kun san kama karya da rashin adalci zaku yi. Yanzu don Allah abunda ya faru a Kano ba abun kunya bane? Ace irin wadannan mutane sune suke jagorantar al'ummah Musulma irin Kano?

Muna Addu'a Allah ya ceto yankin mu na arewa da Nigeria baki daya, daga sharrin da wadannan mutane ke kokarin jefa su, amin.

Ta yaya zaku ce kuyi amfani da karfi ku kwace mulki daga hannun wadanda Allah ya bai wa, sannan kuce kuna son zaman lafiya? Zaman lafiyar naku ne? Ba Allah yake da shi ba? Sannan ya baku idan kun tsayar da adalci?

Amma babu komai, ku da Allah, da kuma jama'ar Nigeria masu kokarin ganin an tabbatar da adalci ga kowa da kowa!

Ya ku 'yan uwana masu daraja! Ina kara tunatar da ku, Allah Madaukaki Ya siffanta kan sa da cewa Shi Mai umurni ne da yin adalci, Mai kuma hanin yin zalunci ne. Yace a cikin suratun Nahl aya ta 90:

"Lallai Allah yana yin umurni da yin adalci, da ihsani, da yin kyauta ga ma'abucin kusanci, Yana hanin aikata alfasha, da munkari, da zalunci, Yana muku wa'azi kila za ku wa'azantu."

Sannan Ya haramta wa kanSa zalunci, ya kuma haramta wa bayinsa yin zalunci.

Sannan lallai yana daga cikin abin da addinin Musulunci ya shahara da shi: haramta zaluntar Jama'a. Kuma lallai yana daga cikin abin da addinin Musulunci ya shahara da shi: wajabta taimakon wanda ake zalunta.

Babu ta yadda za ayi Musuluncin mutum, da mutuntakar sa su cika matukar ba ya kokarin tunkude wa al'ummar sa zalunci da rashin adalci.

Sannan lallai abu ne da yake wajibi a kan dukkan wani mai iko, yayi dukkan abin da zai iyayi na halal domin ya tunkude wa al'ummar sa zalunci da aukuwar tashin hankali da fitina.

Imamul Bukhari ya ruwaito Hadisi cikin Sahihin sa daga Sahabi Anas Dan Malik Allah Ya kara masa yarda ya ce:

"Manzon Allah tsira da amincin Allah su kara tabbata a gare shi yace: "Ka taimaki dan uwan ka yana azzalumi ko yana wanda aka zalunta" sai wani mutum ya ce: Ya manzon Allah zan taimake shi in yana wanda aka zalunta (in kwato masa hakkinsa), to amma in yana mai zalunci ta yaya zan taimake shi? Sai yace: Ka hana shi yin zalunci wannan shine taimakon ka gare shi."

Sannan Imamu Muslim ya ruwaito Hadisi daga Sahabi Jabir Dan Abdullahi yace:

"Wasu yara biyu sun yi fada da juna, daya daga cikin Muhajirai yake, dayan kuwa daga cikin Ansarawa, sai Muhajirin ya daga murya ya nemi taimakon Muhajirai, shi kuwa ba'ansaren ya daga murya ya nemi taimakon Ansarawa, sai manzon Allah tsira da amincin Allah su kara tabbata a gare shi ya fito yace: Wane irin kirayen jahiliyya ne haka? Sai suka ce: Ya Manzon Allah yara ne biyu suke fada da juna, sai dayan su ya doki dayan su a duburarsa. Sai (Annabi) yace: Babu laifi, mutum ya taimaki Dan uwan sa yana azzalumi ko yana wanda ake zalunta, in ya kasance azzalumi ne sai ya hana shi yin zaluncin, wannan shine taimakon sa gare shi, in kuma ya kasance wanda ake zalunta ne sai ya taimake shi."

Sannan zunubi ne babba mutum ya ga ana kokarin wulakanta wasu muminai a gaban sa, kuma ya kame hannayen sa da bakin sa, ba tare da yayi wani yunkuri domin ya kawo masu agajin da zai iya ba.

Ya ku 'yan uwana Musulmi! Kuma yana da kyau ku sani, a dokokin Musulunci, da kuma aqidah da manhajin Ahlis-Sunnah wal Jama'ah, duk wanda Allah (SWT) ya ba mulki, ko ta wace hanya ne, kuma ko da baka so ya zama shugaba ba, to kayi hakuri, kayi masa da'a da biyayya, matukar bai umurce ka da sabawa Allah ba. Sannan kayi masa Addu'a da fatan Allah ya bashi ikon yin adalci ga kowa da kowa, hatta wadanda basu tare da shi. Kuma kayi masa Addu'ar Allah ya bashi ikon sauke nauyin da ya dora masa. 

Ya Allah, ina rokon ka, don tsarkin sunayen ka, kayi wa dukkanin shugabannin mu jagora akan tafarki madaidaici da ka yarda da shi, amin.

Wassalamu Alaikum... Dan uwanku:

Imam Murtadha Muhammad Gusau, daga Okene, Jihar Kogi, Nigeria. Za'a same shi ta: gusaumurtada@gmail.com ko kuma 08038289761.

Share:

ALLAAH GIVES POWER AND LEADERSHIP TO WHOM HE WILLS



Share:

SIYASAR JAHAR KADUNA, ADDINI KO JAM'IYYA?

*SIYASAR JIHAR KADUNA ADDINI KO JAM'IYYA?*

Duk mutumin da ke bibiya da lura da abinda ke faruwa na harkar siyasa a jihar Kaduna baya bukatar k'arin bayani. Domin abin a fili yake kamar misalin hasken rana ce ta fito, baka bukatar ace maka ta fito. Kuma yana da kyau duk wani mai hankaki d'an jihar Kaduna ya fahimci cewa: siyasar jihar Kaduna ba jam'iyya ba ce Addini ce, saboda haka dole mu fito a matsayin mu na Musulmai musu kishin Addinin mu mu nuna kishinmu kuma mu zabi wanda zai kare mana Addinin mu da rayukan mu.

Kuma mu sa ni cewa zaben jihar Kaduna:

1) Zabe ne tsakanin Imani da Kafirci.

2) Zabe ne tsakanin Musulunci da Kafirci.

3) Zabe ne tsakanin Mumunai da Munafikai.

4)Zabe ne tsakanin masu kishin kasarsu da marasa kishinta.

5) Zabe ne tsakanin masu kaunar sahabbai da masu zaginsu.

6) Zabe ne tsakanin masu son fadan addini da masu kyamatar fadan addini.

7) Zabe ne tsakanin masu son zaman lafiya da masu son tashin hankali.

8) Zabe ne tsakanin masu son cigabar jihar Kaduna da kiristocin kudancin Kaduna masu son tashin hankali da kashe-kashe.

*KUKUN KURCIYA JAWABINE MAI HANKALI SHI KE GANEWA!*

*Dan uwanku a Musulunci: ✍*
*Abu Ja'afar*
*Yusuf Lawal Yusuf*
25th Jumãda al Ãkhirah, 1440H.
{03/03/2019}.

Share:

THE VALUE OF THE MONEY YOU RECEIVE ON ELECTION DAY

What is the real value of the money you receive on Election Day, in order to cast your vote for a candidate?


    Note that the money you receive is all you will be paid in the 4 years the candidate will be in office. He has paid you in advance for 4 years service.  

         365 dys x 4 yrs = 1460 days. 

1. You receive #5,000 ? OK 
                #5,000➗1460 = N3 per day. 

= That is the value of the vote you sold, over 4 years. 

2. U receive #1000..?Ok, now 
                1000➗1460 = 68 kobo per day. 

3. You receive #500..?
                500 ➗1460 = 34 kobo per day

3. You receive #200 to vote..? 
        See 200➗1460 = 13 kobo per day..!!

The question is how much do you value yourself..? 

Is that what you are worth..? 
  They have bought your silence so that they and their children can live well. 
  Can you live on 13 kobo per day or even 68 kobo per day? Tom Tom sweet is 10 naira think twice before u decide.
        God bless Nigeria.

            vote wisely!!!

 Spread this message as far and wide as you can,and by all possible means. Save your future generations from imminent extinction.
Share:

Popular Posts

Total Pageviews

Featured post

MRJ INVESTMENTS

Kasancewar na taso a Karkara, nayi Matuƙar sabawa da abincinmu na gargajiya. Amma da yake a birni nake aiki, dole take sa nake Maneji da ...

Blog Archive

Recent Posts

Unordered List

  • Lorem ipsum dolor sit amet, consectetuer adipiscing elit.
  • Aliquam tincidunt mauris eu risus.
  • Vestibulum auctor dapibus neque.

Sample Text

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.

Ut enim ad minim veniam, quis nostrud exercitation test link ullamco laboris nisi ut aliquip ex ea commodo consequat.

Pages

Theme Support

Need our help to upload or customize this blogger template? Contact me with details about the theme customization you need.