Showing posts with label Taskar Haiman (Haiman's Archive). Show all posts
Showing posts with label Taskar Haiman (Haiman's Archive). Show all posts

Thursday, 7 March 2019

Birnin Sahara 19

࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​         

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 19)

Ba zan ɓoye muku ba, a wannan Lokaci gaba ɗaya kasa magana nayi. Can sai naji muryar Boka Nuna'u yana cewa: "Ƙarya kake ya kai wannan baƙo, baka isa kazo ka ce zaka gaje mana Sarautar birnin mu ba, har abada ba zan taɓa yi maka Mubaya'a ba!... Kafin ya gama wanna zance nashi sai na tare shi da cewa ;"to wa ya faɗa maka na zo nan ne domin in gaje muku sarauta? Kuma wa ya gaya maka ina buƙatar mubaya'ar ka?

Ko da Boka Nuna'u yaji waɗannan kalamai nawa sai yayi Kururuwa gami da Zunduma ashar yana cewa, 'Halaka ta tabbata a gare ka yakai Maƙiyin birnin mu, Dakaru, ku kamo min shi... Maimakon dakarun da ke cikin fadar su yo kaina su kama ni, ko ɗaya daga cikin su babu wanda ya nuna Alamun ma ya ji maganar sa balle ya motsa. Nan fa dariya ta ƙule ni nayi kamar in dara amma sai na kanne. Bayan haka, sai na nufi inda Sarauniya Diana take a durƙushe nace; "Please Diana get up, this is not right, you are a Queen. Ko da nazo nan a kalamai na, sai Sarauniya Diana ta ɗago daga durƙuson da tayi. A wannan lokaci Idanun ta sun cika da ƙwalla, amma kuma ga murmushi nan ya bayyana ƙarara a fuskar ta. Wai menene matsalar Diana ne? Na tambayi kaina, saboda Wannan abu ya Matuƙar ɗaure min kai. Sai dai Kafin in yi mata wannan tambayar, kawai sai ji nayi ta kama Hannuna ta ɗaga sama sannan ta ci gaba da cewa; "Ya ku jama'ar Birnin Sahara, ga yariman ku Haiman ina mai gabatar muku da shi! A gaban idon ku ya hau karagar mulki ba tare da wani abu ya same shi ba, kuma a Gabanku ya bayyana sunan shi da na Mahaifin Sa, lallai na yarda da sahihancin zancen sa don haka zan barshi yaje zuwa ga ahalin sa, idan har ya rayu to zai halarci zaman taron duk shekara wanda za'a yi a babban ɗakin gani nan da wata uku, duk wanda yake da tantama ko shakka dangane da wannan hukunci nawa, yana iya gabatar da ƙorafin sa Yayinda aka taru a bikin gani mai zuwa, na sallame ku!

Nasan cewa da yawan ku zaku iya tunanin, Dakyau! Wannan aiki yayi, ko kuma shikenan Haiman ya samu sarauta! Ina... Abinda ya fara fitowa daga bakina tambaya ce, me kike nufi da in na rayu? Na tambaye ta cikin alamun damuwa, "zaka gani da idon ka, ta bani amsa tare da sakin Hannuna. A wannan lokaci mutanen da suka halarci fadar sun fara Watsewa, dakarun da ke tsaron fadar ne kaɗai suka tsaya. Ba tare da jiran komai ba, sai Sarauniya Diana ta bada umurnin a kwance sadiya kuma a kawo ta inda nake.

Ko da Boka Nuna'u yazo fita daga cikin fadar, sai ya zo inda nake ya kalle ni ido cikin ido yace dani; "Ka sani cewa ya kai wannan baƙo, tabbas daga yau ka samu Maƙiyi mai suna Nuna'u, Maƙiyin da ba zai taɓa hutawa ba har sai ya ga bayan ka". Yayinda yazo nan a zancen sa, sai Sarauniya Diana ta buɗe baki da nufin ta bashi amsa amma sai na dakatar da ita, bata so hakan ba, amma babu yadda ta iya. Daga nan nima sai na fuskance shi ido cikin ido na mayar masa da amsa da cewa; "Ni kuma daga yau ka sa a ranka cewa ka samu Maƙiyin da a kullum zai ta buɗe maka Sabbin ƙofofin da zaku iya zama abokai, Maƙiyin da zai ci gaba da hana ka bacci amma kuma zai iya ceto rayuwar ka a duk lokacin da buƙatar hakan ta taso, Lallai zaka Gwammace mutuwa da yin gaba da ni!

Yayinda na zo nan a zance na, sai Boka Nuna'u ya turɓune fuska kamar an goyo biri a keke, sannan ya ɓace bat daga gaba na yana mai dalla min harara. "Amma dai ina fatar ba haka kake nufi har a cikin zuciyar ka ba ko? Sadiya ce tayi wannan tambaya cikin alamun damuwa. Gaba ɗaya tausayi take bani ma ni, ta jigata ƙwarai da gaske da ƙyar ma take iya tsayuwa bisa duga-dugan ta. Nayi murmushi a gare ta sannan nace mata, 'Kada ki damu'. Ina rufe baki sai ga sarkin yaƙi Dargazu yazo gaban mu, ya dubi Sarauniya Diana cikin fushi yace; 'Diana, wannan wane irin ɗanyen aiki ne haka kika shuka? Me kike nufi da ƙaddamar da wannan baƙo a matsayin yarima?... Kafin ya gama maganar sa, sai Sarauniya Diana ta tari Numfashin sa da cewa, "Kana iya yin duk waɗannan tambayoyi a ranar taron gani, Dargazu! Wannan amsa da ta bashi ba ita yaso ba, amma sai yayi shiru, can kuma sai yace 'koma dai menene kike Shiryawa, ki sani cewa ba zai Taɓa yin tasiri ba, da yardar kyanwa Shamawila. Daga nan kuma sai ya kalle ni, sannan ya ci gaba da cewa; 'Bar ganin ka bar ƴata da ranta, kada hakan yasa kayi tunanin gabar mu ta yanke kenan... Ƙaruwa ma tayi, ita kuma ƴata zata bayyana min yadda akayi har ɗan tatsitsin mutum kamar ka ya samu galaba akanta cikin sauƙi haka. Ko da ya gama rattabo zancen sa, sai nayi murmushi sannan nace masa; 'kada ka damu, nima haka na ɗauke ka, amma ƴar ka ta yi ƙoƙari domin Jaruma ce ta gaban kwatance, sai dai ta kasa samun abinda ya kamata ace ta samu, wannan shi ne matsalar ta. Dargazu ya yunƙura da nufin ya mazge ni, kawai sai gani muka yi wata katangar gilashi ta raba tsakani na da shi,ko da ya bugu da jikin Katangar, sai tayi mishi shokin, dole ya ja da baya, sannan yaja ƴar sa suka wuce.

Shi kuwa wannan mutumin na huɗu wanda bai duƙw min ba, Kallona kawai yayi ta yi har ya fita ba tare da ya ce min komai ba. Bayan fitar sa ne sai Sarauniya Diana ya Waigo gare ni tace da ni; "kayi haƙuri Haiman, wannan ba ita bace haɗuwar da nayi tsammanin zata faɗo mana a rayuwa, sai dai masu iya magana dama sun ce, ƙaddara ta riga fata, kayi haƙuri da duk wani irin ƙalubale da zaka fuskanta, ina tare da kai komai wuya komai rintsi. Waɗannan Kalamai na Sarauniya Diana sun sa Jikina yayi sanyi kuma na faɗa kogin tunanin Ma'anar maganar. Ban kai ga samo komai ba, sai naji tana cewa wannan baƙuwar Jarumar, "Ki Kula min dashi, kada ki bari ya mutu! Ita kuma sai tayi murmushi sannan tace;" zan yi iya ƙoƙarina, amma ki sani, Haiman fa ba ƙaramin ɗan Jarfa bane, da wuya yayi tsawon kwanaki uku ba tare da an sheƙe shi ba. Ko da tazo nan a zancen ta, sai Sarauniya Diana tayi mata godiya sannan ta ƙara baiwa Sadiya haƙuri, ganin haka yasa nace; "Hello, your Majesty, gani nan fa da raina, ya naji kuna ta maganar mutuwa ta ne? Sarauniya Diana tayi tattausan murmushi a gareni sannan tace;"ɗan uwa, nayi Matuƙar kewar ƙiriniyar ka, ka kula da kan ka. Daga nan bata sake cewa da mu komai ba sai kawai ta wuce ta bar mu tsaye.

Bayan tafiyar ta ne sai wannan baƙuwar Jaruma tayi mana Jagoranci izuwa ga wani ƙaton keken doki wanda wasu jibga-jibgan Raƙuma ke jan sa. (na zaɓi in kira shi da keken Raƙuma, ko ba haka ba?), inda muka shiga cikin sa mu uku, wato ni, Sadiya da kuma wannan baƙuwar Jaruma, wani bawa wanda yake gaban keken dokin ya ja akalar raƙuman muka fara tafiya zuwa inda Allaah kaɗai ya sani.

Mai karatu kafin in kaika da nisa, zan so a daidai wannan gaɓa in baka ɗan twƙaitaccen tarihi na, wataƙila hakan zai sa ka fahimci wasu al'amura dangane da ni a cikin wannan labari nawa, don haka, abin tambaya a nan shi ne, WANENE HAIMAN IBN HAMMADI?



Zan Ci Gaba In Shaa Allaah.

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees

*_""""""""""""""""""""""""_*
🌀 _*Twitter:*_ @HaimanRaees

*_"""""""""""""""""""""""_*
 🎡 _*Instagram:*_ Haimanraees
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki

Birnin Sahara 18

࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​         

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 18)

Ko da jin wannan Tambaya sai wannan. Baƙuwar Jaruma Tace; Ni kuwa ke da DALILAI! Da fari dai, babu wata hujja da zata iya bayyana mana yadda akayi har ya iya shigowa cikin wannan birni Namu face kasantuwar sa Ahalin wannan birni, sannan Kasancewar Ya samu damar shigowa tare da wani mutum bayan shi hakan na bayyana mana cewa shi Ahalin Sarauta ne. Sanin kanki ne cewa babu wani Sanannen mutum a raye da ya iya salon faɗan da wannan baƙo yayi a yau ɗin nan face Mahaifina tsohon Sarki. Abu na Ƙarshe, Shin Kin taɓa yin tunani dangane da Ma'anar sunan sa kuma shin ko kin san ma sunan Mahaifin Sa?

Ko da wannan baƙuwar Jaruma ta zo nan a zancen ta, sai naga Sarauniya Diana ta zaro ido cikin Matuƙar firgici tana mai kallona cikin alamun tuhuma. In faɗa muku gaskiya? Ban taɓa ganin ta a cikin tashin hankali irin wannan ba. Yayin da naga irin wannan kallon tuhuma da Sarauniya Diana take yi min yayi yawa, sai na tari numfashin ta tun kafin ta fara magana nace; 'Erm.. kunga, ina ganin dai an ɗan samu matsala ne, yake wannan baƙuwar Jaruma ina mai Matuƙar godiya a gareki bisa taimako na da kika yi, ban san ta wace hanya zan iya saka miki ba. Duk da cewa ban san yadda akayi kika san sunana ko Ma'anar sunana ba, amma zan so ki sani cewa ni ba Jarumi bane, hasali ma dai ni ba kowa bane face ma'aikacin gidan biredi, don haka in ma kina tunanin ni wani ne to ga dukkan alamu an ɗan samu kuskure. Yake wannan Sarauniya, ina fatar dai ba so kike ki aminta da maganar wannan baƙuwar Jaruma ba dai ko? Na ƙarasa magana ina mai duban Sarauniya Diana cikin alamun tambaya.

Nan fa ta sake yin shiru kawai tana wani sabon tunanin, can bayan wani ɗan lokaci sai ta ɗago kai ta ce dani; 'Yaya sunan Mahaifin Ka? What?' Na tambaye ta cikin alamun rashin yarda da jin abinda ta faɗa. 'cewa nayi yaya sunan Mahaifin ka? Diana ce ta maimaita tambayar ta wannan Karon cikin nuna isa. Hakan yasa babu yadda na iya face na bata amsa da cewa; "Hammadi, sunan mahaifina Hammadi shi kenan hankalin kowa ya kwanta ko.... Ai kafin in rufe baki na kawai sai gani nayi gaba ɗaya mutanen fadar sunyi zumbur daga kan kujerun su, wasun su ma har leƙowa suke yi don su ganni da kyau, Yayinda wasu kuma suka kaure da sabuwar muhawara a Tsakankanin Junan su. Ita kuwa Sarauniya Diana kawai Ƙura min ido tayi cikin alamun mamaki mara misaltuwa.

Can bayan wani ɗan lokaci sai tayi gyaran murya, take fadar tayi tsit kamar mutuwa ta gifta. Bayan kowa ya natsu sai ta kalli wannan baƙuwar cikin alamun rashin fahimta tace me kike so ? Ko da jin wannan batu, sai wannan baƙuwar Jaruma ta sake yin murmushi sannan tace; 'Abu biyu kawai nake so a gare ki. Na farko dai shi ne ki bar wannan baƙo ya zauna a kan karagar mulki domin ki tabbatar da cewa magana ta gaskiya ce, abu na biyu kuma shi ne ki bani shi domin in kai shi zuwa ga ahalin sa in yaso daga baya sai mu jira hukuncin ki! Yayinda wannan baƙuwar Jaruma ta zo Nan a zancen ta, sai nan take naji zufa ta fara tsatstsafo min a goshi, a zuciyata nace Anya wannan kuwa ba Mahaukaciya ba ce? Me yasa take so in hau karagar mulkin Ƙasar su? Kuma me take so ta tabbatar? Su waye kuma ahali na? 'amma kin san in aka samu matsala dai mutuwa zai yi ko?', wannan Maganar da Sarauniya Diana tayi ce ta dawo dani cikin hayyacina. Don haka firit! Sai na shiga tsakanin su na ce: 'kunga, ya kuke ciniki na ne bayan gani a gaban ku? Nifa ba nazo nan bane don in hau wata karaga, ban ma san ya akayi na zo nan ɗin ba, kuma ban shirya mutuwa ba, after all duka duka shekarata 20, don me zan tura kaina zuwa ga halaka ina ji ina gani? Kuma menene ma dalilin da zai sa in hau wata karag.... Ban samu damar ƙarasa wannan maganar da nake yi ba saboda tsabar ruɗun da na shiga.

 A Karon farko na rayuwata yau na tsaya baki buɗe na kasa cewa komai ba tare da ance inyi shiru ba. Ba komai ne yasa na Gaza ci gaba da magana ba face wani abu da wannan baƙuwar jarumar ta aikata. Ba komai wannan baƙuwar Jaruma ta aikata ba face yaye mayafin da ya rufe mata fuskar ta. Nan fa na saki baki Sototo... Kawai ina kallon ta. Nasan da yawan ku yanzu har sun fara tunanin kai Haiman sai kace baka Taɓa ganin kyakkyawar da ta fita kyau ba? To Allaah Ya shiryi tunanin ku domin ba tsabar kyawun ta ne ya sa na tsaya ina kallon ta ba face tsabar kamannin da muka yi da juna. Komai nata irin nawa sai dai kawai ta fini tsayi kaɗan, hancin ta yafi nawa tsayi kuma ta fini hasken fata. Babban abinda ya raba mu kuwa in har za'a yi magana akai shi ne ƙwayar Idanun ta ruwan ƙasa ke gare su kuma da ka gansu kasan ba wasa a tare da su. Ko da tayi murmushi a gare ni, sai naga Idanun nata suna wata walƙiya irin yadda na mahaifina ke yi. Hakan yasa na ja da baya kaɗan cikin alamun mamaki.

Ko da baƙuwar jarumar nan ta ga haka, sai ta sake yin murmushi sannan ta tausasa murya a gare ni tana mai cewa; 'kada ka damu ƙanina, babu abinda zai same ka kuma zan baka amsar duk wata tambaya da kake da ita, amma da fari ina so ka zauna a kan wannan Garagar mulki tukunna. Waɗannan kalamai nata ko kaɗan basu sa hankali na ya kwanta ba, domin har izuwa wannan lokacin ji nake yi tamkar mafarki nake yi. Can dai na tuna cewa nifa Haiman ne, kuma tarar aradu da ka ɗaya ne daga cikin fitattun abubuwan da nayi ƙaurin suna a fagen su, don haka kawai sai na yanke shawarar bari kawai in zauna akan wannan kujera in yaso ayi wadda za'a yi, Ɓera ya ɓarar da garin kyanwa.

Ko da gama wannan tunani nawa, kawai sai na nufi wannan karaga ba tare da wata fargaba ba. Ko da naje inda Kujerar take, sai nayi Bismillah sannan na zauna. Babu wani canji da na ji a jikina sakamakon zamana a kan wannan kujera, sai dai wani abun mamaki ne ya faru. Ba komai bane abin mamakin face wani ƙaƙarfan haske wanda ke fitowa daga jikin wannan Garagar mulki wanda ya haske gaba ɗayan fadar. Bayan wani lokaci kuma sai hasken ya gushe, komai ya koma daidai kamar tun dama can wannan haske bai taɓa Wanzuwa ba.

Nan fa fadar ta sake yin tsit Yayinda kowa ya Ƙura min ido yaga mai zai faru. Bayan na samu kamar daƙiƙa goma da hawa wannan Garagar Mulki ba tare da wani abu ya faru ba, sai nayi zumbur na Miƙe tsaye sannan na nufo inda Sarauniya Diana take tsaye tare da wannan baƙuwar Jaruma ina mai cewa; 'Kun gani ko? Na hau kuma babu abinda ya faru, lucky me, Shi Kenan kunji daɗi dai ko?

Maimakon su bani amsa, kawai sai naga Sarauniya Diana ta yi wani abu wanda nan take yasa Ma'aikatar Sadarwar ƙwaƙwalwata ta tafi yajin aiki. Ba komai Sarauniya Diana tayi ba face duƙawa bisa guiwar ta guda ɗaya tare da faɗin; 'Nayi Jinjina tare da Mubaya'a ga Haiman Ɗan Hammadi, Yariman Birnin Sahara!

Ko da rufe bakin Sarauniya Diana, sai naga ita ma wannan baƙuwar Jaruma ta kwaikwaye ta, daga nan kuma sai ɗaya bayan ɗaya mutanen da ke fadar suma suka fara durƙusawa bisa guiwoyinsu tareda furta Kalmar mubaya'a a gareni. A Ƙarshe dai sai da ya zamana mutum huɗu ne kacal a cikin fadar waɗanda basu durƙusa ba. Su ne Dargazu, Dardira, Boka Nuna'u da kuma wani tsohon mutum da ban san ko wanene ba.

Nan fa nayi Tsuru-tsuru ina raba ido kamar an ƙure ɓarawo ba tare da sanin me zanyi ba.

Zan Ci Gaba In Shaa Allaah.


<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees

*_""""""""""""""""""""""""_*
🌀 _*Twitter:*_ @HaimanRaees

*_"""""""""""""""""""""""_*
 🎡 _*Instagram:*_ Haimanraees
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki 

Thursday, 21 February 2019

BIRNIN SAHARA 17

࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​          

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 17)

Ko da na Shafo kaina naga jini, sai nan take zuciyata ta harzuƙa raina ya ɓaci. Zumbur! Na Miƙe tare da goge wani ɗigon jini dake ƙoƙarin shiga min idanuwana. A daidai wannan lokaci ita kuma Dardira ta koma kefe kawai tana Kai-komo tare da jiran ganin na taso. Daga nan sai nayi wani abu wanda ni kaina sai da ya bani mamaki.

Wata Irin Tsyuwar yaƙi nayi wacce tafi kama da tsugunno, ita irin wannan tsayawa ita ce tsayuwar salon yaƙi na Ƙarshe da mahaifina ya koya min kafin rasuwar sa, kuma har ya rasu ban gama Ƙwarewa irin yadda yake so ba. Wani irin salon faɗa ne wanda Mukan yiwa juna dariya akan shi a wasu lokutan saboda sunan da muka sa masa na 'MALAM BUƊE MANA LITTAFI'. Shi irin wannan salon yaƙi, mutum yakan tsuguna ne kamar yana kan Babur, ƙafar sa ɗaya tana gaba ɗaya tana baya. Hannuwan sa ma haka, sai dai hannun gaba zai kasance ne a ƙasa-ƙasa, hannun baya kuma a sama. A haka, abokin Karawar ka zai kasa tantance da wannene zaka kai masa hari, in yayi can kai sai kayi nan, in kuma yayi nan sai ka taro shi ta can.

Magana ta gaskiya wannan salon faɗa ba ƙaramin wahalar Koyo yake da shi ba, balle kuma ace a Ƙware a kanshi. Mahaifina ya faɗa min cewa shi kanshi ya ɗauke shi tsawon shekaru kafin ya Ƙware kuma yakan yaba min ma dangane da ƙoƙarin domin yakan ce na fishi saurin ɗaukar abu idan aka koya min. Bugu da ƙari, duk iya Karance-karance na, da Bincike-bincike na, da Kallace-kallace na, sau Ɗaya na taɓa samun wani wanda naga yana yin irin wannan faɗan a cikin wani fim mai suna Queens Of Lankasuka.

Don haka yin wannan tsayuwa a daidai wannan lokacin sai ya zamo abin mamaki a gare ni, musamman duba da cewa ban Ƙware akan sa ba. Sai dai bisa ga Mamakina, wannan tsayuwa da nayi ta Matuƙar firgita Dardira tare da Sauran mutanen fadar, domin Dardira sai da ta ja da baya jikin Firgici kafin daga baya ta shiga taitayinta. Ina kallon wasu daga cikin mutanen ta Wutsiyar ido daga cikin ƴan fadar suma sun Mimmiƙe, amma naƙi yarda in waiga gare su domin Dardira tana iya kawo min hari a kowane lokaci.

Kamar haɗin baki kuwa, sai Dardira ta sake nufo ni da wani sabon azababben gudu, nima na tare ta muka fara fafatawa. Nan fa faɗan ya zamo samu, ya zamana muna kaiwa juna muggan hare-hare. Sai da muka kwashe sama da daƙiƙa ɗari da sittin muna wannan fafatawa amma Dardira ko lakutar hanci na bata samu damar yi ba, Yayinda ni kuma gaba ɗaya na rikitata da duka da sanda ta. A ƙalla nayi mata ƙwararan bugu guda shida a manyan gaɓoɓin jikinta. Hakan yasa da ƙyar take iya tsayawa da ƙafafunta, kuma da ƙyar take iya kare farmakin da nake kawo mata.

Yayinda dai na fahimci cewa tayi tiɓis, sai na kai mata wani wawan duka a kai, ta sa Takobinta ta kare, kafin ta ankara na daki ƙafafuwanta guda biyu a tare, nan fa tayi taga-taga zata faɗi, tun kafin ta kai ƙasa na rarumeta makai ƙasan tare. Ya zamana ta faɗi akan fuskar ta, Yayinda ni kuma na jawo hannayenta baya tare da taɗiye ƙafafuwanta a cikin nawa kamar ɗan Wrestling, ya zamana ta kasa koda motsin kirki. Nanfa fadar ta ƙara yin tsit. Na kalli Dardira dakayu ina mai ajiyar zuciya nace:
"ki miƙa wuya mu bar yaƙin nan"
"bazan taɓa miƙa wuya" tace dani. 
"Ba burina bane in kashe kowa, kawai ki miƙa wuya ni gida nake so in koma! 
"Kawai ka kashe ni tunda kayi nasara" 
" AHALIN ki suna buƙatar ki, kuma kina da amfani ga mutanen Ƙasar nan, ki miƙa wuya kawai! 

Daganan sai shiru ya ɗan gudana a tsakanin mu, bayan wani ɗan lokaci sai Dardira ta aje wani gwauron Numfashi sannan ta gyaɗa kai alamar ta amince. Nan take na sake ta sannan na matsa gefe ina haki. Sai a wannan lokaci ne na fuskanci mutanen fadar waɗanda da yawansu sun Miƙe tsaye tare da wangale baki suna kallona, wasu cikin mamaki wasu cikin Firgici. Ita kanta Sarauniya Diana sai da ta tsaya kawai tana kallona cikin rashin sanin me ya kamata tace. A daidai wannan lokaci ne kuma Dardira ta Miƙe tsaye, ta kalle ni Dakyau, sannan tayi min gaisuwar bangirma ta hanyar risinawa kaɗan, sannan ta koma bayan mahaifinta ta tsaya. Shiru ya ɗan ƙara gudana aka rasa wanda zai ce ƙala! 

Da dai naga kowa yayi tsit, sai na maida dubana zuwa ga Sarauniya Diana nace da ita; "Yake wannan Sarauniya mai Karamci, ina mai roƙon ki da ki gabatar min da Jarabawata ta gaba". Wannan kalami nawa ne ya dawo da gaba daƴan mutanen dake cikin fadar hayyacin hayyacin su, nan take Boka Nuna'u Ya nufo ni yana mai cewa: 'Wannan Al'amarin akwai ƙwange a ciki, a Ƙa'idar irin wannan Fafatawa dole ne ɗaya ya kashe ɗaya sannan ya wanzu a matsayin mai nasara... Kafin ya gama rufe bakin sa sai nan take Sarkin yaƙi Dargazu ya Katse Shi da cewa' kana nufin kace da ya sani ya kashe ƴata kenan Ko yaya? Boka Nuna'u sai ya juya gare shi yana cewa Amma kaima kasan haka wannan dokar ta ke... Nan dai suka fara kace-na-ce da dai naga abin nasu ba mai Ƙarewa bane sai nayi gyaran murya sannan nace;
'Hem.. Idan ba zaku damu ba, wannan matsalar ku ce, na zaɓi in bar ta da ranta ne don ni ba rigima nazo nema da ku ba, don haka kuji da ni tukun, daga baya sai ku ci gaba da gardamar taƙu! Cikin ɓacin rai Boka Nuna'u ya juyo gare yana magana cikin fushi;' kai kuma wa ya kasa da kai? Kai har ka isa manya suna magana kana saka musu?... Ai kafin ya gama maganar ni tuni ma zuciyata har ta fara tafasa don haka na maida mishi da martani da cewa,' ai naga manyan ne sun koma wasan yara, don haka naga ya dace inyi magana! 
"KAI har ni kake gayawa magana?" 
"to sai me don an gaya maka maganar? So kayi ɗayan mu ya mutu kuma hakan bai faru ba kawai shi ne kake jin haushi, kenan ko dai ka tsaneni ko kuma ka tsani ahalin sarkin yaƙi shi yasa kake so mu kashe juna! Hayyasa, ashe na tono Tsuliyar Dodo, nan take Boka Nuna'u ya Jeho ni da wata wuƙar Tsafi, nayi sauri na goce, kafin in ankara sai gani kawai nayi wasu Kibiyoyi guda biyar sun fito daga cikin ƴan yatsunsa sun nufo ni a fusace. Nan take na sa sandar dake Hannuna na kaɗe kibiyoyin gaba daƴa, nan take suka zube ƙasa suna huci tare da narka shatin inda suka faɗo. 


Ko da ganin haka sai Boka Nuna'u Ya Nuno ni da yatsun hannunsa yana mai karanta wasu ɗalasiman tsafi, nan take sai wata ƙaƙƙarfar Iska ta Tunkaro ni. Tun kafin ta iso gare ni na fara jin hucin ta, wani abun mamaki sai naji jikina ya ƙame na kasa motsa ko da yatsar ƙafata. Nan dai na zubawa Sarautar Allaah ido kawai na tsaya ina jiran abinda zai faru dani, domin nasan cewa sai yadda ta yiwu. Ko da ya rage bai fi taku uku a tsakanina da wannan iska ba, kawai sai naga wata Jaruma Sanye da wasu baƙaƙen Ƙaya waɗanɗa sun rufe gaba ɗaya jikinta idanuwanta kawai ake iya gani, ta diro gabana sannan ta sa wata garkuwa dake hannunta ta tare wannan iska. Ko da wannan iska ta bugi wannan garkuwa, sai nan take ta koma da baya a fusace ta ɗaga Boka Nuna'u sama ta buga shi da ƙasa, take ya faɗo magashiyan baya iya ko motsi. Nan fa kowa yayi Cirko-cirko ana kallon-Kallo Yayinda Jarumai suka fara zare makaman su da nufin su kaiwa wannan Jaruma hari, ita kuwa ta Tsaya ƙyam a gabana ba tare da ta yi wani ƙwaƙƙwaran Motsi ba. Ganin haka yasa Sarauniya Diana ta Miƙe tsaye tare da umartar waɗannan Dakaru da su Dakata.

Bayan Dakarun Sun dakata daga kai wa wannan baƙuwar Jaruma harin da sukayi nufi, sai Sarauniya Diana Ta Tako da kanta tazo gaban wannan Jaruma, Kasancewar ina bayan wannan Jaruma ina iya ganin yanayin fuskar Sarauniya Diana, sai dai bana iya ganin yanayin na ita wannan Jaruma. A wannan lokaci Sarauniya Diana bata nuna wata alama ta rashin jin daɗi ko murnar bayyanar wannan Jaruma ba, amma ina iya ganin alamun damuwa rututu a cikin ƙwayar Idanun ta. Bayan sun Ƙarewa juna kallo na wani ɗan lokaci sai Sarauniya Diana ta dubi wannan Jaruma da Kyau tace; 'Shin ko Zan iya sanin dalilin da ya fito da Damisa daga Maɓoyar ta? Ba tare da Jarumar tayi wani motsi ba sai ta baiwa Sarauniya Diana amsa da cewa: "Damisar ta biyo bayan ɗan Marayan Zaki ne, kuma tana fata za'a barta ta tafi da shi ba tare da Ja-in-ja ba! 

Ko da jin wannan furuci sai alamun rashin fahimta suka yi dirar mikiya a fuskar Sarauniya Diana, don haka sai ta sake Tambayar wannan Jaruma tana mai cewa: 'shin dama akan samu alaƙa tsakanin Wuta da ruwa? Yayinda Jarumar taji wannan tambaya sai tayi ajiyar zuciya sannan tace; 'Tabbas waɗannan halittu ne da ba sa jituwa da juna, amma alaƙar su anan ita ce dai irin alaƙar da ke Samuwa a duk lokacin da wani yayi nufin amfani da su. Misali, Yana iya dafa abinci da wuta kuma yana iya shan ruwan hakanan don biyan buƙatar sa, sannan yana iya kashe wutar da ruwan ko kuma ya dafa ruwan da wutar don biyan wwta buƙata nasa'. Wannan Kalami da Jarumar tayi ne yasa kyakkyawar Fuskar Sarauniya Diana ta ƙara faɗawa cikin yanayin Damuwa, nan fa ta fara kaiwa da komowa tana tunanin hukuncin da ya kamata ta yanke. Ni kuma nayi kasaƙe... Ina kallon ta. Suma sauran Jamar fadar sai sukayi Tsit, Yayinda suka zubawa wannan Jaruma ido kawai ba tare da ɗayan su yace komai ba. Da dai naga abin nayi ne, sai na buɗe baki nace; 'Kuyi haƙuri da Kutse na, ina godiya mai tarin yawa a Gareki yake wannan Jaruma, amma idan ba zaki damu ba zan so ki bari sarauniya ta fara sallamata tukunna, in yaso daga baya sai ku ci gaba da zancen naku'. Ko da na zo daidai nan a zance na sai wannan Jaruma ta juyo ta fuskance ni sannan ta buɗe baki cikin sassanyar Murya tace dani; 'Kada ka damu ɗan Uwa, Komai Zai yi daidai, ka ɗan ƙara haƙuri kaɗan'. 

Ko da naji wannan batu ya fito daga bakin wannan baƙuwar Jaruma sai Tunanina ya dagule, hankali na ya dugunzuma har ma na fara yiwa kaina wasu tambayoyi Sababbi waɗanda su ma kamar kullum bani da amsar su. Shin ita wannan baƙuwar Jaruma Wacece ita? Menene alaƙarta da sarauniya Diana? Kuma me yasa ta tausasa kalami a gare ni har ma ta kirani da ƊAN UWA? Lallai ina buƙatar sanin waɗannan amsoshi, ko da Yake ban san me yasa nake son sanin su ba, balle in san ta yaya zan same su. Ina can ina wannan zancen zuci, sai naji muryar Sarauniya Diana Yayinda ta ci gaba da magana tana mai cewa; 'Yake Ƴar Uwa, Na kasa ajiye maganganun ki a kowane bagire na ƙwaƙwalwa ta, domin duk inda na nufa da zancen, sai in ga bai dace da wajen ba, don haka zan so ki warware min zare da abawar kafin in yanke hukuncin da ya kamata'. Yayin da Sarauniya Diana tazo nan a zancen ta. Sai na ƙara shiga wata sabuwar damuwa, shin wane hukunci Sarauniya Diana take son yankewa? Kuma me yasa ta kira wannan baƙuwar da ƳAR UWA? ni dai a iya Sanina da ita, bata da wata ƴar uwa mace, hasali ma ita kaɗai Mahaifin ta ya haifa. Ko da nazo daidai nan a Tunanina, sai wata ƙaramar Muryar daga cikin kaina ta ce dani, 'amma kaima dai ka cika soko? Shin abubuwa nawa ne Diana ta faɗa maka waɗanda daga baya ka gano cewa ba gaskiya bane? Kuma abubuwa nawa ne bata gaya maka ba? Eh kuma fa Hakane, don haka sai na kauda wannan zance daga cikin raina. 

Wannan baƙuwar Jaruma sai ta ƙara yin ajiyar Zuciya a karo na biyu sannan tace; 'Bayanin Abu ne mai sauƙi, Ɗan Uwan Mu ne ya Dawo gida', ko da jin haka sai Sarauniya Diana ta ɗago kai cikin alamun mamaki ta dube ni sannan ta sake duban wannan baƙuwar Jaruma, kai da gani ka san cewa lissafi take yi a Ƙwaƙwalwarta. Bayan wani ɗan lokaci sai tace; 'Shin ko kina da dalilin da yasa kika ce hakan? 

Ko da jin wannan Tambaya sai wannan. Baƙuwar Jaruma Tace;


Zan Ci Gaba In Shaa Allaah

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring 


Sunday, 2 December 2018

ƳAN MATAN ZAMANI




🔮🔮🔮🔮🔮🔮
*ƳAN MATAN ZAMANI*
🔮🔮🔮🔮🔮🔮

DA SUNAN ALLAH MAI RAHAMA MAI JIN ƘAI.

Matan wannan zamani dai da yawan su sun faɗa halaka, wasun su jefa su aka yi, wasu kuma jefa kansu suka yi, Yayinda wasu kuma sakaci ne ya jawo har suka faɗa cikin halakar, sai dai koma menene dalilin, Muna fata Allaah Ya Shirye mu baki ɗaya.

A yau In Shaa Allaah ina so ne inyi magana akan Iri matan da su da kansu suke cusa kansu cikin halaka saboda Soye-soyen zukatan su. Haƙiƙa ni na yarda cewa kowane ɗan Adam yana laifi, kuma yana buƙatar Nasiha, Addu'a da kuma Uzuri. Sai dai abubuwan da na gani da idanuwana da kuma waɗanda naji daga Majiyoyi Sahihai ne suka sani yin wannan tsokaci a yau.

WACECE MACEN ZAMANI?

* Macen Zamani Ita ce wacce babu ruwanta da duk wata Koyarwar Addinin ta na Musulunci ko kuma kyawawan Al'adun da ta gada.

* Ita ce macen da bata damu da abin da zai je ya dawo ba, matuƙar dai ya dace da tunanin ta ko ra'ayin ta.

* Ita ce wacce Bata damuwa don ta taka dokar Allaah, saboda tana taƙamar babu wanda ya isa ya tanka mata.

* Ita ce Wacce tunanin Wayewar ta ya kai wani mataki yasa take yiwa kowa kallon hadarin kaji.

* Ita ce wacce take ganin cewa dai-dai ta ke da kowa.

* Ita ce wacce take ganin cewa ta fi ƙarfin Shari'a, don iyayen ta ko dangin ta kuwa, bama a bi ta kansu.

* Ita ce wacce kullum Malaman da ke Nasiha kan Abi Allaah suke shan Zagi a wajen ta ba ƙaƙƙautawa.

* Ita ce wacce Aure baya gaban ta, a dai huta kawai.

* Ita ce wacce ta Rungumi ɗabi'un YAHUDU da NASARA hannu bibbiyu.


Ya ke ƴar uwa ta, shin me ya kaiki ga shaye-shaye? Ashe bakya ganin maza ma masu shaye-Shayen wasu ƙananun dodanni suke komawa? To ina ga ke? Me ya kaiki yawace-yawace? Shin kina tunanin cewa wannan hanyar itace mafita a gare ki?

Wani ƙarin abin haushi kuma shi ne, shuwagabannin da ya kamata ace suna sa ido tare da bada gudunmuwa wajen gyaran tarbiyan Al'ummah, sai ka taras da su suna sheƙe ayar su da irin waɗannan ƴan matan, da kunni na naji wata tana faɗin sunan wani hamshaƙin ɗan siyasa da ke nan Kaduna da kuma farshin da yake biyan duk wacce ya kwanta da ita, na bincika kuma Majiyoyi da dama sun tabbatar da hakan. Amma da anyi magana sai kaji ana kawo wasu dalilai na banza da wofi don a kare kai.


Ya Allaah ka kiyaye mu, ka shirye mu, ka yafe mana laifukan mu, ka amshi tuban mu kuma ka yi mana rahama ba don ayyukan mu ba.

Subhanak Allahumma wabi hamdika ash hadu anla ila ha illah anta astagfiruka wa atubu ilaika.

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...

Thursday, 22 November 2018

BIRNIN SAHARA 16


࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​          

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 16)

Don haka yayin da Dargazu ya nemi jin ta bakina dangane da wasiyyar da zan bari sai kawai nayi wata dariyar takaici sannan na dube shi ido cikin ido nace; "amma kai dai kam Dargazu kana da ban mamaki, a cikin mutane biyu na kasa tantance wanne ne kai, tabbas ko dai kaine jarumin da ban taɓa ganin irin sa ba, ko kuma hamagon da ban taɓa ganin sa ba".

" Me kake nufi da kalmar Hamago ne? Dargazu ya tambaya cikin alamun rashin fahimta.

'Kada ka damu da wannan, ah.. Abinda nake so in tamba a nan shi ne, shin wane irin uba ne zai tura ƴar sa cikin Gasar rai ko mutuwa? Idan har Jarumtakar ka ta gaskiya ce mai zai hana ka gwabza da ni? Amma ai cin zarafi ne a gare ni ka haɗa ni faɗa da mace, su mata ababen so ne, ababen sha'awa kuma ababen Killacewa tare da nunawa kulawa, ba wai ababen turawa inda zasu iya rasa rayukansu ba, ko ka gaji da ita ne kake so ka share ta daga doron ƙasa ta hanyar haɗa ta faɗa da ni? Shin wai ma kasan ko ni wanene kuwa? Waɗannan kalamai nawa sun sa fadar ta ƙara yin Tsit kamar anyi mutuwa, shi kam Dargazu kasa cewa komai yayi saboda rikicewa, ƴar dariyar da yake yi ma a ɗazu yanzu bata, ita kuwa Dardira ranta ƙara ɓaci yayi idanuwanta sun kaɗa sunyi jawur kamar an saka ƙarfe a wutar maƙera, Boka Nuna'u da ke kusa da ni sai yamin raɗa a kunne da cewa: "taka ta ƙare yaro! Ha'a? Seriously wai me nayi wa mutanen garin nan ne ya zamana kusan kowa na son ganin mutuwa ta? Maimakon wannan magana da Boka Nuna'u ya gaya min ta sa na karaya, sai ma ta ƙara min caji, don haka sai na tafi zuwa ga Sarauniya Diana, na ce mata: 'ran ki shi daɗe, this is madness kin san dai irin yadda nake mutunta mata, bai kamata ace wai an rasa namijin da za'a haɗa ni faɗa da shi ba a duk faɗin birnin nan sai mace, please Yallaɓiya ki ce wani abu mana.

Yayinda nazo nan a zance na sai fadar ta sake yin tsit, Yayinda kowa ya zubawa sarauniya Diana Idanu don jin me zata ce, ni kuma a zuciya ta sai nace (yes! Perfect!) so far dai komai na tafiya yadda nake so. Bayan shiru ya ɗan gudana sai Sarauniya Diana ta tace: 'Sarkin yaƙi Dargazu shi ke da alhakin zaɓen wanda zaku kara da shi, idan har ya zaɓi Dardira a matsayin wacce zaku kara da ita, bani da wani ƙorafi, fatar nasara wa mai sa'a! Dakyau, na faɗi a raina, su kuwa jama'ar fadar ba ƙaramin jin daɗin wannan hukunci da Sarauniya Diana ta yanke suka ji ba, don haka sai suka sake ɓarkewa da sowa gami da murna, nima a wannan lokaci murnar nake yi duk kuwa da cewa a zahiri kowa na ganin cewa mutuwata ta ƙarato.

Daga nan sai Dargazu yace in zaɓi irin makamin da nake so inyi faɗa da shi. Kasancewar Mahaifina Sam baya bari na inyi amfani da duk wani abu da aka ce ƙarfe ne saboda wasu dalilai da shi kaɗai ya sani, babu wani makami da na iya Sarrafawa a rayuwa ta face sanda, sandar ma a duk lokacin da zai koya min kari ko duka sai ya bani sandar da tayi min girma sosai ko kuma wacce tayi min kaɗan, a duk lokacin da nayi masa ƙorafi sai yace in yi haƙuri, lokaci zai zo da zan fahimci komai, amma har yanzu lokacin bai yiba. Don haka sai na cewa Dargazu sanda nake so a bani a matsayin makamin da zan yi faɗa da shi. Ko da faɗin hakan sai gaba ɗaya mutanen fadar suka sake fashewa da dariya saboda ganin sokanci na, Dardira da Dargazu da Boka Nuna'u kuwa har suna kifewa saboda tsabar mugunta, ita kuwa Sarauniya Diana Yayinda muka haɗa ido sai tayi min wani irin kallo mai kama da "Kayi Hauka ne?" ni kuwa a wannan lokaci babu abinda nake faɗa a zuciya ta face "He who laugh last, laugh longest"

Nan dai aka sa wasu bayi su ka kawo min wata dogon akwatu cike da sanduna dogaye, Gajeru da kuma Matsakaita don in zaɓi irin wacce nake so. Ko da na nufi inda wannan akwatu take, sai naji wasu kalamai da Mahaifina ya daɗe yana faɗa min su suna zuwa cikin ƙwaƙwalwa ta,

*Kada ka taɓa raina Maƙiyin ka komai ƙanƙantar sa, domin zai iya baka mamaki, kada ka taɓa nunawa Maƙiyinka ƙiyayya a Fili hakan zai sa ya kasa fahimtar ka, kada ka gaza taimakawa Maƙiyin ka a duk lokacin da ya buƙaci hakan, matuƙar ka taimaka masa daga ranar ka zama surikin sa *

Haka dai na ci gaba da tafiya a hankali har naje gaban wannan akwatu, da zuwa sai nayi Bismillah sannan na kai hannu da nufin na ɗauki sandar da ke layin farko, kwatsam sai naji kamar an janyo ni izuwa cikin wannan akwatu, nan take na faɗa kan akwatun Yayinda hannuna kuma ya riƙe wata sanda ram! Mutanen fadar suka ƙara fashewa da dariya, ina jin Dardira tana cewa 'ji yadda yake wani abu sai kace akuya mai ciki', aka ƙara fashewa da dariya. Har ga Allaah naji kunya, to amma sai na wayince kawai na ɗago daga kan wannan akwatu cike da ƙwarin guiwa, hannu na kuma riƙe da wannan sanda.

Bisa mamaki sai naji wannan sanda tayi daidai da ni, ban taɓa riƙe wata sanda da tayi daidai da ni ba sai wannan, in maka ta Thanos yace "Perfectly Balanced". Wani ƙarin abin mamaki shi ne, gashi dai ga dukkan alamu ba da ice aka haɗa sandar ba amma bata da wani nauyin kirki, daidai ni ɗin dai. Nan fa na tsaya ina kallon wannan sanda cikin mamaki domin ban taɓa tsammanin za'a samu wata sanda wacce zata min daidai kamarta ba. Ita dai wannan sanda ba wani tsawo gare ta ba, kuma bata da kauri sosai kuma kamar yadda na faɗa, bata da nauyi. A hankali kuma sai na fara fahimtar cewa akwai wasu ƙananun rubutu a jikin ta. Kafin in tantance zan iya karanta wannan wannan rubutu ko bazan iya ba, sai naji an sake buga wannan ganga mai ƙarfin sauti, take fadar ta ƙara yin tsit, daga nan sai Dargazu ya bada damar a fara wannan faɗa a tsakanina da Dardira.

Dardira ta ja tunga ta yi tsayuwa irin ta manyan jarumai riƙe da wata Sharɓeɓiyar Takobi wanda saboda tsabar ƙyallin ta har kashe min ido take yi. A nawa ɓangaren kuwa, kasantuwar wannan sandar a hannuna ba ƙaramin ƙwarin guiwa ya bani ba, amma saboda in ci gaba da kafcen da na Fara, sai na yiwa sandar riƙon SAKARKARI kuma nayi wata tsayuwa irin ta cikakkun Falalai. Hakan yasa Dardira tayi min wani murmushin mugunta sannan tace: 'sai kayi bankwana da masoyiyar taka kafin ka mutu', na kai duba na inda Sadiya take tsugunne a ɗaure, har yanzu ban daina mamakin yadda naji son ta ya fice min a rai ba saɓanin da da farko yadda nake jinta tamkar ita ce rayuwa ta. Maimakon in ce mata wani abu kawai sai nayi mata murmushi, sannan na juya zuwa ga Dardira nace da ita: 'ina matuƙar tausayin wannan Kyakkyawar fuskar taki, domin zata tafi lahira ba tare da ta shirya ba! Haba! Ashe wannan kalami nawa ya ɓata mata rai fiye da yadda nayi tsammani, don haka kawai sai ta nufo ni da wani irin azababben gudu cike da fushi ta fara kaimin muggan hare-hare ta ko'ina. 


Maganar gaskiya duk inda ake neman mace Jaruma mai ƙarfin damtse da zafin Nama Dardira ta kai, domin kaimin sara da duka take yi ta ko ina, ni kuwa a nawa ɓangaren babu abinda nake yi face gocewa da kuma kare muggan hare-haren da take kawo min. Dardira tana da matsala guda ɗaya wacce ga dukkan alamu bata san da ita ba, matsalar ta ita ce bata da dabarar yaƙi, tsabar ƙarfin damtse da kuma zafin Nama kawai take taƙama da shi, na fahimci hakan ne ta hanyar irin hare-haren da take kawo min ina gocewa gami da kare kaina ba tare da ni na kai mata hari ko sau ɗaya ba, a taƙaice dai ita Attacker ce.

Nan take wasu Kalaman mahaifina suka ƙara kawo min ziyara:

*Cikakken Jarumi shi ne wanda ya ƙware a kowane irin salon yaƙi, kai hari, kare kai ko taimakawa abokan yaƙin sa. Wanda duk ya ƙware a kai hari kawai, to ba zai iya kare kansa ba idan abokin karawar sa ya fishi ƙarfi. Shi kuwa wanda ya saba da kaiwa abokan faɗan sa ɗauki, abu ne mai wahala yayi nasara a faɗan ɗaya da ɗaya. Shi kuwa wanda ya ƙware a kare kai kawai abu ne mawuyaci ya mutu a yaƙi, kuma da wahala yayi nasara, don haka kana buƙatar ka haɗa Dukka ukun, kuma kada ka sake maƙiyinka ya gane ka ƙware a fannonin duka, ya zama Yayinda zai gane hakan, tuni har kayi nasara a kansa*

Hmmmmm nayi murmushi "Allaah Ya jiƙan ka Mahaifina, kana kabari amma kana ci gaba da koya min sabbin Darussa, na faɗi haka a zuciya ta. A dai dai wannan lokaci ne kuma Dardira ta kawo min wani mummunan sara a saitin wuya ta nayi maza na kare, kafin in ankara ta kawo min wani wawan hamɓari da ƙafarta a ƙirji na, nan take naji kamar an buga min gudumar THOR a ƙirji. Ƙarfin dukan ne yasa nayi wata ƴar ƙaramar tafiya daga inda nake naje na bugu da dirkar ginin fadar, nan take kaina ya fashe jini ya fara malala.

Zan Ci Gaba In Shaa Allaah.

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...

Thursday, 15 November 2018

BIRNIN SAHARA 15

࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​          

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 15)

Nan take Sarauniya Diana ta umurci wasu Jibga-Jibgan dakaru da su kawo mata wani abu da ban san ko menene ba. Dakarun basu daɗe ba sai gashi sun dawo niƙi-niƙi ɗauke da wani teburin baƙin ƙarfe, a kan wannan teburi kuwa, wani kasko ne shima na baƙin ƙarfe, Dakarun nan suka zo suka ajiye wannan teburi a gaban Sarauniya Diana.

Daga nan sai Sarauniya Diana ta yiwa Boka Nuna'u izinin Gabatowa gare ta, wato duk wannan abu da ke faruwa fa kada ku manta babu ko ɗaya daga cikin mutanen fadar da yace ƙala, sai dai kawai lokaci bayan lokaci wasun su kan nuna alamun jin daɗi ko rashin sa a fuskokin su. Yayin da Boka Nuna'u ya gabata a gaban Sarauniya Diana, sai ya maida duban sa zuwa ga wannan teburin baƙin ƙarfe yana mai karanto wasu ɗalasiman tsafi waɗanda shi kaɗai yasan abin da suke nufi. Bai jima da fara karanto waɗannan ɗalasiman tsafi ba sai ga wata shuɗiyar wutar ta bayyana a cikin wannan kasko da ke kan teburin, daga nan kuma sai Boka Nuna'u ya fara karanto wasu sabbin ɗalasiman tsafin da ƙarfi tare da ambaton wasu sunaye marasa kamar yaro na Gwalan-gwalan.

Bai daɗe a wannan hali ba sai ga wasu kyawawan fararen duwatsu sun bayyana a cikin wannan kaskon, ba tare da yace wannan wuta tayi musu komai ba. Bayan ya gama wannan surkulle nasa sai yace: "ka zaɓi ɗaya daga cikin waɗannan duwatsu, domin ƙaddararka tana jikin su ne!

Ashe? Na faɗa a fili ina mai ɗaga hannuwa na cikin alamun mamaki sannan na ci gaba da cewa; 'amma dai kana da matsala, idan har so kake yi na zaɓa mai zai hana ka fito da su waje tukun? Okay, kada ka damu wataƙila kaima ba zaka iya bane ko? No problem, I got it', ran Boka Nuna'u nasan in yayi dubu ya ɓaci domin fuskar sa har wani karkarwa take yi saboda tsabar fushi, sai dai kafin yayi wata magana tuni na matsa gaban wannan teburi ya zamana ina fuskantar wannan kaskon baƙin ƙarfe mai ci da wuta.

Bazan ɓoye muku ba a firgice nake, kawai juriya ce saboda all this things that are happening doesn't actually make sense, sai dai kuma babu yadda na iya face in bi al'amuran a yadda su ke. Don haka kawai sai nayi Bismillah sannan na tura hannu na dama cikin wannan kaskon baƙin ƙarfe mai ci da wuta. Bisa mamaki sai naji wannan wuta ko kaɗan bata da zafi, hasali ma wani irin sanyi ne take fitarwa tamkar AC, Oh oh har na tuna da AC, wai shin ma mutanen nan suna da AC kuwa? Bari dai wannan tambaya ce ta wani lokaci ba yanzu ba. Erm... A ina ma na tsaya? Yes! Wuta mai bada sanyin AC, correct. Yayinda na taɓa ɗaya daga cikin waɗannan duwatsun sai naji yana motsi kamar yana numfashi, don haka sai na kauda hannu na daga gare shi, haka nayi ta taɓa waɗannan duwatsu har na rasa wanda zan zaɓa, can sai wata zuciya ta ce min in ɗauki wannan mai motsin in yaso ayi wadda za'a yi ɓera ya ɓaras da garin Kyanwa.

Yayin da na fito da wannan dutse daga cikin wannan kasko sai naji ya daina motsin da yake yi, har da nayi tunanin maida shi sai Boka Nuna'u ya dakatar da ni ta hanyar fisge dutsen daga hannu na, bayan yayiwa dutsen kallon ƙurilla, sai ya fashe da wata irin Mahaukaciyar dariya, sannan ya ɗaga ɗan ƙaramin dutsen sama yana mai ci gaba da ƙyaƙyata dariyar sa. Ai kuwa ɗaga wannan dutse ke da wuya sai ga tambarin Takubba biyu da garkuwa sun bayyana a saman fadar suna ƙyalli, nan take mutanen fadar suka bushe da sowa suna murna kamar anyi musu wani babban albishir. Bayan sun ɗauki wasu ƴan daƙiƙu suna wannan aiki na dariya, sai Sarauniya Diana ta ɗaga hannun ta sama alamar ayi shiru, nan take kuwa fadar tayi Tsit! Kamar an ɗauke Nepa a wajen taron biki. Daga nan sai Sarauniya Diana ta miƙe daga Karagar Mulkin ta, bayan ta ɗan yi zarya na waɗansu ƴan daƙiƙu, sai ta fuskance ni tana mai cewa: "ya kai wannan Baƙo, dutsen da ka zaɓa yana ɗauke ne da ƙaddarar yaƙi, don haka za'a haɗa ka faɗa da ɗaya daga cikin mutanen wannan birni domin a tantance matsayin Jarumtar ka, amma ka sani cewa wannan faɗa da zaka yi yana da doka ƙwaya ɗaya ce tal! Ka kashe ko a kashe ka! A zahirin gaskiya wannan jawabi nata ba ƙaramin tsorata ni yayi ba domin ji nayi kamar in fece daga fadar, sai dai a yayinda take furta waɗannan kalamai, idanuwanta kuma wani labarin suke bani na daban. Labarin dai ya tafi ne kamar haka; "kai Haiman kai dai matsala ne! Kai kasan irin bala'in da ka jawowa kanka kanka kuwa? Yanzu ga shi babu yadda na iya dole in bari kayi wannan faɗa in ba haka ba kuwa jama'a ta zasu yi min bore.

Kada ku tambayeni yadda akayi na fahimci duk waɗannan abubuwa a cikin wannan ɗan lokaci haka, zan muku bayani a gaba, amma wannan yanayi da naga Sarauniya Diana a ciki ba ƙaramin Nishaɗi ya sakani ba, don haka ban san lokacin da na buɗe baki na fara sambaɗa dariya surutu ba ina cewa; 'haha ai Sam kada ki damu Sarauniya komai zai yi daidai, babu wani abin firgici a cikin wannan al'amari haha! Sai bayan da na gama Suburbuɗo waɗannan bayanai ne na fahimci cewa kowa dake fadar fa ni yake kallo cikin alamun rashin fahimtar inda batu na ya dosa, kafin kowa yace komai sai nayi gyaran murya tare da gyara tsayuwa ta nace; 'An gama yake wannan Sarauniya mai Mulkin duniya, tabbas na amince kuma zan kiyaye wannan doka",

Na tabbata Sarauniya Diana itama hankalin ta a tashe yake, amma jawabi na ya ɗan kwantar mata da hankali. Daga nan sai ta bai wa Sarkin Yaƙi Dargazu izinin Gabatowa gare ta. Da fari nayi zaton cewa da shi zata faɗa, don haka sai na fara tunanin cewa anya ma kuwa Sarauniya Diana so take in fita daga wurin nan lafiya? Musamman duba da yadda ya nufo inda Sarauniya Diana take yana wani irin Murmushin mugunta. Na dai kanne ban ce Komai ba. 

Yayinda Dargazu yazo inda Sarauniya Diana take, sai ya yi mata gaisuwar ban girma, sannan ya juya zuwa ga sauran jama'ar dake fadar yana magana cikin muryar nan tasa mai kama da ƙarar tashin tifa da cewa; 'ya ku mutanen birnin Sahara, a karo na farko tun bayan hawan Sarauniya Diana karagar mulki yau za'a gwabza yaƙi, kuma a karo na farko tun bayan kafa wannan birni, yau za'a gwabza tsakanin jarumin wani gari can daban da kuma namu na nan kuma a cikin wannan fada ta ƙasarmu mai daraja, lallai wannan faɗa da za'a yi ya kamata ya zama ɗaya tamkar da dubu a cikin Tarihin wannan birni namu. Don haka a matsayina na sarkin yaƙin wannan birni kuma jarumin da babu kamar sa, na zaɓi ƴata Dardira a matsayin wacce zata gwabza da wannan baƙon turmi... Au Jarumi, domin a tantance Jarumtar sa". Ai ko da jin wannan batu na Dargazu sai naji hantata ta kaɗa, Sarauniya Diana kuwa komawa tayi kan karagarta kawai ta zauna cikin alamun karayar zuciya, su kuwa jama'ar fadar sai suka ɓarke da sowa suna murnar faruwar wannan al'amari, a taƙaice dai suna murnar mutuwa ta tun gabanin na mutu. 

Ita kuwa Dardira sai ta fito filin fadar tana tafiya cikin rangwaɗa, izza da jiji dakai a lokaci guda, mutane na tafa mata da yi mata kirari. Yayin da ta fito filin fadar, sai Dargazu ya kalle ni cikin Murmushin mugun ta sannan ya kalli Dardira cikin Alfahari yace: 'shin ko akwai wata wasiyya da zaku bayar ko da ɗaya ku ya mutu a sanarwa da ƴan uwansa? Ko da jin haka, sai caraf Dardira ta karɓe da cewa:'bana buƙatar in bar wata wasiyya don nasan babu yadda za'a yi wannan ɗan tamatsitsin yayi nasara a kaina balle har ya kashe ni. 

Ko da naji wannan zance sai raina ya ɓaci, zuciyata ta harzuƙa, tabbas ido ba mudu bane amma yasan ƙima, ko da ganin irin ƙirar jikin Dardira nasan ba sai an gaya maka Jaruma bace, amma du da haka bai kamata ace tana wannan cika bakin ba, don haka sai nan take zuciyata ta kwaɗaita min son ganin nayi nasara akanta ko don inga inda wannan jiji da kan nata zai kaita. To amma ta yaya zan iya yin nasara akan ta? A zahiri dai in tsagwaron ƙarfi ake magana to manta ma kawai, nasan ta wuce tunani na, sai dai sa'a da dubara. Yauwa Dabara! To amma wacce dabara zanyi mata? 

A dai dai wannan lokaci ne wata shawara ta faɗo cikin raina, sai dai abu ne mai wahala inyi nasara da ita, amma in nayi sa'a, tana iya zamar min abin alfahari, in kuwa banyi sa'a ba, zata sa in zama Bahamage lamba ɗaya. Nan fa na fara tunanin inyi amfani da ita ne ko kuma in sake wata? Ina cikin wannan tunani ne kuma sai ga wata shawarar ta faɗo min daga inda ban taɓa tunanin zata zo ba. Wannan shawara kuwa ta fito ne daga babban jarumin Fina-Finan India wato Shah Rukh Khan, na sani cewa zaku yi makakin ace ina cikin wannan yanayi amma ina tunanin Shah Rukh khan? Well, kada ku damu da wannan, abu mafi muhimmanci shi ne, shawarar sa ta zo min a dai dai lokacin da nake buƙatar ta, 
Ga abinda yace;

*take risk in life, if you win you will be happy, if you lose, you will learn*

Haƙiƙa taran aradu da ka shi yafi dacewa da ni a dai dai wannan lokaci tare da fawwalawa Allaah komai. Don haka yayin da Dargazu ya nemi jin ta bakina dangane da wasiyyar da zan bari sai kawai nayi wata dariyar takaici sannan na dube shi ido cikin ido nace;... 


Zan Ci Gaba In Shaa Allaah 

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...


Thursday, 8 November 2018

BAHAUSHE YALLAƁAI

BAHAUSHE YALLABAI!
Assalamu Alaikum Warahmatullah
Wabarakatuhu. Masu iya magana na
cewa “Bahaushe Mai Ban Haushi”,
wannan karin Magana tabbas haka
take, Hakika Bahaushe yana da wasu
Halaye da Dabi’u da suke da Matukar
Ban Haushi da Takaici wadanda sai
dai ace kaico. Watau a yau, da zaku
lura da Yawancin Gidajen Hausawa,
Zaku ga cewa akwai ababen kunya
Makil a cikin wasun su. Bahaushe ne
fa zai auri budurwa Danya Jagab
gwanin ban Sha’awa, Maimakon ya
kula da ita yadda ya kamata bisa
Adalci da Koyarwar Shari’ar
Musulunci sai ya ki, da zarar yaga ta
Ragwabe ta fara fita Hayyacinta sai
yace shi wani auren ma zai karo,
alhalin ga ta gidan nan ma ya kasa
Sauke nauyin ta daya rataya a Wuyar
sa, itama ta biyun dai hakan zai yi
mata, Ho!!! Bahaushe kenan Yallabai!
Shiriritar Bahaushe ba anan kawai ta
tsaya ba, da zarar sun sami wasu
‘Yan Shekaru da matar sa, Shikenan
kuma sai ta koma Ciyar da gidan. Zai
fita bai bata ko sisi ba, bai bar mata
ko Kwayar Masara ba, amma da ya
dawo zai nemi abinci, idan ta kawo
mai, haka Sahoron zai dasa hannu ya
kama ci ba tare da Tambayar ya akayi
aka sami abincin ba. Habaa…
Wannan Irin Hamagwanci har ina???
Wannan dalilin yasa matan Hausawa
da yawa sun fada Barace-barace,
Sace-sace da kuma Yawace-
Yawacen banza domin su sami
abinda zasu rufa wa kansu da
Mazajen su da kuma yaransu asiri. Ni
da ido na naga matar da take…
Domin ta sami kudi, da aka
tambayeta da bakinta tace mijinta ne
baya iya ciyar da ita kuma ko da zai
ji ma sai dai yaji tunda shi yaja. Da
muka bincika kuma sai muka tarar
gaskiya ne abinda ta fada. Ya :Yan
Uwa na maza Don Allah mu dinga
Kokari wajen ganin mun sauke
nauyin da ya rataya a wuyan mu,
domin wallahi duk Irin yadda miji ko
mata suka yi da hakkokin aure to
wallahi zasu yi bayani da Larabci.
Irin wannan mugun hali ne yasa
wasu matan tun da KURUCIYA a jikin
su ma suke Susucewa saboda rashin
kula. Ba ina cewa mata basa laifi
bane, ba kuma cewa nake kada
Mazaje su kara aure ba, amma don
Allah adinga jin tsoron Allah wajen
zama da iyali, a kauda son zuciya a
tsaida gaskiya bisa Sharia. Ina Fatar
Allah Ya Shiryi duk wani mai Irin
wannan halin, Allah Ya fitar damu
daga halin da muke ciki sannan Ya
Zaunar da mu lafiya tare da
Kyakkyawar Fahimta a tsakanin mu
Ameen.

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...


BIRNIN SAHARA 14


࿐​ *_​PRODUCTIVE WRITERS ASSOCIATION_* ࿐​

༄༄ *PWA* ༄༄



࿐​❁✹✿​༄✺༄✿​✹❁࿐​
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
࿐​❁✹✿​༄✺༄✿​✹❁࿐​          

____________________________________

   ✹••✹••✹••✹••✹••✹••✹
         *ѕtσrч/wríttєn ву✍🏻:*
👉🏻© *_Haiman Raees_* ✹••✹••✹••✹••✹••✹••✹

            (℘ᾰ❡ḙ 14)

Ba komai na gani a tattare da Sarauniya Diana ba face abubuwa guda biyu, na farko dai mamaki ne ya bayyana ƙarara a fuskar ta, farinciki da jin daɗi kuma suka bayyana a cikin idanuwan ta. Kada ku tambaye ni ta yaya na gane hakan a cikin ɗan ƙanƙanin lokaci haka domin bani da amsar da zan baku face in ce muku hakanan dai kawai na gane. Ita kuwa Sarauniya Diana dama can ta ƙware a irin wannan al'amari, domin kuwa ita mace ce mai tarin baiwa da karama. 

Sai dai abinda yafi tayar min da hankali a daidai wannan lokaci shi ne, me ya sa kuma take mamaki bayan ita ta roƙe ni da in kwantar da kaina matuƙar ina so ta cece ni? Ina cikin wannan tunani ne kwatsam sai naji an yi gyaran murya. Hakan ne yasa na fahimci cewa ashe fa tun ɗazu na saki baki ne sakaka ina ta kallon sarauniya Diana. 

Ko da na fahimci haka sai nayi sauri na sake duƙar da kaina ƙasa tare da bada haƙuri. Bayan wani ɗan lokaci sai Sarauniya Diana ta sake yin gyaran Murya sannan ta fara magana cikin wata irin siga wacce babu tausayi kuma babu tursasawa a cikin ta tana mai cewa: "An karɓi tubanka yakai wannan baƙo, sai dai ka da hakan yasa ka fara jin daɗi, domin kuwa laifin da ka aikata ya wuce inda kake tunani. Sai dai da fari, zan so inji ta yadda akayi har ka samu damar shigowa wannan birni namu." 

A yayinda Sarauniya Diana tazo nan a zancen ta, sai na rasa me ma ya kamata inji ne? Farin ciki ko baƙin ciki? Hakanan dai nayi ta maza na sake ɗago kaina ina mai kallon ta ido cikin ido sannan na ce da ita:" ya ke wannan Sarauniya mai karamci, ni kaina ban san yadda aka yi na zo nan ba, ni dai abin da zan iya tunawa kawai shi ne kasancewa ta a gidan biredin da nake aiki Yayinda nake ƙulla biredi a Leda, kwatsam sai naji anyi sama dani an buga da bango daga nan ban sake sanin inda kaina yake ba sai farkawa nayi na ganni a nan! 

Ina rufe baki kuwa sai boka Nuna'u yayi caraf ya fara magana da cewa; "kai yaro, kada ka raina mana hankali, ko gashin gemu na na san ya haife ka ballantana ni kaina, shin kai a tunanin ka zamu yarda da wannan Tatsuniyar taka ne? Shin me zai hana kawai ka faɗa mana Gaskiyar cewa kai ɗan leƙen asiri ne da aka aiko ka domin ka kwashi sirrin mu ka miƙa shi ga maƙiyan mu domin su zo suga bayan mu?"

Jin wannan magana ba ƙaramin ɓata min rai yayi ba domin idan akwai abin da na fi tsana a duniya, to bai wuce kace nayi abinda ban yi ba. Amma saboda bana son in ɓwtawa Sarauniya Diana rai, sai nayi banza dashi kawai bance masa komai ba, sannan na ci gaba da magana ina mai cewa: 'Wannan shi ne iya abinda zan iya tunawa yake sarauniya mai duniya.' 

Yayin da Sarauniya Diana taji wannan wannan batu nawa sai tayi shiru na tsawon wani lokaci ba tare da ta ce komai ba. Bayan wani ɗan lokaci, sai Sarauniya Diana ta ci gaba da magana ta na mai cewa: "ya kai wannan baƙo, ka sani cewa abu ne mai wahala a samu mutum ɗaya da zai iya yarda da zancenka a duk faɗin birnin Sahara, saboda yau sama da shekaru ɗari da arba'in kenan da kafuwar wannan birni, amma ba'a taɓa samun mahaluƙin da ya shigo cikin sa ba sai kai", ta yaya kake tunanin zamu iya yarda da kai? 

Yayin da Sarauniya Diana tazo nan a zancen ta, sai naji kamar an ɗaura min dutsen Zuma a kaina. Haƙiƙa in dai har sama da shekaru ɗari da arba'in babu wanda ya taɓa shigowa cikin birnin Sahara, to tabbas Sarauniya Diana da mutanen ta suna da duk wata hujja ta tuhuma ta a matsayin ɗan leƙen asiri, to amma ni na san cewa bani da laifi, tunda ko yanka ni za'a yi ban san ta yadda aka yi na shigo birnin nan ba. A dai-dai wannan lokaci ne kwatsam sai wani tunani yazo min, don haka banyi wata-wata ba wurin yin amfani da shi. "Yake wannan Sarauniya mai ƙima, idan har a tsawon wannan lokaci babu wanda ya taɓa shigowa cikin wannan birni, shin kuna da tabbacin in ku kun fita wani ba zai biyo ku a baya ba shima ya shigo? Ina nufin ah... Tun da dai ba za'a rasa ƙofa ba, kenan ai kowa na iya shigowa, menene banbancin nan da sauran garuruwa? Na tambaye ta Yayinda zuciya ta ke riya min "yauwa na kama su". 



Yayinda Sarauniya Diana taji wannan tambaya tawa, sai tayi wani tattausan murmushi wanda yasa har haƙoranta suka bayyana, sannan tace dani; "tabbas akwai banbanci mai girma a tsakanin Birnin Sahara da sauran birane, domin kuwa babu mahaluƙin da ke iya gani ko shigowa cikin wannan birni face sai ya kasance ahalin wannan birni", dangane da shiga ko fita kuwa, ahalin masarautar ce kawai ake barin su suna fita izuwa wasu ƙasashen domin su koyo sabbin ilmomi a fannoni da dama su dawo su koyar da mutanen gari. Don haka babu damar shigowar wani cikin wannan birni. 

Ko da naji wannan batu, sai nan take naji guiwa ta tayi sanyi, domin kuwa bani da wani uzuri da zan iya baiwa mutanen nan har su amince da ni. Don haka, kawai sai na yanke shawarar rungumar ƙaddara tare da miƙawa Allaah komai. Kawai sai na kalli sarauniya Diana na ce da ita: "shin yanzu babu wata hanya da za'a iya bi domin a gano gaskiya ta? 

Ko da gama faɗin hakan, sai mutanen fadar suka fara yi min dariya, wasu ma harda tuntsirowa daga kan kujerun su. Bayan sun ɗau tsawon lokaci suna wannan dariya, sai Sarauniya Diana ta ɗaga hannu sama alamar ayi shiru, bayan kowa yayi shiru sai ta dube ni cikin alamun damuwa tana mai cewa; "Ya kai wannan baƙo, ka sani cewa muna da wata doka mai tsawon Tarihi da muka kafa a wannan birni, wannan doka kuwa itace, duk Mutumin da ya shigo Ƙasar nan da nufin cutar da ko da ƙadangaren da ke cikin ta ne, to nan take zamu yanka shi, duk kuwa wanda ya shigo bisa ɓatan kai ko tsautsayi, to zamu ajiye shi a ƙarƙashin kulawar wani ɗan Ƙasar har na tsawon wata guda kafin mu yanke hukuncin yadda zamu yi da shi", sai dai kuma ba a nan gizo ke saƙar ba, Wajibi ne ga duk wanda zamu aje a cikin wannan birni namu na tsawon waɗannan Kwanaki ya zama ya Ƙware a cikin ɗayan abubuwa uku, Jarumta, Ilimi Ko Kuma Fasaha, idan kuwa har bai yi nasara a ɗayan waɗannan abubuwa ba, to kai tsaye mu a wajen mu bashi da amfani, duk kuwa wanda bashi da amfani a gare mu, to bamu ga amfanin da zai iya yiwa sauran mutanen duniya ba, don haka nan take shima za'a kashe shi. Bisa rashin sa'a sai gashi kun zama mutane na farko da kuka fara shigowa wannan ƙasa tamu don haka kaji abinda zaka fuskanta matuƙar kana so Burin ka ya cika. 

Ko da naji wannan batu sai nayi shiru ina tunanin abinda ya kamata inyi ni dai ban jin kaina, to amma Sadiya fa? Du da cewa babu soyayyar ta a zuciya ta, babu wani mukusanci nawa da ya wuce ta, haka itama bata da wani makusanci da ya wuce ni, lallai ya zama dole a gare ni in san hanyar da zan kuɓutar da mu daga wannan hali da muke ciki, in kuma abin ya ƙi yiwuwa, to ko ba komai dai ita ta kuɓuta. Don haka kawai sai na cewa Sarauniya Diana na amince, 'amma ina neman alfarma guda ɗaya, ina so idan har nayi nasara a Jarabawar da za'a yi min, to ya zamana Nasarar tamu ce nida Sadiya, ita ba sai an jaraba ta ba! 

Yayinda Sarauniya Diana taji wannan kalami nawa, sai ta cika da mamaki, domin su ƴan wannan birni a mafi yawancin lokutta kowa ta kansa kawai yake yi. "Haƙiƙa kana da ban mamaki", Sarauniya Diana ta faɗa fuskarta cike da mamaki, sannan ta ci gaba da cewa; "abinda ka roƙa ba zai yiwu ba, sai dai nayi maka alƙawarin idan har kayi nasara a Jarabawar da za'a yi maka, to zan baka damar sake shiga wata Jarabawar a madadin ta". 

Wannan magana da Sarauniya Diana tayi ba ƙaramin faranta min rai tayi ba, nan take na duƙa bisa guiwa ɗaya nayi godiya, sannan na miƙe cikin izza nace: "Na shirya domin fuskantar wannan jarabawa! 


Zan Ci Gaba In Shaa Allaah 

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...

Monday, 5 November 2018

DAUGHTERS

👱🏻‍♀👱🏻‍♀👱🏻‍♀
*_DAUGHTERS_* 👱🏻‍♀👱🏻‍♀👱🏻‍♀

In The Name Of Allaah, The Most Gracious, And the Most Merciful. All Praises Indeed be to Allaah, Lord Of The World, Master Of The Day Of Judgement.

May Allaah Sends Millions of Salutations upon Our noble Prophet Muhammad Sallallahu Alaihi Wasallam, his family members, his companions and those who follow their footsteps in truth till the day of Resurrection.


In some Muslim cultures, influenced by non-islamic traditions, daughters are welcomed less than sons. This attitude is condemned by Allaah. Islam criticises the Pre-islamic Arabs by saying; 'When One of them receives the good news of (the birth of the female), his face remains darkned, and he is angry within. He hides himself from the people because of the evil of that of which he has been given good news: shall he keep her in contempt, or bury her beneath the earth? Evil indeed is their judgment.' (16:58-59)

'A man should not be too overjoyed at getting a boy, or unduly sad when he is given a girl, for he cannot know which of them will turn out to be the greater blessing for him. How many fathers of sons wish they had had none at all, or girls instead?!

In fact, girls give more peace, and the reward they brought from Allaah is more bountiful.' (Imam Al-Ghazali).

May Allaah bless and forgive us all, May He Also in his infinite mercy Grant Us Understanding. Aameen Thumma Ameen.

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...


Sunday, 4 November 2018

Wayyo Rayuwa!

💙💙💙💙💙💙💙💙
~*_WAYYO RAYUWA_*~
💙💙💙💙💙💙💙💙

BISMILLAAHIR RAHMANIR RAHEEM.

Inna Lillahi Wa Inna Ilaihir Raji'un.

Yaku ƴan uwana masu karatu, wannan labari da zan baku ya faru ne da gaske, domin na san wacce abin ya faru a kanta ba wai labari aka bani ba. 

An yi wata budurwa Musulma kuma Bahaushiya wacce ta bar gida ta shigo bariki ta kama ɗaki ta ci gaba da sheƙe ayar ta. Baya ga bin maza da wannan budurwa take yi, tana shaye-shaye, sannan kuma tana harkar maɗigo. 

Tun a lokacin da take ganiyar ƴammatancin ta wani babban mai muƙami a cikin sojoji ya nuna yana so ya aure ta, ya gina mata tamfatsetsen gida kuma ya shirya komai na auren, kawai amincewar ta yake nema, amma baiwar Allaah nan ta ƙi amincewa. 

Daga baya tazo tayi wata ƴar rashin lafiya duk ta bi ta rame, ya zamana kaurin jikin ta bai wuce ka rutsa shi ba da yatsu biyu. Wannan bai sa fa ta dawo hayyacin ta ba. Watarana kwatsam sai wani mugun ciwo ya kamata har aka kwantar da ita a asibiti bayan wasu ƴan kwanaki sai aka maida ita gida, a can ne Allaah yayi mata rasuwa.


Wannan al'amari ne ya sa na tuna da wata mace ita ma da ta fito bariki tun tana budurwa har takai kusan shekaru tamanin a duniya bata daina bariki ba, ma'ana ta zama irin tsofaffin nan na bariki.

A ranar da matar nan ta mutu sai da aka rasa wanda zai mata wankan gawa ma ballantana ayi mata sallah, daga ƙarshe dai wani ɗan shaye-shaye aka kira aka bashi kuɗi ya ɗauki gawar yaje ya haƙa rami a daji ya binne ta.

Yaku ƴan uwa na masu daraja, ina so mu dubi waɗannan Labarai guda biyu da kyau, Fisabillahi wace riba ce waɗannan mata suka ci a rayuwar su? Tsakani da Allaah Labaran su bai yi Kamanceceniya da halayyar wasun mu ba dangane da ƙin tuba da komawa zuwa ga Allaah?

Ina fatar Allaah Ya Shirye mu, Ya Ƙara mana imani, ya nuna mana gaskiya kuma ya bamu ikon binta, ya nuna mana ƙarya kuma ya bamu ikon guje mata.

Subhanak Allahumma wabi hamdika ash hadu anla ila ha illah anta astagfiruka wa atubu ilaika.

<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...


Saturday, 3 November 2018

Nima Dai Yau Bari In Tuna Da Gida

Nima Dai Yau Bari In Tuna Da Gida


*_Ke Matar dubarudu, bani madubin dubarudu in duba. Ni da nake matar dubarudu ban duba madubin dubarudu ba sai kai baƙon dubarudu zan baka madubin dubarudu ka duba?_*

*_Fatima ta Fantsamawa Fahad Fura a Fuska_*

*_Babbar Butar Duma ta masu dafa shayi ta ɓule_*

*_Bana son Cicikuri Cikon benci tabarmar kaɗa Caca_*

*_Delu mai Daddawa ta Dallarawa Dauda Mari_*

*_Gorubar Gonar Garba uban Garzali akwai Garɗi_*

*_Tun da Haule ta fara Hauma-hauma da Hauragiya a gidan su Huwaila aka fara ɗaukar ta a matsayin Bahamagiya_*

*_In Inna ta ga Indo sai ta kama Inda-Inda Don Inna tana tsoron Indo mai Idanuna_*

*_Jan Jakin Jabir ne ya gatsawa Jar Jakar Jummai cizo_*

*_Kafin Ka Karya Kara Ko Kai Ƙarya ya Kamata Ka fara Karya harshen Ka da hikima_*

*_Lami ce tayi mana miya mai Laami saboda bata iya Miya irin ta Lamiso ba_*

*_Mairo mai zogale ta ɗaurawa Mariya tallan Maiwa jiya_*

*_Zayyanatu Ƙanwar Zubaida yayar Zailani ta Zabgawa Zaidu mari jiya a Zariya _*

*_Talatu Ta fasawa Taluluwa Tulu ranar Talata_*

*Na ƙalubalance ku, a kafta*



 <><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...

Sunday, 28 October 2018

MUSULMI YA KAMATA MU SHIGA HANKALIN MU


MUSULMI YA KAMATA MU SHIGA HANKALIN MU.

BISMILLAAHIR RAHMANIR RAHEEM.

Haƙiƙa babu yadda za'a yi ace Musulmi baya jin haushin ganin wani wanda ba musulmi bane ko ɗan yaya ne, kuma babu yadda za'a musulmi ya yarda da Kafircin kafiri a matsayin daidai komai girman dangantakar dake tsakanin su. Sai dai kuma duk da haka, babu inda aka ce ka zalunce shi ko ka cutar da shi ballantana kuma ka kashe shi, matuƙar dai ba hari ya kawo maka ba.

Amma saboda Jahilci da son fitina sai kaga ana faɗa a can wani wuri daban kai kuma sai kace bari ka tashi ka kashe na nan kusa, waye ya aike ka? Waye ya baka umurnin yin hakan? Wace ayace ko hadisi ya baka damar aikata hakan?


Lallai ku sani wannan faɗa da ake yi a Kaduna ba Jihadi bane, in kana ji da jarumta ne ka je can inda ake faɗan mana? Ka taɓa ganin an kaiwa wanda bai kawo maka hari ba haka kawai?

To ku sani, duk wanda ya kashe wata rai ko na kafiri ne sai ya amsa tambaya a wajen Allaah, kuma duk wanda yaci kayan wani da sunan ganima sai ya biya.

Ya Allaah muna roƙonka da sunayen ka tsarkaka da ka dauwamar mana da zaman lafiya a Kaduna da dukkan sauran garuruwa da ƙasashe na musulmai, muna roƙon ka daka tona asirin duk wanda yake da sa hannu a wannan rikici ko wanene, ka kawo mana ƙarshen wannan tashin hankali ya Allaah ko don saboda ƙananan yara waɗanda basu ma san menene ake ciki ba.

Allahumma Ajirni Fi Musibati Wa Aklifni Khairan Minha.

Subhanak Allahumma wabi hamdika ash hadu anla ila ha illah anta astagfiruka wa atubu ilaika.


<><><><><><>>><><><><><><>
___________________________________

●●●●●●●●●●●●●●●●●●●●●●●●

<••••••••••••••••••••••••••••>

👳🏻‍♂ *_Haiman Raees_* <••••••••••••••••••••••••••••>

*_"""""""""""""""""""""""_*
📱 _*Phone:*_
 08185819176
*_"""""""""""""""""""""""_*
🌐 _*Web:*_ www.haiman.com.ng

*_"""""""""""""""""""""""_*
🖥 _*Facebook:*_ www.facebook.com/HaimanRaees 

*_""""""""""""""""""""""""_*
🌀 _*Twitter:*_ @HaimanRaees 

*_"""""""""""""""""""""""_*
 🎡 _*Instagram:*_ Haimanraees 
*_"""""""""""""""""""""""_*
 📧 _*Email:*_ Infohaiman999@gmail.com
*_"""""""""""""""""""""""_*
Miyan Bhai Ki Daring...

Thursday, 6 September 2018

BIRNIN SAHARA 13

🌲🌲*_PRODUCTIVE WRITERS ASSOCIATION_*🌲🌲

♻♻ *PWA* ♻♻

_08185819176_

••••••••••••••••••••••••••••••
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
••••••••••••••••••••••••••••••

             ________________________________________

   _______________________
         *ѕtσrч/wríttєn ву✍🏻:*
👉🏻© *_Haiman Raees_*
       

            (℘ᾰ❡ḙ 13)

_______________

Bayan waɗannan dakaru sun buɗe min hanya, sai na bi hanyar kai tsaye na fito fili inda ina iya ganin kowa kuma nima kowa na iya gani na. A nan ne fa naga abun mamakin da ban taɓa gani ba a rayuwa ta. A ƙofar wata Jibgegiyar ƙasaitacciyar fada na tsinci kaina. Wato fada ce da ta ƙawatu matuƙa ta yadda idan har nace zan misalta muku ita, to tabbas sai kunce shara ta kawai nake yi.

A ƙalla tsayin fadar daga ƙasa zuwa sama zai kai kimanin tsawon falwayoyi biyu da rabi, ga wasu murtuka-murtukan dirkoki da suka tokare fadar waɗanda ƙarti biyar da wahala su iya ritsa guda ɗaya. Ƙasan fadar kuma an yi masa daɓe ne da wasu irin duwatsun wuta masu canja launi lokaci zuwa lokaci. Gaba ɗaya bangwayen fadar an yi musu wata irin kwalliya ne ɗanyen gwal, ga wasu fitulu ɗirka-ɗirka masu matuƙar haske suna lilo a sama. Fadar tana da zubi ne da yayi daidai da harafin turanci na V, daga can tsakiyar fadar wata ƙasaitacciyar karagar mulki ce wacce ko karagar sarki Lu'umanu na birnin Teheren albarka. Sai kuma wasu matsakaitan kujerun sarauta a dama da haunin karagar.

A zaune a kan wannan Yalwatacciya kuma ƙasaitacciyar karaga, Sarauniya Diana ce ta ci ado da wasu irin  kaya
Masu ruwan ƙasa da ƙyalƙyali gami da ɗaukar ido, ga wani takalmi  shima mai ruwan ƙasa ta sanya, sai dai irin mai tudun nan ne da Wayayyun mata ne kaɗai ke sawa. Sai kuma hular Sarauta dake bisa kanta wacce ita kuma kalar ruwan gwal ce da ita. Wato na daɗe da sanin cewa Diana kyakkyawar mace ce ta gaban kwatance, amma wannan kwalliya da tayi yau, na tabbatar da cewa in zanyi wata biyar ina tunanin a wane rukuni ya kamata in aje ta a sahun kyawawan mata, gajiya kawai zanyi, domin ko a matakin farko na ajiye ta nasan nayi laifi don ta wuce nan.

A tsai-tsaye a bayan ta kuma wasu Lafta-laftan ƙarti ne guda biyar kamar shanu. A dama da hagun ta kuma waɗan su kujeru ne masu kyawun gaske guda goma-sha-uku-uku. Zaune a kan kujerun farko dake dama da haunin Sarauniya Diana kuma wasu mutane ne guda biyu masu sanye da jajayen riguna. Dukkan su zasu kai kimanin shekaru saba'in saba'in a duniya. Kuma kujerun su suna kusa da na Sarauniya Diana ne. A hagu da mai jar rigar dake daman Sarauniya Diana kuma Dargazu ne zaune tare da 'Yar sa Dardira cikin shigar yaƙi, fuskokin su babu alamar fara'a ko kaɗan.

A dama da mai jar rigar da ke hagun Sarauniya Diana kuma Boka Nuna'u ne zaune a kan wata baƙar kujera wacce ita kaɗai ce mummunan abu da ido na ya kai kansa a fadar. Shima fuskar sa babu alamar fara'a. Ravowar kujerun kuma duk suna ɗauke ne da sauran masu muƙamai a fadar, sai dai akwai wata kujera guda ɗaya wacce take dab da ta boka Nuna'u, itace kaɗai ba kowa a kanta. Me ya sa waccan kujerar ita kuma na ganta empty? Na tambayi kaina a cikin zuciya ta? To kai kuma ina ruwan ka? Wani ɓangare na zuciyata ya faɗa. Nan dai na kori tunanin wannan kujera daga zuciya ta.

Gani na da sauran jama'ar fadar sukayi na fito fili ne yasa suka fara 'yan maganganu kowa na faɗin albarkacin bakin sa. A yayin da suke waɗannan' yan maganganu hankali na baya kansu. Ina can na hangame baki ina kallon wannan kyakkyawar fada wacce ko a mafarki ban taɓa ganin irin ta ba.

Wata ganga da aka buga ce ta sa hankali ni ya dawo jiki na. Ni dai ban ga wannan ganga ba amma dai somehow na san ganga ce. Ban ga wanda ya buga gangar ba kuma ban fahimci sautin daga ina yake fitowa ba. Lokaci guda kawai dai sautin ya bayyana a kunnuwana. Shiru ya biyo bayan wannan sauti Yayinda fadar tayi tsit kamar mutuwa ta gifta.

Can sai  wani dan figigin mutum ya Mike tsaye daga kan ɗaya daga cikin kujerun dake hagu da Sarauniya Diana, hannun sa na ɗauke da wata 'yar Madaidaiciyar ganga wacce a ɗazu hankali na bai kai kanta ba. Yayinda yazo tsakiyar fadar, sai ya fara doka wannan ganga tasa cikin wani irin sauti mai daɗin gaske wanda yasa ni har na fara karkaɗa ƙafa gami da mamakin yadda akayi wannan' yar ƙaramar ganga ke bada sauti haka. A taƙaice dai gwani ne wannan.

Wani ɓangare na zuciyata yace "hmm wa yaga su jikan Dujal! Shiru ɗayan ɓangaren ya faɗa. Kafin in sake yin wani tunanin, sai kuma wani mutumin ya tashi ya fara rero wata waƙa mai dadin gaske yana jinjinawa Sarauniya Diana da kuma sauran jama'ar Ƙasar. Wani abin ban mamaki shi ne, Yayinda yazo daidai gaɓar da yake yabon Sarauniya Diana, sai naji haushin sa ya turnuƙe mun zuciya. Wani ɓangare na ƙwaƙwalwata sai yace "kai hamago ina ruwan ka da ita? Kana fa da budurwa, Sadiya hamago SADIYA! gaba ɗaya wannan fada da kayan alatun dake cikin ta sun sa har na manta ma da maganar Sadiya. Ni dai ban san me ke faruwa ba, amma ji nake yi kamar son Sadiya ya ragu a zuciya ta. Me ke faruwa ne? Na dai share kawai.

Ganin da na yiwa wannan fada yasa na fara shakkar anya kuwa zan fita wurin nan a raye? Ga shi ban ga Sadiya ba a cikin fadar, ko dai sun kashe ta ne? Wani ɓangare na zuciya ta yace 'ka daina wannan mugun tunanin! Daga nan sai na ƙudurta a raina cewa lallai zanyi duk yadda zanyi don in samu damar barin garin nan. Sai dai duk da wannan ƙuduri da na ɗauka, na san cewa in aka yi min wani Rainin wayon komai na iya faruwa, wataƙila ma abinda yasa Sarauniya Diana ta lallaɓe ni kenan, tunda ta san hali na sarai.

Bayan wannan mawaƙi ya gama rero waƙar sa, sai fadar ta sake yin tsit, daga nan kuma sai kowa da ke fadar ya risina bisa guiwar sa yayi gaisuwar ban girma ga Sarauniya Diana. Ya zamana ni kaɗai ne a tsaye cikin fadar. Bayan wani ɗan lokaci, sai Sarauniya Diana tayi gyaran murya. A sannan ne duk jama'ar fadar da suka duƙa ƙasa suka miƙe sannan suka koma izuwa kujerun su.

Bayan kowa ya zauna ne, sai wani Lafcecen Badakare ya daka min tsawa da cewa: "Kai don ƙaniyar baka iya gaisuwa bane?" a zahiri na tsorata da jin muryar Badakaren, amma sai na dake don bai kamata in zama matsoraci ba, ni ne fa HAIMAN! Sai dai kuma bana so in yi abin da zai ɓatawa Sarauniya Diana rai. It's now or never, ya zama dole in yi wani abu.

Maimakon in firgice ko inji tsoro in duƙa inyi gaisuwa a ruɗe, kawai sai na nayi Murmushi sannan na ɗanyi taku uku zuwa gaba Inda za'a fi gani na da kyau na fuskanci mai maganar na fara magana cikin raha ina cewa: "haba bijimi sai kace baka waye ba, ai a matsayina na baƙo kuma mutum mai sauƙin kamata yayi in yiwa Sarauniya gaisuwar ban girma irin wacce ba'a taɓa yi mata irin ta ba! Haba duba fa kaga irin kwalkiyar da tayi wacce nasan ko wata ma da taurari kishi suke yi da ita saboda anfi kallon ta a bisa su, duba fa kaga irin kyawun ta wanda ya zarce tunani, ta yaya kake tunanin zata ji daɗi in an gaishe ta da salo irin na mutanen da wanda an daina amfani da shi da daɗewa? Haba mana ka waye! Ka waye nawa", na ƙarasa maganar ina dariya ciki-ciki. Babu wanda yayi dariya ko murmushi daga cikin jama'ar fadar, hasali ma da yawan su mur suka sha. Sai a lokacin ne na fahimci shirmen da nayi, ta yaya zan zo Ƙasar mutane kuma in kushe musu al'adar da suka daɗe suna yi? Ƙila ma tun zamanin iyaye da Kakanni? Me ke damu na ne? Na dai kanne kawai.

Daga nan sai na nufi inda karagar Sarauniya Diana take kai tsaye, ko da ganin haka, sai wasu ɗirka-ɗirkan ƙarti suka nufo ni da nufin su dakatar da ni, amma sai Sarauniya Diana ta ɗaga musu hannu alamar su ƙyale ni.

Yayinda na iso dab da karagar, sai na tsaya cak, sannan na durƙusa bisa guiwa ta guda ɗaya, na duƙar da kaina ƙasa, sannan na fara magana cikin tausasa murya ina mai cewa: *-" gaisuwa ga Sarauniya Diana, Sarauniyar kyawawan matan duniya, Jarumar gaske, Cikakkiyar mace mai kamala da cikar zati, haƙiƙa na aikata babban kuskure da na yi miki magana cikin rashin ladabi, kuma na san na cancanci kowane irin hukunci kika yanke min, sai dai ya shugaba ta ki sani cewa ni ba komai bane face yaro ɗan mitsili wanda bai san abin da yake yi ba, kuma na jahilci matsayi da ƙimar da kike da su. Da haka ne nake neman afuwa a gare ki yake wannan kyakkyawar Sarauniyar mai cikar halitta- *

Yayinda na zo nan a zance na, sai fadar ta ƙara yin tsit tamkar maƙabarta, aka rasa wanda zai iya cewa komai. Bayan wani ɗan lokaci, sai na ɗago kaina da nufin in kalli Sarauniya Diana. Aikuwa abinda na gani ya bani mamaki matuƙa.

Zan Ci Gaba In Shaa Allaah

_*Phone:*_
08185819176

_*Web:*_ www.haiman.com.ng

_*Facebook:*_ www.facebook.com/HaimanRaees

_*Twitter:*_ @HaimanRaees

_*Instagram:*_ Haimanraees

_*Email:*_ Infohaiman999@gmail.com

🌲🌲*_PRODUCTIVE WRITERS ASSOCIATION_*🌲🌲

♻♻ *PWA* ♻♻


Thursday, 30 August 2018

BIRNIN SAHARA 12

🌲🌲*_PRODUCTIVE WRITERS ASSOCIATION_*🌲🌲

♻♻ *PWA* ♻♻

_08185819176_

••••••••••••••••••••••••••••••
🏜🏜🏜🏜🏜🏜🏜
     *BIRNIN SAHARA*
🏜🏜🏜🏜🏜🏜🏜
••••••••••••••••••••••••••••••

             ________________________________________

   _______________________
         *ѕtσrч/wríttєn ву✍🏻:*
👉🏻© *_Haiman Khan Raees_*
       

            (℘ᾰ❡ḙ 12)

_______________

Dargazu Na Zaune akan wata Bakar Kujerar Bakin Karfe dake Cikin Tafkeken Falon Sa yayi shiru Fuskar sa a Murtuke, sai ga wani Siririn Bawa Ya shigo yana haki kamar ransa zai fita. Ko da ganin sa a cikin wannan hali, sai nan take Dargazu ya Mike Tsaye yace:  "Ya kai Talyus, me ya faru gareka na ganka a wannan hali? Ko da jin wannan tambaya sai Talyus ya nutsu sannan ya kwashe duk abinda yaji kuma ya gani tun daga Lokacin da Imran ya Musulunta Har Izuwa Lokacin Da Haiman Ya Daka Masa Tsawa Ya Firgita ya gudu.

Yayinda Dargazu yaji wannan labari sai Kansa ya Kulle, nan fa ya fara Zarya a cikin dakin yana tunani. Bayan wani lokaci mai tsawo sai ya juyo ya kalli Talyus yace: "Ya kai Talyus, shin Ka tabbata cewa Kuyanga Hameedah ka gani Taje wajen Haiman?" "Eh Yallabai na tabbata, Talyus ya bada amsa." Kuma Ka tabbatar Da Cewa ta bashi wani abu?"   "Eh Yallabai, amma na Rantse da uwata ban san ko menene ba, kuma babu wanda yayi magana daga cikin su, ni Yallabai ina ganin kamar dama shi Haiman din yasan da zuwan Sakon!" Talyus ne yayi wani jawabi. Bayan wani dan lokaci sai Dargazu ya dauko wata Matashiyar Jaka cike da Lu'ulu'u ya jefa ma Talyus sannan ya sallame shi ya tafi.

Bayan Fitar Talyus ne sai Dargazu ya ci gaba da tunanin sa cikin damuwa. Ba komai ne ya sashi cikin wannan damuwa ba face wannan Bakon Yaro, tun daga Lokacin da yazo wannan Birni nasu al'amura duk suka Bi suka Lalace. Yanzu kuma gashi har SARAUNIYA da kanta take aiko babbar Kuyangarta gare shi, ga kuma wani Bakon Addini Da yake kokarin Yadawa, Lallai ya zama dole ayiwa Tufkar Hanci in ba haka ba komai zai iya lalacewa. Haka dai Dargazu yayi ta tunanin sa har hasken alfijir ya keto ba tare da ya Ankara ba.

×××××××××××××××××××××××××××

Ina nan zaune ina tunanin wadannan maganganun da Imran ya fada min har barci ya kwashe ni. Ban tashi ba har sai da sanyin alfijir ya keto ya tashe ni, daga nan na tashi Imran mukayi Taimama mukayi Sallah. Da gari ya waye sosai, sai muka ga an kawo mana abinci mai rai da lafiya harda abubuwan sha. Da Imran kamar ba zai shaba wai saboda kada ya zamana an zuba guba muci mu mutu, ai da naga haka sai nace ina zuwa kawai nayi Bismillah na hau cin abinci ba tare da wata Fargaba ba, da dai yaga haka shima sai ya biyo bayana. Nan dai muka ci muka sha muka godewa Allaah.

Ba muyi Minti Talatin Da gama cin abinci ba sai ga Dakaru sun zo kofar Dakin Da muke Ciki, Babba daga cikin su ya nuna ni da Yatsan sa yace "Sarauniya Diana Tana bukatar ganinka yanzu, daga nan sai ya sa Makulli ya bude kwadon dakin yayi min alamar in fito. Har na kama hanya zan fita sai na Waiga na Kalli Imran wanda tuni alamun damuwa sunyi masa Sambadebade a fuska nace: " Kada ka damu dan uwa, babu abinda zai same ni in shaa Allaah!". Ko da Imran yaji haka, sai ya saki fuskar sa, amma duk da haka sai ya ce dani: "Amma dai ina fatar Ka na da mafita dangane da batun nan ko?", ko da naji wannan tambayar sai nayi wani irin murmushi ta gefe daya, wato irin Murmushin nan da ake kira na Mugunta, sannan nace da Imran, "Kada Ka Damu Abokina, Ina da mafita! Daga nan mukayi sallama Na fita daga dakin. Ina fita kuwa suka maida Makulli suka Garqame kofar dakin sannan suka sani a Tsakiya.

Dakaru kimanin Ashirin ne suke bayana, sannan sai wasu kamar su a dama da hauni na, sai kuma biyar a gabana suna mana jagora. Haka muka ci gaba da tafiya ba tare da nasan ina muka nufa ba. Wani abu da ya bani Mamaki shi ne, Sam babu wanda ya damu da cewa ba a daure nake ba. Haka dai muka ci gaba da tafiya muna wuce Wurare iri daban daban. Ga dukkan alamu dai a karkashin kasa muke domin bana iya ganin komai face inda nake takawa da kuma saman Kaina, kuma ina iya jin kururuwar da sauran Fursinonin gidan yarin suke yi.

A haka dai muka ci gaba da tafiya har muka fito fili inda ina iya ganin sararin samaniya. Daganan sai aka daura ni akan wani katon keken Doki mukaci gaba da tafiya. Tsawon lokaci muna wannan tafiya babu wanda ya ce da wani kala. Can sai na dubi wani dan Siriri daga cikin Dakarun dake tare dani nace "Amma Kai ya naga kayi rama da yawa ne? Ko baka samun abinci sosai ne?" Maimakon ya bani amsa, sai kawai yayi banza dani kamar ma bai ji ni ba. Da Dai naga haka sai na taba Kafadar sa domin in sake Maimaita tambaya ta. Haba ai kuwa sai gani nayi ya kawo min wani wawan naushi, ba don na Ankara da wuri na goce ba da tuni na zama dameji. Wannan Abu sai ya bata min rai don haka sai na matso da karfina nace "wai ku wasu irin Falalai ne da Baku san wasa ba? Ku shikenan komai mutum yayi sai Ku kai duka da kokarin sheke shi... Ban gama fadar abinda ke Raina ba sai kawai naga kowanen su ya juyo kaina ya saita ni da Makamin dake hannun sa. Aikuwa banyi wata wata ba na Sankame Bakina, don naga alama wadannan ba wasan suke so ba.

Haka dai muka ci gaba da tafiya akan wannan keken doki muna ratsa Sahara. Sai dai bana iya ganin komai sakamakon zagaye ni da wadannan Samudawan suka yi. Tafiya muke yi zamu ba zamu ba dai har muka shigo cikin gari, na fahimci hakane ta hanyar Hayaniyar jama'a da na fara ji. Bayan mun taba 'yar Doguwar tafiya a cikin garin sai naji keken dokin da nake ciki ya tsaya. Daganan kuma sai wadannan Samudawan dakarun suka Sassauko sannan suka bani umurnin nima in sauko. Bayan na sauko sai suka sake yi min Rumfa kamar yadda sukayi da farko, sannan suka iza keya ta a gaba muka fara tafiya.

SARAUNIYA Diana tana zaune akan Karagar Mulkin Ta Tana karbar gaisuwa daga Mabiyanta. Fada ce Kasaitacciyar gaske ta gani ta fada. Ga mutane nan sun cika Makil, dakaru kuwa kai ka ce yaki za'a je. Gabaki dayan 'yan Majalisun kasar Sun Hallara a fadar. Dargazu da Mukarrabansa duk sun Hallara, ga kuma Boka Nuna'u nan shima ya samu Kujerar sa ta sarkin Bokaye ya Kame.

A wannan lokaci gaba daya hankalin Sarauniya Diana a tashe yake, domin bata san yaya wannan zama da za'a yi yau zai kasance ba, babban abinda yafi tayar mata da hankali shi ne yadda za'a yi ta iya fitar da Su Haiman daga BIRNIN SAHARA lafiya. Haka dai ta wanzu cikin wannan hali, duk wanda yazo Gaishe ta sai dai ta amsa masa kawai tana yaqe, amma ba gaisuwar bace a gabanta. Tana cikin wannan hali ne sai taji an buga Ganga alamar akwai wani mai son shigowa fadar. Nan take da bata umurnin a baiwa mai son shigowa fadar izinin ya shigo.

Ai kuwa ba'a jima ba sai ga wadannan Dakaru sun shigo cikin fadar a Jere. Yayinda suka zo tsakiyar fadar sai suka tsaya cak! Sannan suka Rabe biyu suka samar da hanya a tsakiya. Ta cikin wannan hanyar ne bakon da ake ta magana Akansa ya fito.

Zan Ci Gaba In Shaa Allaah

_*Phone:*_
08185819176

_*Web:*_ www.haiman.com.ng

_*Facebook:*_ www.facebook.com/HaimanRaees

_*Twitter:*_ @HaimanRaees

_*Instagram:*_ Haimanraees

_*Email:*_ Infohaiman999@gmail.com

🌲🌲*_PRODUCTIVE WRITERS ASSOCIATION_*🌲🌲

♻♻ *PWA* ♻♻