• This is default featured slide 1 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 2 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 3 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 4 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

  • This is default featured slide 5 title

    Go to Blogger edit html and find these sentences.Now replace these sentences with your own descriptions.This theme is Bloggerized by NewBloggerThemes.com.

Showing posts with label Taskar Haiman (Haiman's Archive). Show all posts
Showing posts with label Taskar Haiman (Haiman's Archive). Show all posts

RASHIN KUNYA KO ƘARANCIN TAUHIDI?


RASHIN KUNYA KO KARANCIN TAUHIDI???

Assalamu Alaikum Warahmatullah Wabarakatuhu, Barkan mu da warhaka ya 'yan uwa musulmai. Hakika Nazari yana daya daga cikin hanyoyin da akan bi domin samun ilimi kuma a isar dashi. 

A yau ina so ne in yi tsokaci akan wani al'amari wanda ya dade yana ci min tuwo a kwarya. A wannan zamani da muke ciki akwai abubuwa ko kuma ince dabi"u da dama wadanda ake yi da sam basu dace ace musulmai suna yinsu ba, amma kuma anayi, kuma sam ba'a maida hankali kansu ba. Daya daga cikin irin wadan nan dabi'u ne nake so inyi tsokaci akai. Ayau, mafi yawanci matasan mu idan zasu masallaci domin gabatar da Sallah basa tsaftace jikinsu yadda ya kamata, wasu ma basa tsayawa su yi al'walar yadda ya kamata, wani ma
da ya dawo daga wurin aiki dagaje dagaje kawai zai yi alwala bur-bur yaje ya shiga masallaci mutane suna kyamar hada sahu da shi. Wani ma sam baya kula da jikinsa da zaku hada sahu da shi, kai kadai zaka san me kaji saboda warin hammata, warin rana da makamantan su. Amma idan zaice wurin budurwarsa ne tadi ko hira ko zance. Sai kaga yayi wanka, yayi wanki yayi guga an fesa turare an ci gayu. To shin don Allah me ya sa muka fi baiwa 'yan matanmu muhimmanci ta fannin tsafta fiye da wurin ibadar ?? Shin ashe Manzon Allah Sallallahu Alaihi wa sallam bai hore mu da yin tsafta a koda yaushe ba? Shin baka.tunanin zaka iya daukar alhakin wadan da zaka hada sahun sallar dasu?? shin kana nufin ita budurwar taka ta fi masallacin muhimman ci ne? Shin Rashin Kunya ne yasa bama tsaftace jikin mu yayin zuwa masallaci amma mun iya cancarewa yayin zuwa tadi ko kuma karancin imani ne? Ya Allah ka bamu ikon yi maka cikakkiyar biyayya ba tare da nuna gajiyawa ba. Ya Allah ka bamu ikon yiwa junan mu adalci. Ya Allah ka sa mu dace kuma ka azurta mu da kyakkyawar fahimta Ameen.


Share:

TAYA KAI MURNA


TAYA KAI MURNA

Assalamu Alaikum Warahmatullah wabarakatuhu. 'Yan uwana Makafta kamar yadda kuka sani cewa na saba antayo kafcaccaki iri daban daban a kuma lokuta Mabanbanta, yau kam ba sabon Kafce na kawo muku ba, wannan maƙala ce kawai na yi domin in taya kaina murnar Fassara waƙoƙin Fina Finan India har guda ɗari. Na san ba lallai bane ku ku ga girman abin ko muhimmancinsa, amma a wajena, hakan babban al'amari ne. Hakan yasa nake gayar farinciki a wannan rana, ga jerin waƙoƙin da na fassara nan zan antayo muku. Fatan zaku faɗa min wacce tafi muku daɗi da kuma wacce kuke muradin in fassara muku, hallau kuma dai. Ƙofofin shawari da ƙorafi a buɗe suke. Nagode.

 1. Aaraha Hoon Palatke
 2. Hawayein
 3. Jeene Laga Hoon
 4. Jeena Jeena
 5. Zinda
 6. Mere Humsafar
 7. Suraj Hua Maddham
 8. Tum Hi Ho
 9. Saari Saari Raat
10. Jiya
11. Baaton Ko Teri
12. Saware
13. Jeete Hain Chal
14. Hasi Bangaye
15. Bande Hain Hum Uske
16. Selfie Lelere
17. Tu Milade
18. Teri Khushboo
19. Baatein Yeh Kabhina
20. O Zaalima
21. Sanam Re
22. Sanam Teri Kasam (Title Track) 
23. Dil Na Diya
24. Kal Ho Na Ho (Title Track) 
25. Ajab Si
26. Tehra Chehra
27. Kheech Meri Photo
28. Mere Naam Tu
29. Dangal Dangal 
30. Chakde India (Title Track) 
31. Chicken Kuk-doo-koo
32. Love You Zindagi
33. Alizeh
34. Kamli
35. Tu Chahiye
36. Agar Tum Saath Ho
37. O Saathi
38. Aankhein Khuli
39. Manwa Lage
40. Main Qaidi Number 796
41. Zinda Hai
42. Panchadara Bomma Bomma
43. Guzaarish
44. Ishaara
45. Tu Hi Junoon
46. Dil Tu Hi Bataa
47. Teri Mitti
48. Rang Laal
49. Ranga Ranga Rangasthalana
50. Saanson Ki Mala
51. Prem Ratan Dhan Payo (Title Track) 
52. Dil Diyan Gallan
53. Jaadu Teri Nazar
54. Bhar Do Jholi Meri
55. Bombay Talkies (Title Track) 
56. Kabhi Jo Badal Barse 
57. Slow Motion
58. Tujhe Kitna Chahne Lage
59. Agar Main Ka Hoon
60. Bhula Dena
61. Main Yahan Hoon
62. Main Hoon Hero Tera
63. Jabra Fan
64. Meri Aashiqui
65. Piya Aaye Na
66. Enu Naam Che Raees
67. Laila Main Laila
68. Sanson Ke
69. Bewaja
70. Aasan Nahi Yahan
71. Dhingana
72. Jab Tak Hai Jaan (Poem)
73. Gerua
74. Jeeva Nadhi
75. Janam Janam
76. God Allah Aur Bhagwan
77. Selfish
78. Yeh Fitoor Mera
79. Pehla Pyaar
80. O Khuda
81. Dil Cheez Tujhe Dedi
82. Dhoom Dhaam
83. Badla (Title Song)
84. Sun Saathiya
85. Ek Number
86. Sardar Gabbar Singh
87. Jalte Diye
88. Kaho Naa Pyar Hai (Title Track) 
89. Jaaneman Jaaneman
90. Teri Meri Kahani
91. Ae Dil Hai Mushkil (Title Track)
92. Tujhe Kitna Chahein Aur
93. Sun Raha hai na tu (Female)
94. Milne Hai Mujhse Aayi
95. Tu Hai Ki Nahi
96. Aye Khuda
97. Dandalayya
98. Kya Khoya
99. Jashn-e-ishqa
100. Adhuri Zindagi 

<••••••••••••••••••••••••••••>
      ɧãımãŋ Řâééʂ  
<••••••••••••••••••••••••••••>
       08185819176
Twitter: @HaimanRaees 
Instagram: Haimanraees 
Infohaiman999@gmail.com

Miyan Bhai Ki Daring
Share:

SAƘO NA MUSAMMAN ZUWA GA MASOYAN JARUMI SALMAN

SAƘO NA MUSAMMAN ZUWA GA MASOYAN JARUMI SALMAN KHAN

Bismillahir Rahmanir Raheem.

Assalamu Alaikum Warahmatullah wabarakatuhu.

Ƴan Uwana Masoyan Jarumi Salman Khan ina muku Barka da warhaka, tare da fatan kuna cikin ƙoshin lafiya.

A cikin ƴan kwanaki huɗu zuwa huɗu da suka gabata na fuskanci cewa taƙaddama ta ɓalle a tsakanin ku dangane da cewa SHIN SALMAN KHAN YA TAƁA YIN SUMBA A CIKIN FIM?, abin da ya jawo cece kuce sosai inda wani ɓangare mafi girma na Masoyansa suke ƙaryata cewa bai taɓa yi ba, Yayinda wasu ƴan tsiraru su kuma suka dage akan cewa ya taɓa yi ko yana yi da dai Makamantan su. To, a zahiri dai wannan taƙaddamar cikin gida ce, kuma bai kamata in shiga ba kamar yadda kuma bai kamata in koma gefe in yi dariya ba, domin teburin babu ta yadda baya iya juyawa sai dai in Allaah ne bai nufa ba.
Don haka sai na yanke shawarar yin amfani da matsyina na Maƙwabci domin na aiko da wannan saƙon a matsayin shawara ba umurni ba. Domin kuwa bani da iko akan kowa daga cikin ku, kuma yana daga cikin haƙƙin Maƙwabtaka dama in kaga abinda zai cutar da Maƙwafcinka to kayi iya ƙoƙarin ka wajen ganin ka tseratar da shi daga wannan abin cutarwar. Kuma wannan abun ka iya janyo muku zolaya, zargi da kuma zagi daga waɗanda basu san me ake nufi da soyayyar Jarumi ba. 

Dangane da wannan taƙaddama da ake ta yi wadda kowane ɓangare sun kawo hujjoji tare da ƙalubalantar juna da dai sauran abubuwan da suka wakana. Ni ina ganin kamar ita Kalmar Sumba (watau Kiss) ɗin ce ba'a Fahimce ta ba a matakin farko. Ni a tunanina, da za'a fahimci Ma'anar kalmar da kyau, to da komai zai zo da sauƙi domin daga nan babu buƙatar a ja magana indai ba dama da wata Manufa ake yi ba. Hakan yasa na yanke shawarar aiko muku da taƙaitaccen bayani dangane da wannan Maudu'i tare da fatan zai haskakawa waɗanda basu fahimta ba hanyar da waɗanda suka fahimtar suka bi domin su ma su fahimta.

   Menene Sumba (Kiss)?

Sumba shi ne taɓi wanda mutum kan yi da laɓɓansa zuwa ga wani mutum ko kuma wani abu. Sumba ya rabu izuwa kashe-kashe masu yawan gaske, kowanne kuma ya danganta ne da irin al'adun mutanen da ke yankin da wani kaso daga cikin kashe-karshen ya faɗa. 
Misali; a ɗabi'a irin ta Nasarawa, suriki ma kan iya sumbatar surikarsa a fili. Yayinda a wurin Hausawa kuwa, tun gabanin zuwan musulunci, mata da miji ma ba sa iya sumbatar juna su a bainar jama'a. Shi sumba yana aika saƙo ne zuwa ga wanda aka yiwa, kuma kamar yadda ya rabu kashi-kashi, haka ma saƙonnin suka rabu. Daga cikin saƙonnin da sumba ke aikawa akwai irin su So, Ƙauna, Sha'awa, Girmamawa, Gaisuwa, Abota/ƙawance d.s. 

Wani bincike da aka gudanar ya Sumba shi ne aiki na biyu da mutanen Amurka suka fi aikatawa a kullum bayan riƙe hannuwa kuma kaso 85% cikin ɗari na matasa masu shekaru 15 zuwa 16 sun taɓa yin sumba. Sai dai wasu kayan Adabi sun bayyana cewa har yanzu akwai mutane masu yawa waɗanda ba sa yin sumba sam a rayuwar su.

Taƙaitaccen Tarihin Sumba. 
 
Masana a Fannin ilimin halayyar Ɗan Adam sun kasu gida biyu dangane da asalin sumba. Wasu sun ce wai sumba Ɗabi'a ce da kan zo wa mutum a matsayin bazata ko kuma bisa niyya. Yayinda wasu kuma suka ce sumba ya samo asali ne daga ciyarwa irin wacce iyaye mata ke yiwa yaransu ta hanyar tauna abinci su basu ta baki. 
Masani a fannin ilimin halayyar Ɗan Adam kuma ƙwararre a Fannin ilimin sumba wato Vaughn Bryant yace bayanai mafiya daɗewa da aka fara samu dangane da sumba ko wani abu makamancin haka sun fito ne daga Vedas, wasu rubututtuka na Sanskrit waɗanda suke koyar da mabiya Addinin Hinduism, Buddhism da kuma Jainism kimanin shekaru 3,500 da suka gabata. 

Haka kuma an samu sunan leɓe da sumba a cikin tsofaffin rubutattun waƙoƙin Sumeria. Sannan masu bincike a fannin kayan tarihi sun tabbatar da samuwar bayanai da suka bayyana sumba a cikin kayan tarihin da suka haƙo a birnin Misra (Egypt 🇪🇬) . 
Hallau kuma dai an samu wasu muhimman bayanai da suka danganci sumba a cikin Labaran almara na Hindu wato Mahabharata.
Masana waɗanda suka karanci ilimin sumba sun ce yin sumba ya samu haɓaka sosai a duniya tun bayan da Alexander the Great tare da mayaƙansa suka yaƙi wani ɓangare na Punjab da ke arewacin India a 326 BC.

Rumawa (Romans) sun taimaka Matuƙa wajen yaɗa ɗabi'ar sumba a yankunan Yuropiya da kuma arewacin Ifrikiya. Rumawa saboda son yin sumba da suke yi yasa har tattaunawa suke yi dangane da ire-iren sumba a bainar jama'a. Sumba irin wanda ake yi a hannu ko a kumatu shi suke kira da osculum. Wanda ake yi da baki kuma amma laɓɓa a rufe shi suke kira da basium, shi wannan a tsakanin ƴan uwa ake yinsa. Shi kuma Sumbar soyayya shi ake kira da suavium.
An fara karantar Sumba a matsayin gurbin karatu mai zaman kansa ne a cikin ƙarni na goma sha tara, kuma sunan da ake kiran wannan karatu shi ne philematology. Mutane da yawa sun yi karatu a wannan fage, fitattu daga cikin waɗanda suka yi wannan karatu sun haɗa da Cesare Lombroso, Ernest Crawley, Charles Darwin, Edward Burnett Tylor da Elaine Hatfield. 

Rabe-Raben Sumba 
 
Fitaccen masanin sumba wato Kristoffer Nyrop ya bayyana cewa sumba ya kasu izuwa kashi daban-daban. Daga cikin su akwai Sumbar soyayya, Sumbar ƙauna, Sumbar abota, Sumbar girmamawa, Sumbar lumana d.s 
Sai dai kuma yace, rabe-raben sumba yana banbanta daga wuri zuwa wuri dangane da irin al’adun mutanen wurin, hakan yasa na wasu ya fi na wasu yawa. Misali, Faransawa suna da rabe-raben sumba har kashi 20 Yayinda Jamusawa su kuma suke da 30.

* Sumbar Soyayya. 

Duk da cewa sumbatar laɓɓan juna a tsakanin mutane biyu ya riga ya zama ruwan dare a wannan zamani a matsayin alama ta soyayya ko ƙauna, Al'ummomi da yawa basu san da wannan ɗabi'ar ba sai ta hanyar turawan Yuropiya. 
Shi Sumbar soyayya sumba ne wanda masoya suke yiwa junansu a duk lokacin da suka haɗu ko zasu rabu ko kuma lokaci bayan lokaci idan suna tare. Su kan yi Hakane kuma domin nunawa juna soyayyar da suke yiwa junansu. Shi irin wannan sumba akan yi shi baki da baki ne ba tare da Shamaki ba. 

* Sumbar Sha'awa. 

Wannan shi ne irin Sumbar da mutane suke yiwa junansu Yayinda sha'awar su ta motsa ko kuma domin motsa sha'awar. Banbancinsa da Sumbar soyayya shi ne, a mafi yawancin lokutta an fi daɗewa wajen yinsa, sannan an fi tsanantawa. 

* Sumbar Ƙauna 

Shi Sumbar ƙauna ya banbanta da na soyayya wanda masoya ne ke yiwa junansu. Shi wannan Sumbar duk da cewa masoya suna yiwa junansu irin sa, basa yi har sai soyayyarsu ta rikiɗe ta koma ƙauna. Misali ƙarara shi ne irin Sumbar da Mahaifa ke yiwa Ƴaƴansu. Banbancinsa da na soyayya ko sha'awa shi ne, ba'a yinsa don jin daɗi ko samun wata biyan buƙata, kawai ƙaunar ce ke gudana ta cikinsa. 

* Sumbar Abota ko Ƙawance 

Wannan sumba ne da abokai kan yi wa juna haka ma ƙawaye kan yiwa juna. Bugu da ƙari kuma, ahali biyu ma su kan yiwa juna irin sa. Shi wannan sumba yawanci a kumatu ake yinsa, duk da yake dai a kwai wasu yankuna da suke yin baki da baki. Akan yi shi ne domin nuna kulawa a tsakanin abokan ko ƙawayen. 

* Sumbar Girmamawa. 

Tarihi ya nuna cewa, tun tale-tale ana amfani da sumba a matsayin girmamawa ta hanyoyi da dama. Shi irin wannan sumba akan yi shi a ƙafa ko hannu ko a tufafin wanda ake girmamawa. 

* Sumbar da ta shafi Addini. 

Wanna sumba ita ce irin Sumbar da mabiyan addinai ke yiwa abubuwan da suka shafi harkar addinansu, ko kuma a wasu wuraren wa ababen bautar kai tsaye. Shi ma wannan kai tsaye ake ɗaura laɓɓa akan abinda ake sumbatar. 

* Sumbar Lumana ko zaman lafiya. 

Shi wannan Sumbar ana yin sa ne domin Samar da lumana a tsakanin mutane biyu ko tawaga biyu. A can dauri, Mayaƙa ma kan yi irinsa domin nuna tabbacin sulhu a tsakanin su. Hallau dai, sarakuna kan yi irin wannan sumba domin nuna aminci da juna kan zaman lafiya. A wasu wuraren ma shugaba kan tursasawa abokan hamayya sumbatar juna bayan ya shirya su. Shi irin wanna sumba ana yin sa ta leɓe da leɓe, ko a kumatu ko kuma a hannu. 

Ƙarin Bayani Dangane Da Sumba. 
 
Donald Richie ya bayyana cewa a Japan, kamar yadda yake a birnin Sin, sun ɗauki sumba a matsayin alama ce ta sha'awa kawai, kuma yin sa a fili rashin kunya ne. Abin har yayi tsamari ta yadda mutanen birnin Sin suna ɗaukar duk wacce take Sumbatar Namiji a fili kai tsaye a matsayin karuwa. 

A Rayuwar ƙasashen gabashin duniya ta yau, sumba ya danganta ne da irin wuri da kuma mutanen wurin. A yammacin yankin Asiya, sumbatar leɓe a tsakanin maza ko mata alama ce ta gaisuwa da girmamawa, amma a gabashi da kuma kudancin Asiyan, a tsakanin mata ne kawai ake yin hakan, maza basu cika yi ba. 

A Ƙasar Hausa kuwa, sumba a bainar jama'a an ɗauke ta ne a matsayin alama ta rashin Tarbiyya da nuna cewa mutum ya kai ƙololuwar ƙwarewa a rashin kunya. 



SUMBA A CIKIN FINA-FINAI 

Sumbar soyayya da ya fara bayyana a jikin majigi ya bayyana ne a cikin wani fim ɗin Amurka mara magana mai suna THE KISS a 1896. Sumbar da aka yi a cikin shirin ya ɗauki tsawon daƙiƙa talatin ne wanda hakan ya haifar da gagarumin cece-kuce tare da samun Zafafan kalamai daga masu kare Tarbiyya da ɗa'a na birnin New York. Wani daga cikin masu sharhin Fina-Finai na wancan lokacin ma dai cewa yayi: "wannan abun Allah wadai ne, irin wanda ya cancanci a kira wa ƴan sanda. 
Daga nan ne sai matasa dake kallon irin waɗannan Fina-Finan suka fara kwaikwayon Jaruman soyayya irin su Ronald Colman da Rudolph Valentino. Ƴan Fim mata da yawa a wancan loton sun zama Shahararrun Jarumai ne saboda iya nuna jin daɗin su yayin sumba a cikin Fina-Finai. Daga cikin su akwai Nazimova, Pola Negri, Vilma Bánky da kuma Greta Garbo. 

Sumba irin ta leɓe-da-leɓe ba'a fara yin ta ba a cikin Fina Finan Bollywood har sai zuwa ƙarshen 1990s duk kuwa da cewa ana sane da shi kuma an shirya wa Yinsa tun lokacin da aka kafa Bollywood. 
Wannan kuma ita ma magana ce mai zaman kanta tun da yake bayanai sun nuna cewa sumba ta bunƙasa kuma ta yaɗu ne sosai da sosai a India. Wataƙila hakan yasa tun da aka fara mutane suka amshi abin hannu biyu. Sumba mai tashi ita ce irin Sumbar da ake haurawa zuwa ga wanda ake so, irin wannan sumba ce aka fi yi a cikin Fina-Finan India na farko-farko, kuma har yanzu ana yin sa a cikin Fina Finai. 


A Fina-Finan Japan na farko-farko, nuna Sumba ko wani abu da ya shafi saduwa ko sha'awa abu ne da ke ƙunshe da Jimirɗa Matuƙa. A 1931, wani mai bada umurni ya taɓa yin coge ya sa wata fitowa da ake sumba a ciki har ta shallake masu tace Fina-Finai. Amma ana fara haska shirin a wani gidan haska Fina-Finai da ke Tokyo, nan da nan aka dakatar da shirin kuma aka ƙwamushe fim ɗin.

Dokar Yin Sumba 

Akwai doka mai tsanani a wasu ƙasashen, musamman ƙasashen musulunci. Misali, a Iran duk mutumin da aka kama shi ya Sumbaci wacce ba Muharramarsa ba ko ya taɓa ta, za'a yi masa bulala 100 in bai ci sa'a ba ma sai yayi yari. 
Haka ma a sauran ƙasashen musulunci dokar take. Duk da cewa ya halatta Ma'aurata da muharramai su Sumbaci junansu a fili (musamman a kumatu ga ƴan uwa), sumbatar waɗanda ba muharramai ba ka iya jawo wa mutum abinda bai yi tunani ba. Domin a 2007, gwamnatin Dubai ta ci tara tare da garƙame wasu mutum biyu a kurkuku saboda sun Sumbaci juna tare da yin runguma a bainar jama'a. 


A Ƙasar India, nuna soyayya ko ƙauna ta hanyar runguma ko sumba a bainar jama'a yana matsayin ta'addanci ne kamar yadda yake rubuce a sashi na 294 na Indian Penal Code, 1860 kuma hukuncinsa shi ne garƙamewa a magarƙama har na tsawon wata uku ko tara ko kuma duka biyun. Wannan dokar kuma har yanzu Ƴan Sanda da kotu na amfani da ita wajen ƙwamushe Masoyan da ke irin wannan aiki. Sai dai kuma a wasu sassa na Ƙasar, kotu kan yi watsi da irin wannan cajin. 


To idan mun Fahimci waɗannan bayanai, Tambaya ɗaya ce kawai Ta rage mana. Wannan tambaya kuwa ita ce: WANE IRIN SUMBA NE SALMAN KHAN BAYA YI A FIM? 

Na Barku Lafiya. 

<••••••••••••••••••••••••••••>
      ɧãımãŋ Řâééʂ  
<••••••••••••••••••••••••••••>
       08185819176
Twitter: @HaimanRaees 
Instagram: Haimanraees 
Infohaiman999@gmail.com

Miyan Bhai Ki Daring


Share:

NA DAƊE DA FAHIMTAR HAKAN 03

NA DAƊE DA FAHIMTAR HAKAN 03

To abu na gaba kuma shi ne, akwai wasu mutanen da a da suna son wani Jarumi, amma daga baya sai ka same su suna son wancan ɗin amma kuma suna son wani a gefe, wasu kuma sai su watsar da wancan ɗin kacokan su komawa sabon. To me ke jawo faruwar hakan?

Kamar yadda na faɗa a baya, a mafi yawancin lokuta idan Jarumi ya ƙware a fannoni da dama yana kwashewa waɗanda suka ƙware a fannoni kaɗan kasuwa saboda banbancin Ra'ayi. Wasu kuma ƙila Jarumi ko Jarumar da suke so tayi wani abun da bai dace bane sai su dawo daga rakiyar su. Wasu kuma kawai Ƙarewa Jaruman take yi, kamar yadda wani babban Jarumi a da mata suke rubuto mishi wasiƙu da jinin jikin su amma daga Ƙarshe ya mutu a wulaƙance.

To amma kuma akwai wani abu wanda ke kawo irin wannan canji a wajen 'yan kallo, shi ne girma da hankali da kuma tsayuwar Ra'ayi. Sau tari wasu in suna yara sai ka iske sun fi son Fina Finan Jarumi kaza, amma da sun girma sai su canja su komawa wani. Saboda yarinta daban da manyantaka, ƙuruciya daban da girma. Ko da yake ana samun ire-iren waɗanda su har girmansu suna tare da jarumin su (kamar ni kenan), amma basu da yawa gaskiya. Yawancin Masoyan Dilip Kumar da Amitabh Bachchan waɗanda matasa ne ko yara ne a da sun koma son Shah Rukh Khan bayan fitowar sa, yawancin Masoyan govinda da Dev Anan sun komawa Aamir Khan, haka yawancin Masoyan Anil Kapoor da Makamantansu sun komawa Salman Khan. Amma har yanzu akwai waɗanda suna nan suna son su, akwai kuma waɗanda kawai dai suna basu girmansu ne ba wai soyayya ba.

Dama ita rayuwa haka take, in yau kaine gobe wani ne. 

Ina yiwa kowa fatan nasara dangane da Fina Finan Jarumi ko Jarumar sa 

<••••••••••••••••••••••••••••>
       ɧãımãŋ Řâééʂ <••••••••••••••••••••••••••••>
       08185819176
Twitter: @HaimanRaees 
Instagram: Haimanraees 
Infohaiman999@gmail.com


Share:

NA DAƊE DA FAHIMTAR HAKAN 02

NA DAƊE DA FAHIMTAR HAKAN 02

Kamar yadda na faɗa a baya, tabbas kowa na da alaka da jarumin da yake so, ko dai a bayyane ko kuma a sirrance. Akwai mutanen da suke son wasu jarumai kaɗai saboda suna da ban dariya, misali; Johnny Lever, M.S Narayana da kuma Brahmanandam duk sun yi suna a wajen jama'a saboda sun iya bada dariya.

Haka nan kuma, sau tari akan samu wasu gungun mutane kuma waɗanda su kuma Zunzurutun muguntar Jarumi ce ke sa suji suna son shi, ko da kuwa ace su ba mugaye bane a fili. Misali; Amrish Puri, Danny da Prakash Raj duk sun yi ƙaurin suna ta yadda wani ma saboda su Kawai yana iya zuwa ya kalli fim duk da cewa a matsayin azzalumai suke fitowa.

Hallau kuma dai akwai mutanen da su suna son ganin fim ɗin tausayi da shiga mawuyacin hali a rayuwa, to suma suna da irin nasu Jaruman da suke liƙewa.

To kasancewar ita baiwar Allaah tana da yawa, a wasu lokutan sai ka iske Jarumi guda ɗaya ya ƙware a wajen iya abubuwa biyu, uku ko sama da haka waɗanda duk in ya hau yana yin su daidai, hakan ke sa Masoyan waɗannan abubuwan su ji suna sonsa, hakan kuma shi ke sa Aga Jarumi ya tattara masoya da yawa. Misali; Jarumi Hrithik Roshan ya iya rawa, ya iya Kafce kuma ya iya dambe, hakan tasa yana fitowa nan da nan ya samu karɓuwa saboda masu son irin waɗannan abubuwa suna da yawa, kuma a da suna samun su ne kawai a wajen Mabanbantan jarumai yanzu kuma sai gashi sun same su a waje guda.

Misali na gaba kuma shi ne, Shah Rukh Khan. Srk Jarumi ne da maganar gaskiya ba wai don shi ne Jarumi na ba ya iya abubuwa da yawa, ya iya mugunta, ya iya ban tausayi, ya iya ban dariya, ya iya Kafce sannan kuma ya iya soyayya, duniya ma ta san da haka, a taƙaice dai, da wuya a samu wani mutum mai kallon Fina-Finan Indiya da zai ce srk bai taɓa taɓa masa zuciya ba tun da ya fara Fina Finansa, ban ce babu ba, amma da wahala. Kuma wannan dalili yasa Masoyan srk suke da yawa a duniya.

To idan mun fahimci wannan, akwai kuma wasu Jaruman da sun ƙware a wani waje, amma in an je wani wajen ma babu laifi nan ma suna ɗan taɓukawa. Misali; Salman Khan Jarumi ne da ya iya suburbuɗa na gaban kwatance babu ja, kuma ya iya soyayya da Kafce, amma bai iya rawa ba, sai dai kuma hakan baya hana shi taɓuka abin arziki idan ya hau filin rawa, bai iya bada dariya ba, amma da wuya yayi abin ban dariya baka yi dariyar ba.

Zan ci gaba In Shaa Allaah 

<••••••••••••••••••••••••••••>
  ɧãımãŋ Kɧâŋ Řâééʂ <••••••••••••••••••••••••••••>
       08185819176
Twitter: @HaimanRaees 
Instagram: Haimanraees 
Infohaiman999@gmail.com


Share:

NA DAƊE DA FAHIMTAR HAKAN 01

NA DAƊE DA FAHIMTAR HAKAN 01

Masu iya magana na cewa 'Sai hali yazo ɗaya ake abota'. Wannan magana haka take babu tantama. Sai dai ni na ɗauki Darasin wannan maganar ne a wata mahanga ta daban.

Watau na daɗe da fahimtar cewa, mutane suna son Jarumi ne idan ɗayan waɗannan abubuwan da zan lissafo suka yi daidai da nasu.
 1. Hali
 2. Ɗabi'a
 3. Ra'ayi
 4. Salo
 5. Rayuwa

Kamar yadda waccan magana ta nuna, mutum na iya faɗawa soyayyar Jarumi nan take idan halin su yazo ɗaya. Misali; idan halin mutum ne saurin fushi to akwai Yiwuwar zai faɗa soyayyar Jarumi ko jarumar da ke da saurin fushi nan take, haka ma in mai haƙuri ne. 

To haka ma Ɗabi'a, mutane da yawa suna da Ɗabi'ar jin son wanda Ɗabi'ar su tazo ɗaya. Misali, idan Ɗabi'ar mutum ne sanya baƙaƙen kaya, ko shan shayi da safe to akwai Yiwuwar nan take zai iya kamuwa da soyayyar Jarumi ko jarumar da ke da irin wannan Ɗabi'ar.

Hausawa suka ce Ra'ayi Riga, duk wanda yake da tsatstsauran Ra'ayi ko sassauƙan Ra'ayi, to shima nan take zai iya kamuwa da son Jarumi ko jarumar da ke da irin Ra'ayin sa.

Salo wani abu ne da yake bayyana wanene mutum, yaya halinsa da Ɗabi'arsa suke. Idan mutum yana da salon da ya dace da na wani Jarumi ko wata jaruna, to nan take zai iya kamuwa da son wannan jarumin ko jarumar.

Misali; Me yasa Masoyan Jarumi Salman Khan suka fi yawa a India fiye da kowace ƙasa? Saboda mafi yawancin mutanen India salon su, halin su, ɗabi'un su da Ra'ayin su irin nashi ne, don haka duk abin da yayi gani suke yi kamar su ne suka yi ko kuma don su yake yi. Wannan shi ne bayyannen misali da kowa zai iya fahimta.

Sai dai kuma akwai Jaruman da gaskiya kyawun su yasa ake son su, musamman jarumai Mata. Wasu daga cikin su basu da ƙwarewa a harkar Kafce kamar yadda ake tunani, amma saboda kyawun da Allaah Ya basu sai kaga ba'a ganin Kuskuren, wasu mazan ma haka ne abin.

Anan Ƙasar hausa, Jarumai Irin su Sony Deol, Mithun Chakraborty, Prabhas, Charan da Sauran Makamantan su sun sami karɓuwa sosai a wajen matasa saboda sun iya sambaɗa da mazga yadda ya kamata. Yayinda jarumai irin su Shahid, Hrithik, Allu Arjun da sauran su kullum suna samun yabo akan sun iya rawa.

Jaruma Madhubala har yanzu ana yabon kyawun ta, yayinda Madhuri Dixit kuma babu wacce ta kai ta iya rawa. Jaruma Anushka Shetty da Jaruma Kangana Ranaut kowa na yaba musu wajen iya Kafce. Jarumi Aamir khan ma har kiran shi ake yi da sunan ƙwararre, Yayinda Srk kuma duk duniya ta san shi a matsayin sarki ne na masu yin soyayya.

Kenan in kun lura, hankalinmutane yana karkata zuwa ga Jarumi ne idan wani abu da ya dangance su yayi Kamanceceniya da nasu. A taƙaice dai, babu wani masoyin Jarumi ko Jaruma da za'a ce babu wani abu wanda yake yazo ɗaya tsakanin sa da wannan jarumin.

Zan ci gaba In Shaa Allaah.

Amma ku menene Kamanceceniyar dake tsakanin ku da naku Jaruman?

<••••••••••••••••••••••••••••>
  ɧãımãŋ Kɧâŋ Řâééʂ <••••••••••••••••••••••••••••>
       08185819176
Twitter: @HaimanRaees 
Instagram: Haimanraees 
Infohaiman999@gmail.com


Share:

KAN MAI UWA DA WABI


KAN MAI UWA DA WABI


Bismillahir Rahmanir Raheem.

Assalamu Alaikum Warahmatullah wabarakatuhu.

Yaku ƴan uwana ina yi mana Barka Da Warhaka. Sannan ina mai neman afuwar duk wanda wannan muƙala tawa zata ɓatawa rai, domin yau kam in shaa Allaah babu sauran ɗaga ƙafa. Haka kuma zan so kuyi min aikin gafara idan kuka ji na saki layi a wasu wuraren, kamawa tayi ne shi yasa. Sannan kowa ya sani, babu batun nuna ɓangaranci yau, Gaskiyar abin da na fahimta zan faɗa ba tare da ɗagawa wani ko wata ƙafa ba, ko da kuwa ni ne da kaina.
 Allaah Ya azurta mu da Kyayyawar fahimta Aameen.

Wato wata Matsala wacce na lura da cewa ana yawan magana a kanta, kuma har wa yau babu wani ci gaba da zan iya cewa an samu akai. Wannan dalili yasa na yanke Shawarar yin bayani akanta tare da kawo mafita a Ƙarshe in shaa Allaah.

Matsalar ita ce,; da zaka tara Mata tun daga ɗaya har zuwa ɗari zaka samu kusan kowacce daga cikin su tana zargin maza da cewa sun faye kallon mata da yawa, matan nan kuwa ko da na aure ne, ko da zawarawa ne, ko da ƴan mata ne, ko da ƙwwilaye ne, ko da Berori ne kuma ko da Tsoffi ne.
A ɓangaren maza kuma, da zaka tara su suma tun daga ɗaya har zuwa ɗari (ciki har dani) mafi yawancin su suna yiwa matan irin kallon da ya wuce na Shari'a, da zarar kayi magana sai su ce ai laifin matan ne saboda irin shigar da suke yi.

A taƙaice dai kowane ɓangare yana zargin ɗan uwansa. Wannan dalili yasa na yanke Shawarar fitowa domin inyi fiɗar bayanai dangane da matsalar da kuma hanyar da nake ganin za'a bi domin a magance wannan matsala.

Da Farko dai zan fara da iyaye na mata. Mata halittu ne masu wuyar Sha'ani, ana son su amma suna da wuyar mu'amala a mafi yawancin Lokaci, sai dai ba duka aka taru aka zama ɗaya ba. Amma fa, mata sun san cewa Allaah da Manzon Sa Sun yi hani da shigar da bata dace ba yayin fita daga gida a wurare da dama a cikin alƙur'ani da Sunnah, sai dai Kaico! Yawancin iyayen mu mata basa amfani da duk nasihohin da ake musu. Ga ka ɗan daga cikin halayen wasu Iyeye mata dangane da wannan matsala.

*. Wata tana shigar da bata dace bane saboda neman Samari kai tsaye, domin wata gani take yi in ba haka tayi ba bata da hanyar jawo hankalin wani da har zai zo ya neme ta.

*. Wata tana shigar da bata dace bane saboda ta jahilci girman laifin aikata hakan a musulunce.

*. Wata tana aikata hakan ne saboda yahudanci ya riga ya ratsa ta.

*. Wata tana yin Hakane saboda ita tafi ƙarfin kowa, ƴar bariki ce ba mai tsayawa ma yayi mata Nasiha tunda ba ɗauka zata yi ba.

*. Wata dama da gangan take yi don a kalle ta a san cewa ta tara abubuwa saboda wasu DALILAI nata na musamman.

Kaɗan kenan, wasu matan fa kuyi min aikin gafara suna fitowa yawo ba tare da ko ɗan Kamfai ba a jikin su, face doguwar riga kawai ko Hijabi, wanda da zarar iska ta kaɗa, to komai kawai yana waje ne dama. Wani abin mamaki kuma shi ne, yawancin matan nan sukan yi irin shigar da su kansu sun san cewa tabbas in suka fita fa dole sai an kalle su, amma kuma ana kallon nasu sai su koma suna zage-zage da cewa maza karnuka ka ne, ko Mayu ne ko Muzurai ne. To ke kuma fa?

Wata ko Hijabi zata sa sai ta sa shi yadda zata ja hankalin mazaje kanta, kuma da zarar sun kalle ta tace wai Tsinannu ne sun faye shegen Kallo, to ke kuma fa?

Wata fa in tana tafiya har bouncing take yi tana kallon yadda jikinta yake kaɗawa tana alfahari da irin Surar da Allaah yayi mata, ita fa da kanta kenan, amma a haka sai kaji in an bita da kallo tana cewa shegu sun ga kaya, to ke kuma fa?

Maza na dawo kan mu, da yawan maza suna jawa sauran zagi duk kuwa da cewa mu ma ba a taru an zama ɗaya ba. Amma feesabilillah abinda wasu mazan suke yi ko kare bai yi sai dai bunsuru. Wasu mazan fa ko tsohuwa ce In suka bita da kallo sai taji kamar ta faɗi don kunya.

* Idan kuma ƙwaila ce sai kaji ana 'hmm wannan in ta girma za'a yi mace a wajennan.

* In kuma matar aure ce sai kaji ana cewa,' ho ɗan nema wance fa har yanzu da sauran ta. Ko wane fa yayi dace malam, har yanzu ana gurzawa.

* In kuwa ƴan mata ne, haba malam ana magana ma wannan. Sun manta da cewa Addini ya gargaɗesu da cewa su kame ganin su kuma su kasance masu kau da Kawunan su daga irin waɗannan mataye.

Kuma da zarar kai magana sai kaji ance 'ai laifin matan ne, wa yace suyi shigar da bata dace ba? To in sunyi, kai kuma wa yace ka biye musu?
Maza da yawa sun ɗauki Ɗabi'ar kallon matan mutane da ƴan mata kamar wata Sana'ar kirki, shi yasa unguwanni da yawa zaka ga ƴar ƙungiya an zauna kawai ana faman yi da mutane, kaɗan ne suke iya sauke haƙƙin zaman bakin titi.
Kenan idan muka lura da waɗannan bayanai, zamu iya fahimtar cewa kowane ɓangare suna da nasu irin matsalar. To mecece mafita?

Mafita anan ita ce kowa yaji tsoron Allaah Ya tsaya inda aka iyakance shi kada ya ƙetare iyaka. Ke a matsayin ki na mace Musulma wacce ta san mutuncin kanta kiyi iya ƙoƙarin ki wajen ganin kin rufe tsiraicin ki yayin fita, ba ki dinga fita kamar yadda aljifan baya suke fita ba.
Kai kuma a matsayin ka na namiji musulmi wanda ya san mutuncin kan sa, ka yi iya ƙoƙarin ka wajen kare ganin ka daga abin da bai kamata ba.

Sannan kuma dukkanmu mu yi wa junan mu adalci, tunda kowa yana da nashi laifin, me zai hana muyi ƙoƙarin gyara namu kura-kuran a maimakon ci wa juna zarafi da kuma aibata juna? Me zai hana mu dinga yiwa juna Addu'a tare da fatan shiriya a maimakon zagi da tonawa juna asiri?


Ina fatan Zamu ji kuma za mu gyara.
Allaah Ya Shirye mu baki ɗaya, ya Shiryi Zuri'armu. Ya gafarta mana laifukan mu kuma ya ɗora mu akan abinda yake shi ne dai-dai.

Subhanak Allahumma wabi hamdika ash hadu anla ila ha illah anta astagfiruka wa atubu ilaika. Assalamu Alaikum Warahmatullah wabarakatuhu.

<••••••••••••••••••••••••••••>
  ɧãımãŋ Kɧâŋ Řâééʂ <••••••••••••••••••••••••••••>
       08185819176
Twitter: @HaimanRaees
Instagram: Haimanraees
Infohaiman999@gmail.com
Share:

Popular Posts

Total Pageviews

Featured post

MRJ INVESTMENTS

Kasancewar na taso a Karkara, nayi Matuƙar sabawa da abincinmu na gargajiya. Amma da yake a birni nake aiki, dole take sa nake Maneji da ...

Blog Archive

Recent Posts

Unordered List

  • Lorem ipsum dolor sit amet, consectetuer adipiscing elit.
  • Aliquam tincidunt mauris eu risus.
  • Vestibulum auctor dapibus neque.

Sample Text

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.

Ut enim ad minim veniam, quis nostrud exercitation test link ullamco laboris nisi ut aliquip ex ea commodo consequat.

Pages

Theme Support

Need our help to upload or customize this blogger template? Contact me with details about the theme customization you need.